Mantrapada 4

Mantrapāda 4

Language: Sanskrit

4.50 — 1 part

4.1

athoditaviśeṣatastripurahaṃsavāgīśvarī
sabindugaganaṃ bhṛguḥ pṛthagupoḍhabālākṣaraiḥ
iyaṃ bhuvanamohinī bhavati viśvavāgbhūtaye
munistu kamalāsanastadanu coṣṇiguktā ca vāk

mukhe nayananāsyoradharavaktravṛtte ca ke
śravasyaparake mukhe ca hṛdaye'pi nāmau kramāt
nyasedakhilavigrahe śirasi ceti bindusvarān
oṃ haṃ saḥ kaṃ khaṃ gaṃ ghaṃ ṅaṃ hṛdayāya namaḥ | oṃ haṃ saḥ caṃ chaṃ jaṃ jhaṃ
ñaṃ śirase ṭhaṭha | oṃ haṃsaḥ ṭaṃ ṭhaṃ ḍaṃ ḍhaṃ ṇaṃ śikhāyai vaṣaṭ | oṃ haṃsaḥ taṃ thaṃ
daṃ dhaṃ naṃ kavacāya hum | oṃ haṃ saḥ paṃ phaṃ baṃ bhaṃ maṃ astrāya phaṭ
ihāṅgaracanoditā bhavati baddhadig yādibhiḥ

4.3

nijāṅgamanumūlataḥ svapitavigraheṣṭāsanaḥ
payonidhipurakṣitau smarata divyasiddhāśramam
śaśāṅkamaṇimaṇḍape rajatātasiṃhyāsane
sahāmburuhamullasattriguṇamerusatkarṇikam

4.4

merurūpāyai karṇikāyai namaḥ
namo'ntamatha kesarān kulagirīndratattvān yajet
kulaparvatātmakebhyaḥ kesarebhyo namo namaḥ
tathaiva jagatīcchadaiḥ prathitavarṣaśailātmakān
varṣaparvatātmakebhyo dalebhyo namo namaḥ
bahirdharaṇimaṇḍalaṃ jalanidhīṃśca saptārcayet
tathaiva diśi caṇḍikāṃ gaṇapatiṃ guruṃ kṣetrapam

4.5

nijāṅgavṛtirāditastu purato'tha rudro'mbuje
tathopari caturmukhaḥ kamalagastvadho vāsukiḥ
divākaraniśākarāvupari dīpakṛtyau puraḥ
sarojajalajāhvayau nidhivarau dhanasrāviṇau

4.6

śaśāṅkamaṇipāṇḍarāṃ varadadakṣiṇākṣasrajaṃ
prasavyadhṛtavallakīṃ vidhṛtapustakāṃ trīkṣaṇām
jaṭāmakuṭacandriṇīmamalahāramālyādikāṃ
parāmṛtavigrahāṃ namata haṃsavāgīśvarīm

4.7

yadamburuhakarṇikāsukhaniviṣṭadivyākṛtiṃ
vicintya nijamūrdhani sphuṭasarojacandrāmṛtaiḥ
prasiñcadamalaprabhāmatha tadarghyatoyokṣitaiḥ
sugandhikusumādikairyajatu copacārairdhiyā

4.8

4.9

vratocitamitāśano dhavalagandhamālyāmbaraḥ
puraścaraṇakaṃ japet taraṇilakṣamakṣasrajā
palāśakusumaiḥ sitaiḥ sarasijaiśca jātyutpalaiḥ
sugandhinavasarṣiṣā ca juhuyāt tu lakṣaṃ pṛthak

4.10

tataḥ sakalasiddhibhāg bhavati siddhavāgīśvaraḥ
sa sādhakavaraḥ sphuṭaṃ tribhuvanaikasampatpadam
japet pratidinaṃ tathā ghṛtapayohutaṃ śaktito
nijaikyamabhicintya tāṃ vijayate ha vāde parān

