Mantrapada 40: athaikapañcāśaḥ paṭalaḥ
Mantrapāda 40
- Language
- Sanskrit
athaikapañcāśaḥ paṭalaḥ
40.1
mahendrajālavijñānaprasaṅgāt pūrvacoditāt
narmaprakārāḥ saṃkṣipya likhyante vismayapradāḥ
40.2
cūrṇaṃ varāṅge nihitaṃ sadbhūnāgendragopayoḥ
yena tenaiva bhogyā syānnānyeṣaṣāṃ māsamātrakam
40.3
yanmukhodgīrṇatāmbūlaṃ kṛkalāsasya carmaṇi
bhallātakasamudgasthaṃ mukharogakaraṃ bhavet
40.4
uddhṛte mokṣaḥ
śuktisampuṭacūrṇasya lepo bhaganirodhakṛt
kapardacūrṇagotakrakṣālanāt pūrvavad bhavet
40.5
piṣṭādhomukhagośṛṅgalepo yoninirodhakṛt
ūrdhvamukhaśṛṅgalepād bhogyā bhaviṣyati
raktena kṛkalāsasya siktasūtrasya laṅghanāt
40.6
raktasrāvo bhavet strīṇāṃ dvimukhāheraca śoṇitāt
tatsūtraṃ prakṣālya laṅghitaṃ nivartayati
kṛṣṇakākāsṛjā cūtapatre yannāma yojitam
40.7
tasyaiva varcasi kṣiptaṃ taṃ tudanti muhurdvijāḥ
uddhṛtya dagdhe mokṣaḥ
yasyāḥ svamodakaṃ modādyukto vṛścikakaṇṭakaḥ
40.8
madanasya phalastho'syā varāṅge todamāvahet
uddhṛte mokṣaḥ
mayūramaladurdhūraviṣatvaglāṅgalīyutam
40.9
mahiṣāsṛji piṣṭaṃ taddhūmaḥ sarvāstu mohayet
ḍuṇḍukatailenālaktakavartidīpo'pi tatprabhāvalokinaṃ janaṃ sarvaṃ mohayati
kākolukāsṛjā nāma yayornimbadalasthitam
40.10
tatkoṭare tannihitaṃ tayorvairakaraṃ bhavet
mahiṣāśvaraktenāpi tathā
pucchacūrṇaṃ brahmasūnorlāhervāpyalaktake
40.11
vartīḥ kṛtvā kṛtā dīpāḥ sarvān kuryād digambarān
godhṛtenātmarakṣārthaṃ svanāsāntarviropayet
40.12
netrayorañjayedvāpi svayamanyān vimohayet
vajrīkṣīreṇa bahuśastilān sambhāvya śoṣitān
40.13
tattailalepāt kṛṣṇā ye keśāḥ śuklā bhavanti te
bahuśaḥ pippalīcūrṇaṃ vajrīkṣīreṇa bhāvitam
40.14
piṣṭvā sāmalakaṃ kṣiptaṃ keśanāśanamuttamam
rājaputrīrajo'śvānāṃ nāsāntaḥsthaṃ tu pātayet
40.15
suratārabdhakharayoḥ kaṭakaṃ puccharomabhiḥ
āropitaṃ prakoṣṭhe tu lagnaṃ liṅgonnatiṃ vahet
40.16
sṛgālabhuktabadarībījāni suratasthayoḥ
prāropitāni (bālaiḥ?) strīvastraṃ pātayanti prakoṣṭhake
40.17
rājītaile'rkatūlena dīpo matkuṇakān haret
sthalakumbhiśiphā śayyāgatā matkuṇakān haret
40.18
kulīrasya kapole tu dīpastatsnehasādhitaḥ
gṛhasthān matkuṇān sarvānārkaṣayati ca dhruvam
40.19
alaktakārkatūlābhyāṃ vartyā rājīghṛte kṛtam
matkuṇoccāṭakṛd rātrau karīrāmbhastu yūkahṛt
40.20
sitāparājitāmūlaṃ phalapuṣpe'rjunasya ca
vilaṅghasarjakaṃ lākṣā śrīvāsāmṛṣkaraiḥ puram
40.21
tulyairetaiḥ kṛto dhūpo maśakān matkuṇānahīn
mūṣakāṃśca ghūṇān lūtānutsārayati vai gṛhāt
40.22
kokilākṣasya bījānāṃ ślakṣṇacūrṇānvitaṃ jalam
dṛḍhaṃ syād baddhavallyā ced yuktaṃ māṃsākṛtirbhavet
40.23
tīkṣṇagharmasthitaṃ kāṃsyaṃ nirmūle tadadhaḥ sthite
tūle karīṣe śuṣke vā syādagniḥ sūryakāntavat
40.24
bhekasnehena liptaṃ tu kharamūtrayutena cet
hastayoḥ pādatastattadagninā naiva dahyate
40.25
samaṅgāmūlapiṣṭena bhekasnehena vā tathā
tulārohaṇakāle ced ruddhaśvāso laghurbhavet
40.26
guruḥ syād recayed vāyuṃ nirdoṣo'pīha mānavaḥ
vāyuveśmani vāyusthaṃ nāmabāhyeṣuvāyuyuk
40.27
tulāmūle nikhātaṃ ced brahmaghno'pi laghurbhavet
bhūveśmasthitavajrasthaṃ nāmabāhyaiṣṭamāṃsayuk
40.28
nikhanet tat tulāmūle śuddho'pi syād gururnaraḥ
taddine jātagovatsapurīṣaṃtagarācitam
40.29
gulikāṃ prathamaṃ jagdhvā viṣaṃ bhakṣayato na tat
