Mantrapada 41
Mantrapāda 41
- Language
- Sanskrit
Contents
- 41.163 — 2 parts
41.1
iti śrīmadīśānaśivagurudevapaddhatau tantrasāre mantrapāde
narmapaṭala ekapañcāśaḥ
kaliprasaṅgātkaṭukāmityādau darśito yataḥ
kaliyuddhamato yuddhe jayopāyo nigadyate
41.2
sṛṣṭyādipañcakṛtyārthaṃ pañcamūrtiryataḥ śivaḥ
tatastu pañcadhā pañcatriṃśattattvamayaṃ jagat
41.3
tatrāpi pañca bhūtāni vāyavaśceti tanmayaḥ
suparṇaḥ pakṣirāṭ tena nirmitāḥ pañca pakṣiṇaḥ
41.4
te pañcabhūtādimayā lipyarṇamayavigrahāḥ
prāgyāmyāpyottarāśāsu madhyakoṣṭhaṃ ca pañcadhā
41.5
pañcabhūtātmakaṃ cakraṃ tatra pañcāpi pakṣiṇaḥ
caranti pañcadhā bhāvaiḥ pañcabhiśca kramotkramāt
41.6
kaṇṭakaḥ piṅgalā cātha kāraṇḍavakasārasau
barhī ca pañca vihagāḥ pūrvādyāsu ca madhyataḥ
41.7
aākaṃḍā vachabhadhā īīkhamaṃnajāḥ śaḍhau
uūgapā jhaṣaṇayā aiaitarasaghāḥ phathau
41.8
oaucaṭhā dalavahāḥ pakṣiṇāṃ kaṇṭakādinām
aṣṭāvaṣṭau pṛthagvarṇā vijñeyāḥ kramaśo budhaiḥ
41.9
śrīkaṇṭhānantavidhyo dārukāmbhogdiraṇḍakāḥ
mīnaikanetrāvityaṣṭau kaṇṭakasyākṣarāṇi hi
41.10
sūkṣmastrimūrtiścaṇḍeśau viṣameṣacaturmukhāḥ
nakraścaivārdhanārīśaḥ piṅgalāṇāṃ prakīrtitāḥ
41.11
karṇau pālī bāhumadhyaṃ pārśvājeśau ca majjayā
umākāntaśca kathitā varṇāḥ kāraṇḍavasya hi
41.12
oṣṭhe cāṣāḍhirakte ca śivottamaśikhī tathā
ḍiṇḍī śuklaṃ ca varṇāḥ syuraṣṭau sārasapakṣiṇaḥ
41.13
dantasthau lāṅgalīkūrmāvātrimāṃsaṃ tato nabhaḥ
chāgalaṇḍaśca varṇāḥ syuraṣṭāveva tu barhiṇaḥ
41.14
ṛṛlṝlṛcatuṣkaṃ ca svarāntyau ṭaṅkṣajāntimāḥ
pakṣicāravihīnāni tānyanāmādikāni hi
41.15
pratipatpūrvāstithayo nandā bhadrā jayā ca riktākhyā
pūrṇā ca pañcamī syāt pañca kramatastu kaṇṭakādīnām
41.16
svatithau nāḍīṣaṭkaṃ prathamaṃ bhokṣyanti kaṇṭakādyāste
śeṣāḥ krameṇa vihagāḥ nāḍīṣaṭkāṇi bhuñjate kramaśaḥ
41.17
bālaḥ kumāro rājā ca vṛddhaḥ svargata eva ca
bhuktiryārnaṃ ca rājyaṃ ca karma suptistathā mṛtiḥ
41.18
nandādiṣvādiṣaṭkādyamavasthaivaṃ tu pakṣiṇām
pañcasvapi ca ṣaṭkeṣu tithipūrvāparārdhayoḥ
41.19
nandādyanādiṣaṭke bālakumārāvanīśavṛddhamṛtāḥ
śyenaḥ kāraṇḍavasārasaśikhino yathākramaṃ kathitāḥ (?)