4.11

prataptakanakaprabhāṃ trinayanāṃ sapāśāṅkuśāṃ
sakhaḍgakuliśāmbujāṃ triśikhavaryahastāṃ śivām
dhṛtābhayavarapradāṃ smaratu rājyalakṣmyāptaye
smared bhuvanamohinīṃ bhagavatīṃ japāpāṭalām

4.12

nijaikyamaruṇātviṣaṃ karayugakvaṇadvallakīṃ
sapāśamatha cāṅkuśaṃ kalaśamakṣamālāṃ karaiḥ
vicitramaṇibhūṣaṇāṃ tu dadhatīṃ giraṃ cintayejjapādiṣu vaśīkaraṃ tadidamiṣṭamākarṣayet

4.13

śriyaṃ kamalavilvajairmadhuradugdhasiktaistathā
nṛpaṃ ca vaśayejjanaṃ kamalabandhujīvairhutaiḥ
striyaṃ lavaṇataṇḍulairdvijavarāṃśca kundotpalairviśo'pi saguḍaistilairmadhutilaistu śūdrādikān

4.14

hutairviṣavibhītakariravināśavidveṣaṇaṃ
samiddhiratha taddalairavikāyasaṃstambhanam
bhavet saviṣarājikairviṣasamiddhatairmāraṇaṃ
gajājana gavindaiśaśākāṃgamagakaistivaḥ

4.15

glūciśakalaiḥ samaiḥ surabhidugdhadūrvāṅkurairhutaistu sakalāmayāṃstilayutaistu mṛtyuṃ jayet
yadiṣṭamiha mānasaṃ tadakhilaṃ japadhyānataḥ
prasidhyati nijaikyato̍ yajatu haṃsavāgīśvarīm

4.16

kimatra bahuvarṇitaistripurayā tu yat sādhyate
yadiṣṭamanayāpyalaṃ nikhilamaśnute vidyayā
atastu viniyogataḥ khalu samānayuktaṃ phalaṃ
nanu tribhuvanodare na tadihāstyasādhyaṃ dvayoḥ

4.17

haṃsavāgīśvarīvidhānam
jalārsalilātrayastadanu cāpi vāgvādinītyudīrya ṭhayugānvito manurayaṃ daśārṇo giraḥ
ṛṣistu dhiṣaṇo bhavedapi pare tu kaṇvaṃ vidurvirājamapi devatāṃ vidurathāsya vāgīśvarīm

4.18

ṣaḍaṅgasanavastvamī guruvareṇa sandīkṣitaḥ
svakarmakaraṇe rato dhavalagandhamālyāmbaraḥ
vratocitamitāśanaḥ kathitaśastadeśāsanaḥ
puraścaraṇasiddhaye japatu paṅkilakṣaṃ manum

4.19

manoḥ prathamamakṣaraṃ hṛdi niviṣṭatāraṃ nyaset
kanāsikamukhāni dṛggalakucorujānvaṅghrayaḥ
tathodaramudīritaṃ navamameṣu śiṣṭākṣaraṃ
nyaseddhṛdayapaṅkaje punarapi nyaset tārakam

4.20

śironayanakarṇayoryugalake ca nāsāpuṭe
mukhe ca hṛdaye kramāccaraṇayordaśārṇān nyaset
kramo'yamaparo bhaved ruciramekamārgaṃ dvayostato'ṅgamanubhirnyased vihitahetidigbandhanaḥ

4.21

oṃ rakṣa māṃ dakṣiṇāmūrtte! vīrabhadra! namo'stu te
tvatpādasevān rakṣa tvaṃ sadāsmān bhaktavatsala !

