Mantrapada 7: atha ekaviṃśaḥ paṭalaḥ

Mantrapāda 7

Language: Sanskrit

atha ekaviṃśaḥ paṭalaḥ

7.1

jayati hi śivaśaktiraiśvarī nikhilagirāṃ jagatāṃ ca mātṛkā
na paramaparavakrajanmanā nutivacasāmapi yat paraṃ padam

7.2

aparavaktram
prathamapaṭala eva śaktibījaṃ nigādatamādyamitīha viśvarūpam
suratarulatikeva puṣpitāgrāṃ phalati hi yadvitatiḥ samastakāmān

7.3

ṛṣimapi ceśvaramāhurgāyatryākhyaṃ bhavedapicchandaḥ
śaktiḥ svayaṃ hi daivaṃ tadvījaṃ bindunādayuktaṃ syāt

yutamiha gaganaṃ svaraistu dīrghaḥ ṣaḍapi ca jātiyutāḥ syuraṅgamantrāḥ
nayanamapi puro'kṣamantrataḥ syāt phaḍiti ca dikṣu nibandhanaṃ vidadhyāt
bhavati hi bhuvanādhipāplutāntā tribhuvanamohanikā tu śaktireṣā
hṛdayakamalagāpi nādahīnā svaruṇarucirhṛdayānvitā ca lekhā

7.6

trividhamiti ha śaktibījamuktaṃ praṇavayutaṃ kacidarcane namontam
havanavidhiṣu cānalapriyāntaṃ japaviṣaye khalu kevalaṃ tu bījam

7.7

cirataramabhirāddhadeśikendrastadabhimataipriyakṛcca dīkṣitaḥ san
svabhimatadivase'tha pūrvapakṣe śivabhavane sumanoharaikaliṅge

7.8

gajamukhamapi deśikaṃ svamiṣṭvā sitabhasitāvaraṇatripuṇḍradhārī
vratamitavihitāśanastu maunī śucivasanaḥ śucidakṣiṇānanasthaḥ

7.9

śivamapi śivayā mahopacāraiḥ saha parivāragaṇaṃ yathāvadiṣṭvā
carumapi vinivedya dugdhasiddhaṃ ghṛtagulamiśritamagnaye ca hutvā

7.11

prajapatu bahulāṣṭamīdinādyārdaiparacaturdaśikāntamarkalakṣam
drutamapi na vilambitaṃ praśastaṃ sa bhavati tattvadinaistu siddhamantraḥ
puraścaraṇādhikāraḥ
sphuṭamatha kathayāmi śaktipūjāṃ vividhavidhānaviśeṣasiddhihetoḥ
snapitatanurathāṅgamūlamantraiḥ svavihitasādhyavidhiṃ samāpya maunī

7.12

yajanagṛhamupaitu dhautapādaḥ sa vidhikṛtācamanaḥ pavitrapāṇiḥ
karadhṛtakusumārghyakūrcatoyairbalayagatāṃ purato yajettu devīm

7.13

dakṣiṇavāmadvāḥsthe jayā ca vijayā ca raktapītābhe
vetrakare vasanasraksragvābharaṇairbhūṣite surūpāḍhye

7.14

tadvaduparyatha gaṅgā yamunā ca sitāsite'bjadhāriṇyau
dvāraśrīrapi madhye svarṇābhā padminī sagajayugmā

7.15

saṃpūjyaitāḥ pūrvaṃ nārācāstrābhimantritaṃ kṛtvā
nissārya vighnasamūhānantaḥ praviśed yajecca vāstvīśam

7.16

svāsanamiṣṭānantaramupaviṣṭo bhūtaśuddhiśuddhātmā
karayugamatha śodhayet tadastrādubhayakarāṅguliṣūditāṅgamantrān
karatalayugale nyaset tadastraṃ praṇavayutaṃ kramaśaḥ kaniṣṭhikāntam