41.20
piṅgalakāraṇḍavakau sārasaśikhinau ca kaṇṭakaḥ kramaśaḥ
bālādyā vijñeyā dvitīyaṣaṭke tu pañcake vihagāḥ
41.21
kāraṇḍavasārasakau śikhikaṇṭakapijjhalāstṛtīye syuḥ
ṣaṭke bālakumāranṛpavṛddhamṛtāḥ krameṇa vijñeyāḥ
41.22
sārasakekikaśyenāḥ piṅgalakāraṇḍakau caturthe syuḥ
ṣaṭke bālakayauvananarapativṛddhā mṛtaśca vihagavarāḥ
41.23
śikhikaṇṭakaśiśūlūkāḥ kāraṇḍavasārasau ca pañcaite
bālakumārakanarapatijaraṭhātītāśca pañcame ṣaṭke
41.24
aśanaṃ yānaṃ rājyaṃ suptirmaraṇaṃ ca cakrakautukam
svasyāśādyaṃ jñeyaṃ cakre narakoṣṭhake vihaṅgānām
41.25
nandāyāḥ parabhāge kākaścetkaṇṭakaḥ kekī
sārasyo'pi ca bhuṅkte yāti ca rājye svapatyapi pramṛtaḥ
41.26
prathamaṣaṭke
paścād dvitīyaṣaṭke lūkaśryeno ca kekisārasakau
kāraṇḍavaśca bālo yuvā nṛpo vārdhakī ca maraṇagataḥ
41.27
paścāt tṛtīyaṣaṭke śyeno barhī ca sārasadhvāṅkṣau
lūkaśca bāla yauvananṛpavṛddhamṛtāḥ krameṇa te vihagāḥ
41.28
paścāccaturthaṣaṭke barhī bālo yuvā tu mārasakaḥ
kāraṇḍavastu nṛpattirluko vṛddhaśca kaṇṭakaḥ pramṛtaḥ
41.29
paścāt pañcamaṣaṭke mārasanāmno yuvā tu kāraṇḍaḥ
rājā piṅgalasaṃjñaḥ śyeno vṛddho mṛto mayūraḥ syāt
41.30
bhadrādye piṅgaladhvāṅkṣau sārasaḥ kekiṇṭakau
bālo yuvā nṛpo vṛddho mṛtaścaiva pradakṣiṇam
41.31
teṣāṃ karmāṇyapi prāgvad bhuktiryārna ca rājatā
suptiśca maraṇaṃ caidamanyeṣāṃ ca samūhayet
41.32
kāraṇḍādyaṃ dvitīye tu sārasādyaṃ tṛtīyake
mayūrādyaṃ caturthe tu kaṇṭakādyaṃ tu pañcame
41.33
bhadrāparādyaṣaṭke tu sārasadhvāṅkṣapiṅgalāḥ
śyenaśca barhiṇo jñeyā bālādyāṃstu yathākramam
41.34
dvitīye jalakākādyaṃ tṛtīye piṅgalādikam
caturthe kaṇṭakādyaṃ ca mayūrādyaṃ ca pañcame
41.35
jayādyaṣaṭke kāraṇḍaḥ sāraso barhikaṇṭakau
ulūkaścaiva bālādyā bhuktyānādikarmabhiḥ
41.36
jayādvitīyaṣaṭke tu sāraso barhikaṇṭakau
piṅgalā jalakākaśca bālādyāste svakarmabhiḥ
41.37
barhiṇādyaṃ tṛtīyaṃ tu caturthaṃ kaṇṭakādikam
pañcamaṃ piṅgalādyaṃ syājjayāyāḥ pṛthagīritam
41.38
jayāparārdhādyaṣaṭke barhisārasavāyasāḥ
piṅgalākaṇṭakau cāpi bālādyāḥ karmabhiḥ svakaiḥ
41.39
jayāparadvitīyasya sārasadhvāṃkṣapiṅgalāḥ
kaṇṭakaśca mayūraśca bālādyāḥ svasvakarmabhiḥ
41.40
jayāparatṛtīyasya kāraṇḍolūkakaṇṭakāḥ
barhisārasakau cāpi bālādyāḥ karmabhiḥ svakaiḥ
41.41
jayāparacaturthasya piṅgalaśyenabarhiṇaḥ
