Mantrapada 6

Mantrapāda 6

Language: Sanskrit

6.39 — 1 part

6.1

vakṣye vitānataḥ śrībījasiddhisādhanam
dharmārthakāmamokṣadaṃ bahuvitānasaṃyutam

6.2

lakṣatrayaṃ jale sthitaḥ padmākṣamālayā japet
tadrujjalābhiṣecito māsatrayād dhanī bhavet

6.3

prāgvat
yo niyutāni dinādau trīṇi japecchukasiddhaḥ
viṣṇugṛhe'pi ca bilve citrapadāṃ śriyamāpyāt

6.4

citrapadā
apuraścaryyāpyeṣa bhajatāṃ dhanadhānyādīn
nityamavahatītyasmācchriyo bījamanuvaktram

6.5

vaktram
chando'sya bhavati śrīstu muniḥ syānmaṅkaṇo nāmnā
devatā cāpi lakṣmīḥ syājjapadhyānācanaiḥ sidhyet

6.7

etadapi vaktram
dīkṣāṃ prāpya gurorāptamantraḥ śrīsādhanāya tu
kṛtanityakriyaḥ svīye pathyāvakrādisaṃyamī

6.8

pathyāvaktram
śuklamālyāmbarādikaḥ śaste deśe vasan ramye
prāṅmukhodaṅmukho'thavā viparītaṃ tu yad varjyam

6.9

viparītapathyāvaktram
raukmaimaindramabhinavaṃ maṇḍapaṃ hṛdgataṃ dhyāyet
hemavapraṃ tu paritaścapalāvaktraśobhāḍhyam

6.10

capalāvaktram
dūtikāstu puroditāḥ padmākṣavipulānanāḥ
dvāreṣvatha balākinīmukhāstāḥ pūjayet kramāt

6.11

vipulāvaktram
pradīpapālīkalaśaistathā caivāṣṭamaṅgalaiḥ
sragdāmaśobhāvipulairmaṇḍalaṃ taddalaṃ śubham

6.12

makāravipulā
siṃhāsanaṃ tasya madhye suvarṇamaṇibhāsuram
sitāmbujaṃ kesarāḍhyaṃ vipulā karṇikā parā

6.13

ravipulā
tatpadmādigdalagatān vāsudevāṭikān yajet
proktavarṇāyudhadhvajānambhojaviṣṭarekṣaṇān

6.14

navipulā
koṇacchadasthān pūrvavad gajān guggulupūrvakān
caturviṣāṇāḍhyān sitān vipulāṅgān yajet tataḥ

6.15

te gugguluguraṇḍadamakaśalayāḥ
sauvarṇasaudhakalaśaiḥ śirasyutkṣiptapuṣkarāḥ
siñcanti te'mṛtajalairvipulānandanāṃ tu mām

6.16

navipulā
tataḥ śriyaṃ ca jagatāṃ mātaraṃ pūrvavad dhiyā
samagrarūpavibhavāṃ karṇikāyāṃ smaredimām

6.17

prāgvat
dorbhiścaturbhistāmūrdhve puṇḍarīkadvayīdharām
varābhayāḍhyāṃ vāmādivipulāṃ tejasāsamām

6.18

iyamapi vipulā
navapadmāntarābhāsāṃ hemāmbhojanibhānanām
sitagandhāmbarāṃ mālyairyutāṃ vipulatejasam

6.19

vipulā
suvarṇavarṇāmuttuṅga
cārupī(naḥvara)payodharayugalām
śaradakhilendubimbakamalakomalamukhīm
akhilabhuvanajanavanditapaṅkajapadacaturūddhvām

6.21

padacaturūddhvā
karamitatanumadhyāṃ
vikasitakuvalayakamalākṣīm
alikularūciruciracihurabharabandhāṃ
smarati yadi nijahṛ(tiḥdi) sa bhavati gatasakalapīḍaḥ || āpīḍaḥ
nidhiyugamatha lakṣmyāḥ
padakamalamanujalabhavāhvam
anavaratamadalaghumaṇivasudhāraṃ
smaratu sa nijavapuṣyabhikaṇṭhaniścaladūrdhvam

6.22

prāgvat
dhyāyed yadi sakṛdapi
labhyaṃ dhanamiha kimapi bhavati
nityaṃ yajati ca japahutavidhipara iha
pratyādiśadiva dhanapatimiva dhanamadhigamayati

6.23

pratyāpīḍaḥ
saṃsādhayati hi lakṣmīṃ
nagno na viśatu jalamapi nidrām
neyādaśuciravanitalaśayanamathāsau
tailāīitatanurra carati kimapi na malacitadehaḥ