7.17

śirasi ca nayanadvaye ca vaktre śravaṇayuge hṛdaye ca nābhikaṭyoḥ
madanānilayānujaṅghayostaccaraṇayuge'pi ca vinyaset tu mūlam

7.18

hṛllesvāyai gaganāyai raktāyai karālikāyai mahocchuṣmāyai | praṇavādinma
nyaset
mūrdhni mukhe hṛdi guhye padayorapi pañca mūrtayo hyetāḥ

7.19

gāyatryai sāvitryai sarasvatyai brahmaṇe viṣṇave rudrāya
kaṇṭhastanadvayāṃsadvayahṛdayeṣu nyaset punassvetāḥ
ṣaṇmūrtīḥ prāgvāme paścādaṅgeṣu dakṣiṇe'pyuktāḥ

7.20

alikāṃsavāmapārśvodaradakṣiṇapārśvāṃsapṛṣṭhahṛdaḥ
sthānānyathaiṣu nāmnā brahmāṇyādyāstu vinyasenmātṛḥ

7.21

tadanu ca hṛdayādikāṅgaṣaṭkaṃ vapuṣi vidhāya pṛthag yathāpradeśam
jvaladanalanikāśamastravapraṃ bahiratha tarjanikāgrato vidheyam

7.22

gandhapuṣpākṣataiḥ śubhrairakṣaiśca
tathākṣataiśca dūrvayā sumanobhirvaram
pūrayet tu śāktamarghyamādareṇa
yavānvitaṃ tu nāmato'rcayet taduktam

7.23

yavatīṃ
prokṣayet samastakaṃ tu kūrcakena tadāśrayaṃ ca saṃkalyābhimantrya
vedakoṇaratnamaṇḍapaṃ tadeva vibhāvayet tu tatra ratnasiṃhapīṭham

7.24

śaktimasya cāpyatho'ruṇāṃ yajet (tu) tathaiva haṃsairaṃṅghriṣu pīṭhapādān
tasya madhyato'ruṇaṃ saroruhaṃ (ca) caturyugādharācchadaṃ ṣaṭtriṃśat

7.25

tasya ṣoḍaśa svarāstu kesarāṇi ca prakṛtyaṣṭa triśatkarṇikā syāt
aṣṭa śaktayo bhavanti kesareṣu jayādikāḥ sumaṅgalā tu karṇikāyām

7.26

koṇapatragāni vai hṛdādikāni purastu netramasya digdaleṣu cāstram
pūjayed bahiḥ krameṇa digvidict anaṅgarūpikādikāḥ suveṣadūtīḥ

7.27

tāḥ svarṇakalaśadarpaṇatāmbūlacchatracāmarasukhadām
cāmaramālyakaraṇḍe vikhrāṇāścāruratnasaṅghāścaḥ

7.28

aruṇataruṇakamaladalacaraṇayuganakhamaṇihṛṣijitaśaśiruha yā (?)
uparicaraṇayugalamuparinikhilajagati nirupamakṛti na khalu nigaditum

7.29

kṣamata iti jaghanamapi tanutadudaramatha ca jñāyakāpadayugamuna(laṃ)
galamṛta kimu mukhasarasijamayugamavanajitakuvalayaguruviṭuraśikhau

7.30

sakalabhuvanabhavananilayasuraditi(ja)danujamanujabhujagavarayuvatīḥ
vilasadākhilavimalaṃtuhinakiraṇakamalabadananayanacaraṇayuvatīḥ

7.32

gaganapavanadahanasaliladharaṇitaraṇimakhapaśaśina iti sṛjati yā
tadatisubhagavapuṣi na khalu vidhirapi punaramajanmiti ha nigaditumalamalam
[ṣaḍjā
vivaraṇoktavṛtyādhikāraḥ
hrīṃgaurī śrīḥ