sārasaścātha kāraṇḍo bālādyā bhuktipūrvakaiḥ
41.42
jayāparaśarāṃśastha śyenabarhiṇasārasāḥ
tadvat kāraṇḍakolūkau bālādyāḥ proktakarmabhiḥ
41.43
riktāyāḥ pūrvaṣaṭkasya sārasaḥ kekikaṇṭakau
ulūkakākau bālādyā bhuktyānādikarmabhiḥ
41.44
mayūrāryaṃ dvitīyaṃ tu kaṇṭakādyaṃ tṛtīyakam
lūkakāraṇḍavāyau tu riktāyāḥ śliṣṭabhāgayoḥ
41.45
riktāparārdhaṣaṭkasya śyenabarhiṇasārasāḥ
dhvāṅkṣolūkau ca vijñeyāḥ prāgvad bālādikarmabhiḥ
41.46
riktāparadvitīyādiṣaṭkānāṃ barhisārasau
kāraṇḍapiṅgalāśyenā bālādyā bhuktipūrvakaiḥ
41.47
pūrṇāprathagaṣaṭkasya barhikaṇṭakapiṅgalāḥ
jalakākaḥ sārasaśca bālādyāste pradakṣiṇam
41.48
tadvitīyādiṣaṭkānāṃ kaṇṭakolūkavāyasāḥ
sārasaścaiva pūrṇāyā bālādyāḥ proktakarmabhiḥ
41.49
pūrṇāparārdhādyaṣaṭke piṅgalāśyenabarhiṇaḥ
sāraso jalakākaśca bālādyā vyutkrameṇa hi
41.50
dvitīyaṣaṭkādikānāṃ pūrṇāyāḥ kaṇṭakaḥ śikhī
sāraso vāyasaścādyā jñeyā bālādayaḥ kramāt
41.51
yasyābhidhānādyarṇasya pakṣī rājyaṃ karoti cet
vijayo yudhi vāde vā kumāro madhyamaṃ phalam
41.52
bāle phalaṃ syādādhamaṃ vṛddhe nāśo mṛte mṛtiḥ
rājye śreṣṭhaphalaṃ yāne madhyaṃ bhuktau tathādhamam
41.53
svāpe kṣayo mṛte mṛtyurevaṃ jñeyaṃ vicakṣaṇaiḥ
sāraso balavān kākāt tasmāllūkastataḥ śikhī
41.54
mayūrād balavān śyenastvevaṃ vidyād balābalam
mayūraśyenakāraṇḍasārasā balino divā
41.55
ulūkastu balī rātrau sarve sandhyābalāśca te
tithīnāṃ pūrvabhāgastu divā rātriśca paścimaḥ
41.56
tattatkālabalaṃ jñātvā dhīro yuddhe pravartayet
pakṣicāreṇa vijñeyaṃ jīvitaṃ maraṇaṃ rujā
41.57
lābhālābhāṃgamāpāyakāryākāryaṃ śubhāśubham
rājā rājyaṃ ca sarvatra śreṣṭhaṃ yānakumārakau
41.58
madhyamau bhuktibālau cedadhamaṃ prastutaṃ phalam
svāpe vṛddhe ca tannāśo mṛtau ca maraṇe vadhaḥ
41.59
tattatkāryānukūlyena phalaṃ caivaṃ samūhayet
garuḍaścām̐tusiṃhau śvā sarpamūṣikadantinaḥ
41.60
śaśaścaindrādidiksaṃsthāsteṣāṃ vidyād balābalam
akārādyaṣṭavargā ye dikṣu tārkṣyādirūpiṇaḥ
41.61
tattadakṣarapūrvākhyā yeṣāṃ te'pi tadātmakāḥ
tārkṣyasarpau mithaḥ śatrū tathā mārjāramūṣikau
41.62
gajasiṃhau śaśaśvānau parasparavirodhinau
tārkṣyaḥ sarpaṃ jayet sarpo na tārkṣyaṃ tārkṣyabhāgateḥ
41.63
sarpo'pi tārkṣyaṃ jayati prāyaḥ sarpadiśi sthitam
evantu siṃhagajayorotumūṣikayorapi
41.64