6.25

pratyāpīḍa eva
tilarasalavaṇapratyakṣasevā
baikuṇṭhaṃ cāpi varjayet
kamalamapi bilvaṃ śīrṣṇā
padā ca nasaṃspṛśetsarasijabhavaṃ bījaṃ nādyānna bhinatti kusumamañjarīm
[ mañjarī
nacchindyāt tṛṇamaparaṃ ca dharāṃ na likhed vṛthā
na ca mukhe rajanīmanulepayed
pañcamyāmapi saptamyāṃ
bhagadine ca lavaṇāmalakāmlalavalīḥ parivarjayet

6.26

lavalī
snāto'nupahataśucidhavalāmbarakusumagandhadhārī
prātarlakṣmīpuṣpaśirāḥ
bhakṣaḥ syād vacanaiḥ sarvaṃ janamanugṛhṇan hṛdayaṅgamaiḥ prītyevāmṛtadhārāmiḥ

6.27

amṛtadhārā
madhuraṃ bhajan bhagādine (ca)
bhujagatithiśukravārayoḥ
bilvaphalairhutavānnaraḥ
labhate'cchaparvaṇi kulodgatāṃ śriyam

6.28

udgatā
saghṛtaudanena ca ghṛtena
sitasarasijaiḥ sapāyasaiḥ
bailavapatraphalasaurabhakairayutairhutaiḥ sa labhate'cirācchriyam

6.29

saurabhakam
abhiṣecayedatha japecca
yajatu sa ca sūktakaiḥ śriyaḥ
hutavidhimapi padaśastanutāṃ
lalitāṃ vibhūtimacireṇa so'nuśrute

6.30

lalitā
nandyāvartakapuṇḍarīkakubjakapuṣpairudite savitari yo juhoti nityam
japati ca daśaśatakaṃ
pradyupi tabahudhanapaśubhiḥ sa sukhī syāt

6.31

upasthitapradyupitam
caturhastividhānam
yuddhahālale namo pha vā śrīśe namaḥ (?)
ṛṣyādyaṃ ca puroditaṃ samānamiha syāt
prativāsaramapi vardhamānabhaktiḥ
galamitasalilagatastriniyutamanviha yaḥ
prajapati dhanamiha vipulaṃ labhate'sau

6.32

vardhamānam
śrīrekhāvidhānam
hṛddvātha viṣaṃ mahī jalaṃ ca sadīrghaṃ
nayanānvitabhṛguvarṇamantato'nyaiḥ
raṅgahastyādicchinno manuḥ
śriyamiha janayati śuddhavirāḍ yaḥ

6.33

śuddhavirāṭ
ṛṣirasya tu dakṣa īritaḥ
sā ca virād kathitā hyupacitrā
kamalā karasodharadhāriṇī
daivatamastakalāhvayatā

6.36

upacitrakam
devyai namaḥ | padminyai namaḥ | viṣṇupatnyai namaḥ | varadāyai namaḥ | kamalarūpāyai namaḥ
pañcavidhāṅgamanūni yathāvat kramapaṭhitāni puraiva vidhānam
nityamimāṃ tu bhajet tu naro yaḥ śriyamacirāllabhate drutamadhyām || drutamadhyā
āḍhyatamaḥ sa bhavediha bilvaiḥ sarasiruhairapi cāyutaśo yaḥ
ṣaṣṭidināni tato dviguṇaṃ dagdhatilaistu juhuyācca japet tam || prāgvat
kamalāṃ bhajate dinaśo yo dhyānaparo yajanena ca homaiḥ
uditavratadhāraṇanityo vegavatīṃ sa jahātyadhanāttim

6.38

vegavatī
śuklaiḥ kusumairmadhūdakatailairhaviṣājyatilaistathā'kṣataiḥ
nityaṃ juhuyāt sahasrasaṃkhyaṃ sa syād bhadravirāḍihārthanāthaḥ || bhadravirāṭ
guḍaidugdhagavyasitapayovilvaphalaiḥ payojaghṛtamiśraiḥ
juhuyāt trimāsamasitenāṃ ketumatīṃ jayedapi tathorvīm

6.39

ketumatī
dagdhadaśāriṣṭādhikāraḥ
iha tantraviśeṣasamīritā nigaditā manavaḥ khalu ye śriyaḥ
bhajatāṃ samakarmaphalodayaṃ nanu sravanti yathā hariṇaplutam

6.39.p1

hariṇaplutam
iti sarasijavāsinīmanūnāṃ nigaditamekataraṃ tu sādhayed yaḥ
prathayati kulamasya taṃ ca lakṣmīrrguhagatakalpalateva puṣpitāgrā || puṣpitāgrā

Linked texts (1)

Īśānaśivagurudevapaddhati — Īśānaśivagurudeva, Sanskrit