7.33

śrīnāma vṛttam
vande gaurīṃ śaktiṃ devīm

7.34

devī nāma vṛttam
yā sūkṣmā cintyā
dhyeyā yā sā nārī

7.35

nārī nāma vṛttam
viśvaṃ lokaṃ cānugrāhyam
sraṣṭuṃ pātuṃ cābhūt kanyā

7.36

kanyā nāma vṛttam
svecchāmūrtiṃ yā dhatte viśveśī
rūpātītāṃ tāṃ rūpāḍhyāṃ dhyāyet

7.37

rūpāḍhyā nāma vṛttam
tejomayamūrtiṃ bandhūkanibhāṅgīm
divyākṛtiveṣāṃ devīṃ tanumadhyām

7.38

tanumadhyā
raktāmbaragandhāṃ ratnojjvalammaulau
sārdhendukalāṃ tāṃ divyābharaṇāḍhyām

7.39

pāśāṅkuśahastāṃ sābhītivarāḍhyām
hyaṣṭābdavayaskāṃ lāvaṇyarasāndhim

7.40

viśvaikajanitrīṃ saṃsārataritrīm
bījātmakatattvāṃ dhyāyediti śaktim

7.41

prāgvat
uṣṇihi —
khapaṅkajaśaśāṅke parāmṛtarasāndre
citiṃ bhagavatīṃ tāṃ kumāralalitāṅgīm

7.42

kumāralalitā
vibhāvya nijapāṇau sthite kusumapūre
niyojya gaganābjājjapan manasi śaktim

7.43

yathoktavapuṣaṃ tāṃ svapīṭhakamale'smin
niveśayatu devīṃ sthirāṃ hṛdayajāpī

7.44

āvāhyātha sthāpanasānnidhye rodhanāvakuṇṭhākhye
tadvat parocanāntaṃ svāṅgairmūlānvitaiḥ kramāt kuryāt

7.45

tatastu —
hṛdārghyamapi pādyaṃ tathācamanamantrān
pradeyamapi mūlād yathāsnapanamaṅgaiḥ

7.46

varāmbaravibhūṣāḥ srajo'pi ca sugandhān
sudhūpamapi dīpaṃ dadātu nijamūlāt

7.47

caruṃ ca vidhisiddhaṃ tathaiva paramānnam
phalādyupadaṃśaiḥ samodakagulājyam

7.48

nivedya tu samūlaṃ tathāmbu ca sugītam
sugandhimukhavāsaṃ hṛdā khalu nivedyam

7.49

puroktaparivārāṃ yathāvadupapattyā
sagandhakusumādyairyajet tu manasā vā

7.50

prāgvat
anuṣṭubhi —
pīṭhabahiṣkoṇagatān bālatanūn hastimukhān
māṇavakakrīḍitakānīśadiśādyāsu yajet

7.51

māṇavakakrīḍitakam
pāśaṃka̍rān sāṅkuśakāṃstānaruṇasragvasanān
sāmraphalānekaradān svābharaṇān svarṇanibhān

7.52

gaṇādhipāya gaṇādhyakṣāya gaṇanāthāya gaṇeśvarāya | svabījapraṇavādinamo'ntaṃ tānarcayet
vīthigatān bāhyavṛttau lokapatīnindramukhān
sāyudhakāṃstān sagaṇām svāsu yajed dikṣu surān

7.53

athāgnikāryārthamagniśaraṇe —
indradiśaṃ prāpya tato yoninibhe kuṇḍavare
māntradiśā vahnimukhe tatra yajeccāpi śivām

7.54

ājyacarukṣīratilairnityavidhau tajjuhuyāt
kāmyakṛte cānyavidhāvuktadiśā syācca hutam

7.55

prāgvat
aṅgānāṃ ca daśāṃśaṃ mūlāddhutvājyaśeṣataḥ pūrṇāṃm
bhuvi baliṃmathānnaśeṣairvikiret tatpārṣadebhya iti nāmnā

7.56

tataḥ prakṣālitapāṇirācāntāṣṭasahasraṃ sahasraṃ vā nityaṃ mūlaṃ japet
hemamayī japamālā sphāṭikajāpi variṣṭhā
mauktikajā yadi siddhiṃ citrapadāṃ labhate'sau