śaśakukkurayoścāpi vidyām̐d bhūmerbalābalam
tārkṣyoṃtusiṃhaśvānastu balinaḥ śatruyāyinaḥ
41.65
śiṣṭām̐ḥ sarpādiyaḥ sthāne prāpnuvanti parābhavam
sthānavyatyastaṃ phalamiti kecit
nāmāvarṇeṣu dīrghāṃstu kalā yeṣāṃ balādhikāḥ
41.66
hrasvāḥ kalāstu yannāmnāmādau hīnabalāstu te
tārkṣyādivargavarṇāni yeṣāṃ nāmādikāni tu
41.67
te te tārkṣyādikā jñeyāstaistairvidyād balābalam
dvandvayuddhe'thavā yuddhe yayorvā nṛpayordvayoḥ
41.68
tārkṣyādijātiṃ ca diśo jñātvā yuddhāni kārayet
śukle caturthyāmaṣṭamyāmekādaśyāṃ ca parvaṇi
41.69
indragrimunivedānāṃ viṣṭiryāmeṣu dikṣu ca
kṛṣṇe tṛtīye saptamyāṃ daśamyāṃ bhautike dine
41.70
ṛtuvedābdhicandrāṇāṃ yāmadikṣūdayaḥ smṛtaḥ
punarnayo naro nāgo nṛpo nārī nagaṃ punaḥ
41.71
tatkālaviṣṭināḍī syād varjyā śuklāditaḥ kramāt
yasyāṃ tithau ca yāme ca viṣṭirbhānordiśi sthitā
41.72
tasyāṃ tasyāṃ tithau viṣṭayāṃ caṇḍarāhuḥ samaḥ sthitaḥ
arkodayādi nityaṃ tu prāgādyāsu pradakṣiṇam
41.73
arkāraguruhaṃsaumyānāṃ sitasaurīndubhoginām
udayaḥ saiṃhikeyasya prātaraiśe sthitiḥ smṛtā
41.74
ardhārdhayāmamaṣṭāsu dikṣu tasyāpradakṣiṇam
sthitirāṣṭamayād rātrāvapi rāhogatiḥ samā
41.75
api sāṃvatsaro rāhurdikṣu māseṣu tiṣṭhati
prācyāṃ siṃhānacāṣeṣu yāmye strīnakragosthitiḥ
41.76
yamataulighaṭeṣvapye saumye karkikṣaṣāviṣu
yasmin rāśau sthitaḥ sūryo māsarāhuśca tatsthitaḥ
41.77
tasmājjayarthī viṣṭyāśca rāhornābhimukhaṃ vrajet
rāheraparabhāgastho yudhyan vijayete ripūn
41.78
brahmāṇyādyāstu yoginyaḥ pārtharambhāmbuśāntidaiḥ
kramāt prāgādiravyyādibaddhadurgātithikamāt
41.79
brāhmī māheśvarī caiva kaumārī vaiṣṇavī tathā
vārāhendrī ca cāmuṇḍī mahālakṣmīśca mātaraḥ
41.80
asitāṅgo ruruścaṇḍo (bhīro) ṣaṇonmattakau tathā
kapālī bhīṣaṇastadvat saṃhāraścāṣṭa bhairavāḥ
41.81
te cāṣṭamātṛbhiḥ sārdhaṃ tithivāravaśāt kramāt
tiṣṭhanti bhīṣaṇākārāḥ satriśūlakapālakāḥ
41.82
yuddhayātrādikṛtyeṣu mātṛbhairavasaṃmukham
gacchan vinaśyati kṣipraṃ tacchūlābhimukhaṃ tathā
41.83
tasmād rāhośca yoginyā bhairavasya ca saṃmukham
āyuṣo'rthī jayārthī vā na yuddhāya vrajed budhaḥ
41.84
rudrāṇāṃ yoginīnāṃ ca bhuje śūlaṃ tu dakṣiṇe
vāme kapālaṃ yuddhāya śūlabhāgaṃ vivarjayet
41.85
vāmabhāgakapāle tu yuddhāya jayadā gatiḥ
śarīreṣu manuṣyāṇāṃ nakṣatreṣu grahāḥ sthitāḥ
41.86