savyoṣakakaṇāṃ piṣṭāṃ gulīṃ pūrvaṃ tu carvayet
40.30
taṇḍulapratyayaṃ paścāt kuryād vijayate naraḥ
jalāhidantamāsyasthaṃ jalaṃ divyaṃ jayaṃpradam
40.31
cūrṇaṃ tu kokilākṣāṇāṃ raktagodhṛtamiśritam
ālipya sarvavadanaṃ ghrāṇakarṇajalaṃ viśet
40.32
jalapratyayaṃ kurvan sadoṣo'pi jayati
śiśumāramalāliptaṃ muṣṭyā citraṃ na dṛśyate
muṣṭimokṣād dṛśyate
syonākabījairantasthaistaddārukṛtapāduke
40.33
ākramya paryaṭet toye niśśaṅkastu yathāsukham
niścalaṃ cittamāveśya sabhrūmadhye lalāṭake
40.34
sakumbhakottānatanurjale plavati nauriva
baddhapadmāsanaśca prasāritasarvāṅgo vā
tailasnigdhā yadā vartiḥ sarjacūrṇavirūṣitā
40.35
antarbahiśca toyāḍhye pātre jvalati dīpikā
snukkṣīrabhāvitā vartī tailāī cābdhiphenavat
40.36
āpūryāyasapātre tu sūtaṃ tasyopari kṣipet
dīptāṅgāraṃ tu tatpātramākāśe tiṣṭhati sphuṭam
40.37
picchanālaṃ tu sāraṃ vā sūtāpūrṇa vidhāya tat
tadgarbhavartistailāktā jvalitā khe vrajet svayam
40.38
ṛtustrīyonigarbhasthaṃ sauvīraṃ saptavāsaram
agnimadhye kṣipet tasmin puruṣo dṛśyate sphuṭam
40.39
bajipūrakatailaṃ tu tāmrapātre nidhāya tu
gharme nidhāya madhyāhne rathī sūryo'tra dṛśyate
40.40
agastipuṣpatoye tu bhāvitaṃ bahuśo'ñjanam
srotāñjanamañjitaṃ netre divā nakṣatradarśakam
40.41
vidyuddyutataroḥ kīlaṃ kṣiptaṃ khe tatra tiṣṭhati
kiñciccūrṇajalopetaṃ bhāvi tailaṃ ghṛtaṃ yathā
40.42
laghulatājyāsaṃsikte pāṇau loṇajalaṃ sthitam
visṛṣṭaṃ tat palālau dahatyagniśca tad dahet
40.44
strījarāyuktatād dhūpādālekhyāni rudanti hi
gugguludhūpastu nivartayati
chucchundarīmadanatālakalāṅgalīkasādhārikumbhakaravīrakṛtastu dhūpaḥ
citrāṇi rodayati tālakasaṃyutāni dhūpe purena vihite prakṛtiṃ prayānti
mayūrapittenādarśe vilipyārdhādhikaṃ nyaset
40.45
sūryasya saṃmukhaṃ guptaṃ grahaṇaṃ dṛśyate sphuṭam
bhallātatailasiktā ye śapharā gatajīvitāḥ
40.46
prasaranti jale kṣiptā jīvanta iva ca kṣaṇam
matsyāṇḍacūrṇaṃ tatpittadigdhaṃ taṃ janayejjale
40.47
matsyaśiśuṃ janayati
nadīśaivalacūrṇaṃ tu māhiṣe mathite kṣipet
viloḍhya yāmāt parato bhekāstatra bhavanti hi
40.48
ālipya śikhipittena pāṇau nimbadalāni tu
dṛḍhaṃ gṛhītvā muktāni vṛścikāḥ sambhavanti hi
40.49
aṅkolatailenāpi nirguṇḍīnimbapatrāṇi tathā
vātyānītaṃ taroḥ pairṇaṃ + + + koladaṃṣṭrayuk
kaṭyāṃ baddhaṃ bhojayati daśānāṃ bhojanaṃ nṛṇām
40.50
sāyaṃ nimantrito'sīti āmantryākṣaṃ tataḥ prage
tadagrapatrāṇyādāya bahu bhojyaṃ yadā bhavet
40.51
tāni dakṣiṇapādena krāntvābhātyodanaṃ bahu
kharīvarāyutrikaṭucūrṇadigdhapadena tu
40.52
vāmena tāḍito vṛkṣaḥ śīrṇapuṣpaphalo bhavet
śilātālānvitaṃ saptadinamannaṃ tu bhojayet
40.53
śikhinaṃ tanmalālisapāṇisthaṃ naiva dṛśyate
kuraṇḍapatrāṇyācarvya ciramoṣṭhaṃ tu vedhayet
40.54
kapolaṃ vāpi sūcyā vā vedanā naiva jāyate
śuṇṭhīṃ colaṃ ca saṃcūrṇya satalohaṃ lihet sukham
40.55
kośālakītailakīṭair vāyunā na vihanyate
yāvakāraktasūtreṇa tailārdreṇa tu bhājakam
40.56
kāṃsyamāveṣṭya tu pacet pāyasaṃ naiva dahyate
tatpāyasopayogastu kliṣṭāśaucavināśanaḥ
40.57
jayatyanyagajān hastī poṣrṇīśiro'ñjanāt
chucchundarīcūrṇitaistaistu dṛṣṭvā gajo bhayāt
40.58
palāyati tadālāne lepāt tasmācca dhāvati !