7.57

citrapadā
tataḥ praṇamya cullukodakena vakṣyamāṇamantrairdevīpadayorjapapūjādikaṃ nivedayet
oṃ guhyātiguhyagoptrī tvaṃ gṛhāṇāsmatkṛtaṃ japam
siddhirbhavatu me devi ! tvatprasādāt tvayi sthitā

7.58

bhaktihīnaṃ kriyāhīnaṃ śraddhāhīnaṃ ca pūjita
sarvaṃ tanme'stu sampūrṇaṃ tava devi ! prasādataḥ

7.59

sarvatattvādhipāyai śaktyai namaḥ
agnigatāmapi bimbe bimbagatāṃ ca svapadme
tāṃ tu niyojya sudhārdre sidhyati hṛtkamale vā

7.60

bāhyapūjāyāmaśaktaścenmanasaiva hṛdayāmbuje yajet
sāmānyaśaktipūjādhikāraḥ
bandhūkābhāṃ hṛllekhākhyāṃ vidyunmālālolābhāsam
candrāpīḍāṃ divyākārāṃ raktākalpāṃ tryakṣāṃ vande

7.61

vidyunmālā
kalpodyāne ramyacchādye prāgvat pīṭhe padmāsīnām
divyākārāṃ vyaṣṭābdābhāṃ hṛllekhāṃ tāṃ devīṃ dhyāyet

7.62

aṅgānyantaḥ kiñjalkāgre śaktīraṣṭau patrāgrasthāḥ
vighnādhīśaṃ yāmye raktaṃ lokādhīśān svāśāsaṃsthān

7.63

pūjayet
evaṃrūpāṃ hṛtpadmasthāṃ bauddhadravyairarcāmindrā
cāturlakṣaṃ mantrajapaṃ kārayedgokṣīrāktaḥ sidhyenmantraḥ

7.64

madhye'mbhogherhemādrīndre kalpodyāne ratnākīrṇe
raktākalpāṃ tryakṣāṃ devīṃ candrottaṃsāṃ hṛdyāṃ vande

7.65

haime pīṭhe raktāmbhoje kiñjalkāgre svāṅgāsridvā
hṛllekhādyāstatpatrāntaḥ śaktīraṣṭau raktābhān

7.66

karālyai vikarālyai umādevyai sarasvatyai durgāyai śacyai māyāyai lakṣmyai
śrutyai smṛtyai dhṛtyai śraddhāyai medhāyai matyai kāntyai āryāyai | patrāgreṣu dve dve
śaktyau praṇavādinamo'ntamarcayet
vīthyāṃ bāhye svāśāsvaṣṭau iṃdrādyaṣṭāntaṃ bāhye
lokādhīśāṃścāstrāṇyante pūjyāni syuḥ śrīkāmānām

7.67

yadyākāṅkṣed bhogaiśvaryaṃ raktākārāṃ trailokyādhīśā
divyākārā nyasyāmbhodhā kalpodyāne pītāmbhoje

7.68

aṅgānyantarhṛllekhādyā hyaṣṭau śaktīḥ patrāgrasthāḥ
mātṛraṣṭau dvātriṃśad yāḥ śaktīścādho lokādhīśān

7.79

padmāsanā ca trimukhī tataḥ saptamukhī smṛtā
devāsuravimarddinyā lamboṣṭhī lambakeśinī

7.80

ūrdhvakeśī bahuliṅgā tataḥ khyātā bahūdarī
ratharekhā śaśirekhā tadvad gaganavegikā

7.81

vāyuvegānaṅgarūpā cānaṅgamadanāhvayā
tadvad bhuvanapālyākhyā tataścānaṅgamekhalā

7.82

madanāturasaṃjñā cāpyanaṅgakusumāhvayā
viśvarūpā bhavet paścāt tathāsurabhayaṅkarī

7.83

surarakṣiṇikākṣobhyā satyavādā śucivratā
vajravegā ca varadā vāgīśī ceti śaktayaḥ