graheṣvapi ca bhaumasya vijñeyā vigrahe sthitiḥ
janmādito mukhe trīṇi daśordhvatvāryatho gale
41.87
catuṣkaṃ bhujayoḥ ṣaṭkaṃ pārśve dvāvaṣṭa pādayoḥ
kujāsthitakṣamaṅgaṃ yat tatra śastrakṣataṃ dhruvam
41.88
tasmāt kujāśritāṅgaṃ yat tat prayatnena gopayet
ṣaḍbyomanāmasaṃyuktamaṣṭapatrāmbujodare
41.89
tāraśva lillikāphuṇḍe ṭhadvayāntaṃ daleṣvapi
bhūmaṇḍalaṃ bāhyato'greḥ ṣaṭkoṇeṣu ṣaḍāyatān
41.90
sādhyārṇāntaritānamrairvarṇā ṭhārā(ṅā?)dikān likhet
indubindudvayasyāgniḥ sāgniḥ sarge viyallikhet
41.91
saṃvartaiḥ sargibhirbāhye veṣṭayeccāntarālayoḥ
bāhye lipyāvṛtaṃ tvetad bindumaṇḍalaveṣṭitam
41.92
pūjitaṃ gandhapuṣpādyairrāripaṭṭamidaṃ dhṛtam
kva vā lalāṭe rakṣet taṃ yuddhe śatruṃ ca mohayet
41.93
etad yuddhakṣitau nyastaṃ stambhayet paravāhinīm
sañjīvanākhyaṃ cakraṃ ca nārasiṃhaṃ sudarśanam
41.94
dhṛtaṃ śirasi śastrebhyo rakṣecca vijayāvaham
nihatāriḥ śaro yaḥ syāt taṃ gṛhītvā suniścitam
41.96
kṛṣṇāṅgāracaturdaśyāṃ valayaṃ tena kārayet
vajrī lāṅgalikā dantī triśūlī śrīśca mohinī
rājamohinikā kākabhakṣyā pratipadādiṣu
41.97
brahmaṇyādikamādāttā pṛthak piṣṭvā himāmbhasā
samastā vā tanau limped yuddhakāle'stravāriṇī
41.98
namo bhagavabhyaḥ sarvāstravisargebhyo māṃ rakṣantu bhagavantaḥ ! ṭhaṭha
lakṣajāpyena mantro'yaṃ sādhitaḥ śastravāraṇaḥ
candanendujapārājīvidārīkuṣṭhakāgarūn
41.99
himāmbhasā samālipya tatkāle śastravāraṇam
nāgake'stri(?) śikāsūtaṃ (jiṃvī!nīvā)rāṅghriśca vārayet
41.100
śrīparṇimūlaṃ prācīnaṃ kṛttikācaṃ śiraḥsthitam
bhujabaddhaṃ ca śastrāṇi vārayennātra saṃśayaḥ
41.101
indravallīśikhāśuṅge pibet kṣīreṇa mastake
kare dhṛtaṃ mṛṇālaṃ vā śvetaṃ kṣīre'stravāraṇam
41.102
sitāparājitāmūlaṃ nandyāvartaṃ mṛṇālakam
mūtavṛkṣasya ca śiphauḥ sarvaṃ bastāmbupeṣitam
41.103
tatkāle'ṅgapralepena sarvaśastrāṇi vārayet
śvetapuṅkhāśikhāsyasthā bāṇapātaṃ nivārayet
41.104
saṃmohinīśiphā tadvat khaḍgapātaṃ nivārayet
mābījaṃ daṇḍabhṛccaṇḍo ḍām̐ntaḥ soṣṭho'tha daṃsanam
41.105
vāgbījamabhijāyāntaṃ raktasrutinivartakam
japitvā trāṇiśabdena pānācca japitāmbhasām
41.106
rudhiraṃ nivartayet
hastarkṣe lāṅgalīmūlaṃ gṛhītvālitavigrahaḥ
dvandvayuddhe jayecchatruṃ vaireṇa jayamāpnuyāt
41.107
śiphayā cendravāruṇyā varuṇasya ca piṣṭayā
liptāṅgaḥ kukkuṭaṃ yuddhe kukkuṭo jayati sphuṭam