tilvopari prakṛṣṭānyad dṛṣṭvā phalakā yadā
40.59
mahānasasthā tatrasthaṃ bhojyaṃ tiktaṃ kariṣyati
jalakākāsthiyugalamathane'gnirjvalatyapi
40.60
jale ca tilvakṣīrāktaṃ gandhacūrṇaṃ jaloṣitam
kukkuṭasya ca viṭ tāvat pārāvatannayūrayoḥ
40.61
hemapadmāñcacūrṇaṃ ca śirasyunmattakṛd bhavet
snukkṣīranimbacūrṇābhyāṃ piṣṭārkaphale sthitam
40.62
tatpolikāṃ vā jagdhvā tadgṛhād gacchanti mūṣikāḥ
tālaṃ ca mārjāramalaṃ chāgamūtreṇa peṣayet
40.63
tenaiva mūṣikālepāt sarve gacchanti mūṣikāḥ
gandhakāṅkolatailābhyāṃ sikte vissārakendhane
40.64
atitaptājyahomena svayaṃ jvalati pāvakaḥ
sadābhadrāśiphāvaktrāścarṣayed dhavalāṃ śilām
40.65
indravallyā valāyā vā badane rasagādite
kaṇḍūtirna bhavedāsyānyevambhātupravāhane (?)
40.66
hastasthavṛṣavandāko dyūteṣu vijayī bhavet
bhāṇḍānane sūkṣmakapittvacā vāpyācchādite'ntarmahiṣīghṛtena
prajvālya dīpaṃ vinidhāya tūrddhe'pyaurdhvaṃ ca pūrṇaṃ śaśinaṃ ca paśyet
40.67
sahasrapādaśca kṛtāñjaliśca cūrṇīkṛte'hīpe jalandharasya
śiraśca taccūrṇaviliptagātrīpayodharau yuvatistanau stām
40.68
karañjabījendragopaviddhivicūrṇitaṃ kāñcike
40.69
kṛkalāsapadaṃ caibhirgulī dūrādhyayānakṛt
kaṭyāṃ baddhau | larvadhātra gṛhe dvāraṃ stambhaya ṭhaṭha
kaperāsthi khanenmūtre yasya hum̐ stambhanaṃ bhavet
40.70
ṣaṇḍo bhavati yanmūtre lāṅgalīṃ nikhaned yadi
muktaḥ śirīṣaniryāso bādhiryaṃ janayennṛṇām
40.71
hemam̐dravayutaścāndhyaṃ niryāsaḥ śālmalībhavaḥ
śarkarāmahiṣīkṣīrapānāt svāsthyaṃ tayorbhavet
40.72
sārjaṃ kīlaṃ kulālasya gṛhe takrāṇḍanāśakṛt
eṣa ṣala ṣaḍa anena nisalaiela prajvala saṅghakari ! huṃ sarvaprasādini !
ṭhaṭha
anenāyutasiddhena saptajāpācchirīṣajam
40.73
kīlaṃ pradakṣiṇaṃ nītvā kedāre madhyataḥ khanet
niśyūnaviṃśaghaṭikāṃ corastambhakaraṃ tu tat
40.74
bhallātakarase guñjāgolī maṇḍalakārikā
viṣaṃ ca cūrṇitaṃ gātre prakṣiptaṃ kuṣṭhakārakam
40.753
nimbāmbhaḥśarkarākṣaudrapānanasyāt sukhī bhavet
pralepācca
karmāṇi vismāpanakāni yeṣāṃ narmādiyuktānyabhivāñchitāni
śarmāṇi teṣāṃ manaso vidhātuṃ, marmāṇi jāpyasya vinirmitāni
Linked texts (1)
- Īśānaśivagurudevapaddhati — Īśānaśivagurudeva, Sanskrit