7.84

catuḥṣaṣṭiborder: sarvāḥ sarvāścitrāmbarasrajaḥ
svanāmānuguṇākārāścārurūpā vibhūṣitāḥ

7.85

dhyātvā namontaṃ tārādi pūjayedakhilāvṛtīḥ
himavacchikharodyāne ratnakalpataroradhaḥ

7.86

ratnasiṃhāsanāmbhoje pādapīṭhopaśobhite
svāsīnāṃ pūjayed dhyātvā proktarūpādikāmukām

7.88

iti yajanavidhiṃ buddhvā pratidinasamiyaṃ pūjyā
bhujagaśiśusutāṃ buddhiṃ sudṛḍhamṛjugatiṃ kṛtvā || bhujagaśiśusutā
hṛdayasarasije'pyevaṃ yajatu sumanasā śaktim
bahirapi ca śubhairdravyairvibhavasamucitairnityam

7.89

ambikāṃ navaghanarūciṃ sundarīṃ taruṇavayasam
bhūṣitāṃ kanakamaṇibhislīkṣaṇāmaruṇavasanām

7.90

halamukhī
śuktikāśakalaghaṭitāṃ ghaṇṭikāmapi ca dadhatīm
aṅgadaiḥ kaṭakamukuṭairbhūṣitāmapi ca bhujagaiḥ

7.91

prāgvat
athavā,
śārdūlacarmavasanāṃ bhujaṅgarājopavītinīṃ saumyām
ugrāṃ kapālaśūle sābhayavarade ca bibhratīṃ dhyāyet

7.92

cāmarakalaśacchatrairanyairapi rājalakṣaṇairvidhṛtaiḥ
dūtībhiścābharaṇaiḥ saptabhiruktairyajet samopetām

7.93

pakṣau —
ādau ṣoḍaśalakṣamabhyasecchaktiṃ vā bhuvanādhipāṃ puraḥ
raktābjairmadhurānvitairbhaveddhutvā śuddhavirāṭ sa sādhakaḥ

7.94

śuddhavirāṭ
krūrasaumyayajanādhikāraḥ
atha dīkṣāvidhirucyate—
raktābjaṃ vilikhet tu bhadrakaṃ māyācakramathāpi vā budhaḥ
śaktiṃ tatra yajed vidhānataḥ saṅgījāṅkuśapāśakarṇike

7.95

aiśānyāṃ diśi pañcapatrake tvambhoje kalaśāṃśca tāvataḥ
haimādīn vidhinābhipūrayeddhṛllekhādisapañcamūrtikam

7.96

gavyaiḥ pañcabhireṣu yojayet pañcāśatpraṇavoditāḥ kalāḥ
sakṣīradrumacarmavāribhirgandhāmbhomaṇibhiśca pañcabhiḥ

7.97

athavā,
padme'ṣṭacchadane sakarṇike kumbhānāṃ navakaṃ prapūrayet
ājyakṣīradadhīkṣujaiḥ kramāt kṣīritvaksatīrthavāribhiḥ

7.98

lipyarṇaiṣadhirasamapi madhyakalaśe prakṣipet
brahmāṇīprabhṛtīstu mātṛkāḥ kumbheṣvaṣṭasu digvidikakramāt
mūlāṅgaiḥ saha madhyame'mbikāmāvāhāvaraṇaiḥ sahārcayet

7.99

palāśakvāthapūritakalaśadvayaṃ dvāracatuṣṭaye pṛthak pṛthag vinyasya rakṣārthaṃ
teṣu jayādiśaktīrarcayet
śaivoktaṃ tu vidhānamāśrito dīkṣāyāmadhivāsanādikam
kuryād vāpyatha mantradīkṣayā śaktyaṅgairapi śaktibījataḥ

7.100

madhuraistribhiḥ sahasraṃ hutvā saṃpātaśodhitaṃ tvājyam
kalaśeṣu teṣu dattvā tairabhiṣiktaṃ tu dīkṣayecchiṣyam