41.108
mārjārasnehataccarmadhūpitaḥ kukkuṭo jayet
śiphā śikhiśikhāyāḥ syāt pāde jaitrī mukhe sthitā
41.109
śastravāraṇakṛnmūlamarhatāyā mukhe sthitam
tadeva taṇḍulāmbhobhiḥ pītaṃ yāvanna jīryate
41.110
śastrāṇi vārayatīti yāvat
puṣyoddhṛtaṃ ca pāṭhāyā mūlaṃ vaktre'stravāraṇam
śvetapuṅkhāśiphāgato bāṇaṃ nivārayet
śmaśānacaityavalmīkamārgadevālayādiṣu
41.111
aśuddhadeśe cotpannā grāhyā nauṣadhayo budhaiḥ
śvetāparājitāśvetapuṅkhāmūle + + +
41.112
loṣṭasyobhayato baddhe śastrastambhakare (kare)
karo dakṣiṇaḥ
sakṣaśalabhakhadyotacūrṇagarbhitavarttitaḥ
41.113
kṛṣṇagorājyamabhyāktanetro rambhāyate ripum
kākatumbinikāmūlaṃ puṣye tu bhujayordvayoḥ
41.114
bandhanāccharapātāṃśca śastrāṇi ca nivārayet
ekarātroṣitaḥ śuddhaḥ sāyaṃ pūrvedyuroṣadhim
41.115
saṃprāpya rakṣāṃ kṛtvā tu prātargṛhṇātu mantrataḥ
eṣa rājā valīvardaścitravīryo mahābalaḥ
41.116
tena baddhena baddhāsi tiṣṭhātraiva tu mā ga(taḥ?maḥ)
ṭhaṭha
iti raktasūtreṇa bandhayet | suprabhe ṭhaṭha | taṇḍuladhānyamuṣṭiṃ prakṣipya
om
śvetapuṣpe ! mahānīle ! śubhe ! candanagandhini !
41.117
tvāmoṣadhiṃ prapadye'haṃ trāhi māṃ mahato bhayāt
mā ḍe(1?tpa)termā nipatermā ca tejo vyatikramet
41.118
atraiva tiṣṭha kalyāṇi ! mama kāryakarī bhava
mama kārye kṛte paścāt svargalokaṃ gamiṣyasi
41.119
rākṣasānāṃ piśācānāṃ gandharvāṇāṃ mahaujasām
teṣāṃ badhnāmi cakṣūṃṣi ye cānye paripanthinaḥ
41.120
gaṇḍe surite mālini caṇḍike gadāpāṇini stambhini mohini namo'stu te ṭhaṭha
evaṃ tāmoṣadhiṃ mantrairupasthāya tataḥ khanet
amukopari ṭhaṭha
anena nikhaned bhūmim
oṃ namaḥ sarvauṣadhībhyaḥ
ūrjāvanto bhaviṣyatha
41.121
svavīryaiḥ kṛtsnīkurudhvaṃ duritāni hana daha paca māraya (sa?) namastubhyaṃ
namaḥ iti gṛhṇīyāt
anena tu vidhānena gṛhṇīyādoṣadhiṃ budhaḥ
tacchaktiranyathā svalpā bhaved daityādibhirhate
41.122
ekā vāpyoṣadhiḥ samyag gṛhītā miśritā paraiḥ
auṣadhairyacchati balamantarāyācca rakṣati
41.123
yuyutsurnṛpatirvā'nyaḥ senānīstu bhaṭo'thavā
parīkṣyāyuḥ svakaṃ samyagāyuṣmāṃśret prayatnataḥ
41.124
suguptadehaḥ kavacī sasahāyo yuyutsatu
hīnāyuścet kalatrādīn saṃvibhajya dhanādibhiḥ
41.125
kṛtvā dānaṃ yathāvittaṃ puṇyāni ca samāhitaḥ
snātaḥ kṛtasvastyayanaḥ saṃpūjyābhīṣṭadevatām
41.126
prasannaḥ saṅgaraṃ gacchet svargalokajigīṣayā