4.22

anena śayanāsane gamanayostathāvaśyake
puro japatu sādhakaḥ svatanūmantrarakṣākṛte
dyumadhyajalamarṇavādupami ca śramaṃ nāśayenmanorjapakṛtaḥ sa cecchucirihottaraḥ sādhakaḥ

4.23

athārcanavidhau smared dhanadadiṅmukhaḥ sphāṭikaṃ
payojaladhimadhyataḥ kamalaṣaṇḍagaṃ maṇḍapam
hiraṇyaharipīṭhagaṃ vikasitaṃ sitaṃ mātṛkāsarojamadhikarṇikaṃ sphuṭavikīrṇasatkesaram

4.24

nijāṅgakalitā‌rghyato gaganapadmacandrāmṛtaiḥ
svamastakamathāśrayaṃ yajanavastujātaṃ kramāt
nirīkṣya samavokṣya tad yamajalārthanāthaindragāstvacā mṛgariporvṛsīrupari padmasaṃsthān yajet

4.25

krameṇa caturastivamān prakṛtavakṣyamāṇākṛtīn
sadākṣiṇaśivaṃ guruṃ tadanu kṛttivastraṃ gaṇam
śaracchaśadharadyutiṃ trinayanaṃ jaṭāmaulikaṃ
śaśāṅkakṛtaśekharaṃ kalitayogapaṭṭāsanam

4.26

adho vaṭatarorvṛtaṃ munibhareṇa ṭaṅkānvitaṃ
sabodhajapamālikaṃ namata dakṣiṇāmūrtikam
guruṃ paramakaṃ guruṃ ca parameṣṭhisaṃjñaṃ guruṃ
svapūjyagurumantrato gurumanantapūjyāhvayam

4.27

samādhiniratānimān namata śuklagandhāmbarān
gaṇāṣṭakavibhāvitān sakalavedyapāraṅgatān
karāhitakapālakatriśikhamiṣṭamudrānvitaṃ
trinetramahibhūṣaṇaṃ gajatarakṣucarmāmbaram

4.28

petakamalāsanaṃ subhaṭamuṇḍamālādharaṃ
surāsuranutaṃ vibhuṃ namata bhairavaṃ bhūtaye
japāruṇaruciṃ vibhuṃ gajamukhaṃ pralambodaraṃ
sapāśamapi cāṅkuśaṃ dadhatamātmadantaṃ phalam

4.29

śaśāṅkakṛtaśekharaṃ trinayanaṃ lasadbhūṣaṇaṃ
nato'smi gaṇanāyakaṃ gaganamūrtimiṣṭapradam
samāhitamanāstvimām duritaduḥkhavighnāpahāṃ
praṇamya kamalodare bhagavatīṃ samāvāhayet

4.30

mṛgāṅkamaṇicandrikākumudaṣaṇḍakundadyutiṃ
śaśāṅkaśakalollasajjaṭilamaulikrāṃ trīkṣaṇām
sitāmbaravilepanāmamalahārahārisrajaṃ
dhṛtābhayavilekhinīṃ varadapustakāṃ bhāratīm

4.31

tathāṅgamanubhiḥ kramād yajatu copacārairimāṃ
viśuddhaguḷapāyasaṃ saghṛtamastu naivedyakam
paṭe'tha phalake'thavā samabhilikhya citre yajenna ced rucirapustake likhitapaṅkaje pūjayet

4.32

khapaṅkajagatāṃ tu vā savitṛbimbamadhye'thavā
jale'pi nijavāñchayā vibhavasārasāmyaṃ yajet
nijāṅgavṛtirāditastadanu śaktibhirmātṛbhistadāhvayanamontakaṃ yajatu vakṣyamāṇakramāt

4.33

oṃ yogāyai namaḥ | oṃ satyāyai namaḥ | oṃ vimalāyai namaḥ | oṃ
buddhyai namaḥ | oṃ smṛtaye namaḥ | oṃ medhāyai namaḥ | oṃ śraddhāyai namaḥ
sapustakajapasrajo vimalahāramālyojjvalāḥ
śaśāṅkaruciraprabhāḥ pratidalāgragāḥ śaktayaḥ
kṛtāñjalikaradvayā jaṭikamaulicandrāṅkitāḥ
purābhihitamūrtayaḥ svasuralakṣaṇā mātaraḥ

Linked texts (1)

Īśānaśivagurudevapaddhati — Īśānaśivagurudeva, Sanskrit

Mantrapada 4

Contents

Linked texts (1)