śvāsacārādibhiryāvadāyuṣkaṃ jñāyate sphuṭam
41.127
puṣyamāse tu puṣyarkṣe pūrvedyuḥ samupoṣitaḥ
utthāyāpararātre tu kṛtāvaśyakiyādikaiḥ
41.128
sūpaviṣṭaḥ śucirmaunī ṛjukāyaśirogailaḥ
makarodayavelāyāṃ parīkṣedūcchvāsamātmanaḥ
41.129
pāravādasamān yāmān vāyurekapuṭe sthitaḥ
nimiśūrakhalānīkasaṃkhyairmāyuḥ prayacchati
41.130
pralobhasaṃkhyadivasānekanāsāpuṭe caran
dīkṣā vā vatsarān jīvenmanaumayanayairdinaiḥ
41.131
gaurīyā varṣasaṃkhyā syādāyustasyeti nirdiśet
narasmaraśarāsāradinānyekacaro'nilaḥ
41.132
tailapriyasamān māsān tasyāyuḥ saṃprayacchati
haradhārānalakalirogabhāgadinaṃ caran
41.133
tithidikśarakāmāścicandrādvānyāyurādiśet
uktāvāntarakāleṣu vāyucāro yadā tadā
41.134
āyuṣo'syānusāreṇa parimāṇaṃ samūhayet
dhruvaṃ cārundhatīṃ vyomanadīṃ vā yo na paśyati
41.135
bāhyamābhyantaraṃ vāthavā ṣaṇmāsād vipadyate
arundhatī svajihvāgraṃ nāsāgraṃ tu dhruvo bhavet
41.136
suvarṇarūpyaraktābhaṃ viṇmūtraccharditāni vā
paśyed gandharvanagaraṃ tasyāyurvatsarādadhaḥ
41.137
anabhre vidyutaṃ paśyet salile ce(ndra?ndra)kārmukam
pretān vā divase paśyet tasyārvāg vatsarātsmṛtiḥ
41.138
svapne hemamayān vṛkṣān dṛṣṭvā māsaṃ sa jīvati
svaṃ rūpaṃ darpaṇe vāpsu vikṛtaṃ śavagandhi vā
41.139
akāraṇaṃ vā prapatenmāsārdhaṃ tasya jīvitam
svacchāyāgaladeśe tu nyasya dṛṣṭiṃ ciraṃ tataḥ
41.140
vyomni chāyānaraṃ dṛṣṭvā saṃpūrṇāṅgaṃ sukhī naraḥ
śirohīnaṃ tu ṣaṇmāsāddhastahīnaṃ tu vatsarāt
41.141
kṛtamaṇḍalake pātre gomayāmbhobhipūryite
dṛṣṭvārkabimbe yāmyāpye saumyendrāśāsu khaṇḍite
41.142
ṣaḍdvitrimāsairmaraṇaṃ madhyacchidre daśāhataḥ
dhūmāyite taddivase nirūpyaitad vicakṣaṇaḥ
41.143
suyuddhaṃ vāthavā gaṅgāṃ puṇyakṣetraṃ tu vā viśet
pidhāya karṇau sudṛḍhaṃ taddhoṣaṃ na śṛṇoti yaḥ
41.144
pranaṣṭadīpagandhaṃ ca na jānāti yadā naraḥ
kanīnikā'vamardotthāṃ khadyotābhāṃ tanuṃprabhām
41.145
nai paśyati yadā tasya māsamātraṃ hi jīvitam
jñātvaivamāyuṣo mānaṃ putrādibhyo vibhajya tu
41.146
dānādi dattvā saṃnyasya mahāprasthāniko'thavā
sarvathā dānadharmārthaṃ kṛtvā sugatimaśnute
41.147
svalpaṃ yadāyurrmartyānāmāyuṣo vṛddhaye budhaḥ
prayateta yato jīvam̐ściraṃ bhadrāṇi paśyati
41.158
vāyudhāraṇayā yogairmantrābhyāsairyathoditaiḥ
rasāyanakriyābhirvā dīrghamāyuravāpnuyāt
41.149
atra nāradīye —
pādacārī sahasrāyurayutāyurnabhaśvaraḥ
lakṣāyurapi vā jīvet japasyātiśaye sati
41.150
iti
pūrvameva mahāmantravidhāneṣvatra darśitāḥ
āyuṣo vardhanopāyāḥ kiñcicchiṣṭaṃ pradarśyate
41.151
loṇāmlakṣāratailāni viricya kathitauṣadhaiḥ
śuddhakāyo nivātastho vidadhātu rasāyanam
41.152
vidhivanmūlamādāya vārāhyā mantravicchuciḥ
triniṣkamātraṃ gokṣīre piṣṭaṃ prātaḥ pibedapi
41.153
tanmūlakvāthadugdhena bhuñjīyāt ṣāṣṭikaudanam
niramlakṣāralavaṇaṃ brahmacārī trivatsaram
41.154
sahasravatsaraṃ jīvejjarāpalitavarjitaḥ
śākaṃ dadhi ca niṣpāvān kulatthāṃstailamāhiṣe
41.155
atiśītātapoṣṇāni varjayīta rasāyanī
ūrdhvahastanarāyāma mūle komalaśalmaleḥ
41.156
khātvā śikhāgraṃ chitvāsyacchede kumbhaṃ nidhāpayet
ūrdhvaṃ puruṣamātre tu chittvā taṃ śalmalīṃ mṛdā
41.157
aṣṭāṅgulaṃ samālipya gokarīṣendhanairdahet
ṣaṭsaptadivasādūrdhvaṃ kumbhamuddhṛtya tadrasam
41.158-2
chāyāśuṣkaṃ vidhāyātha bhṛṅgāmalakavāriṇā
sammardya śuddhakāyastu viḍālapadamātrakam
41.159
bhakṣayet prātarutthāya niramlakṣāraloṇabhuk
kṣīraunnāśī divārātraṃ jarāṃ mṛtyuṃ jayennaraḥ
41.160
sindhūtthābhrakamākṣikārṇi kaṭukaiḥ pathyākṣadhātrīśilābhṛṅgādbhiḥ śataśaḥ puṭeṣu vihitaḥ kāntastathoṣāmṛdā
ete tulyavibhāgikāstu bhasitaṃ sautasya mānadvayaṃ
piṣṭaṃ bhṛṅgarasena māsamadato martyasya mṛtyuḥ kutaḥ
41.161
vandhyākṣāmalanīlikāmadhukarīvārāhimuṇḍyo'mṛtā
brāhmīgāruḍacitrakāsanatuṭīstulyāṃśacūrṇīkṛtāḥ
kānto bhṛṅgarasā(diḥrdri)taḥ śatapuṭo bhāgadvayaṃ śarkarākṣaudrālolitamaśnato'bdamajaraṃ tasyāmaraṃ tad vapuḥ
41.162
aṅkolatriphalājagomayanadīkṣetrādimṛdbhiḥ samaiḥ
pūrṇāyāmasitānanena vihitadroṇyāṃ suvarṇālpiām(!)
saṃsthāpya triphalāmbubhiḥ pratidinaṃ saṃsicya niṣkatrayaṃ
tacchuṅgāni supeṣitāni payasā pānena mṛtyuṃ jayet
41.163
evaṃ śaktivijṛmbhitena visaralliptyarṇaśabdātmakaṃ
viśvaṃ yuktavidhānadaivatamayā mantrāḥ svatantroditāḥ
rakṣārthaṃ jagatāṃ gragrahayarujāṃ dhvaṃso ripūṇāṃ kramādatreśānaśivena narma ca yudhāṃ jaitraṃ ca sandarśitam
41.163.p1
iti śrīmadīśāmaśivagurudevapaddhatau tantrasāre mantrapāde
yuddhajaitrakarmādividhipaṭalo dvipañcāśaḥ
41.163.p2
iti mantrapādo dvitīyaḥ samāptaḥ
Linked texts (1)
- Īśānaśivagurudevapaddhati — Īśānaśivagurudeva, Sanskrit