7.101

aśvatthakhadirajātībilvasamidbhiśca sarvadhānyatilaiḥ
caruṇājyena ca hutvā bimbe ceṣṭādhivāsayedenam

7.102

śiṣyaṃ taṃ gururadhivāsyainaṃ susvapnairniśi viditodarkam
maṅgalyaiḥ saha paṇavātodyairgītācairapi tanutād dīkṣām

7.103

paṇavam
evaṃ prāpya tu dīkṣāṃ gurormukhāt prāptaśaktimantro'sau
dhyānajapārcanahomairiṣṭān saṃsādhayennaraḥ kāmān

7.104

śaktidīkṣādhikāraḥ
pūjitavahnestasya hṛdabje sāvaraṇāṅgāṃ śaktimatheṣṭvā
paṅkajalakṣairbilvaghṛtānnairasya hutaiḥ syād rukmavatī śrīḥ

7.105

rukmavatī
aṣṭasahasraṃ vāṣṭaśataṃ vā pratyahamuktairdravyaviśeṣaiḥ
yajjuhuyāt prākcchiṣṭamathājyaṃ bilvaphalaṃ ca śrīkaramadyāt

7.106

samṛddhiviṣaye dhyānamucyate -
pāśasaroje cāṅkuśaśaṅkhāvādadhatīṃ tāṃ hemanikāśām
ṣaṇmukhayuktāṃ hṛdyatha vahnau pūjayataḥ syācchrīḥ śaralakṣaiḥ

7.107

padmodbhave'nte śrīśaktibījamuktaṃ namontakam
japan juhvad yathāpūrvaṃ labhate dhanasampadaḥ

7.108

kalpanagādho hāṭakapīṭhe svaikyamumārūpāṃ hāṭakavarṇām
aṅkaniviṣṭaskandaśiśuṃ tāṃ saṃsmarataḥ syāllakṣajapācchrīḥ

7.109

ādau śaṅkhanidhiḥ pāśaśaktibījāṅkuśāni ca
ante padmanidhiścāmerjāyayā caivaṃ japecchriyai

7.110

dīrghajalasthaḥ so'tha sabinduḥ śaktiyuto'smāt parvataśṛṅge
lakṣajapāccairdīrghamihāyuḥ prāpyamiha syād daurvahutād vā

7.111

kumbhapuṭasthā kumbhajalasthā bhānusahasraṃ tajjapahomāt
hantyapamṛtyaṃ tajjalasekācchaktiraśepān hanti ca rogān

7.112

ājyasevitāmṛtā samidbhiḥ kumbhasaṃpuṭaṃ juhotu lakṣam
saṃharedakālamṛtyubhītiṃ yā mayūrasāriṇī janānām

7.113

mayūrasāriṇī
hastasaptamīṣu sūryavāre sūryamūrdhvabāhurīkṣamāṇaḥ
vatsaraṃ japed dineśalakṣaṃ yakṣmarogakāṃśca hanti kuṣṭham

7.114

kumbhasaṃpuṭaṃ catussahasraṃ bhasma tajjapena hanti rogān
vātarogahṛt tathaiva tailaṃ pittahṛd ghṛtaṃ kaṇākaphaghnī

7.115

pippalīplīhāṃ harecca pathyo kukṣirogahṛt tathākhilāni
auṣadhāni yāni tāni mantrī yad dadāti tena hanti rogān

7.116

pañcaviṃśatiṃ japet tu dugdhaṃ tat pibet sa vindate'timedhām
annamanyadapyanena yuktaṃ bhuktamāyuṣe śriye ca bhūyāt

7.117

taṇḍulairdadhiplutaistu puṣṭiṃ kanyakāṃ madhuplutaiśca lājaiḥ
vindate paśūn payoghṛtābhyāṃ cejjuhotu sājyamannamannam

7.118

pippalairvaśīkarotu viprān paṅkajainṛpān palāśapuṣpaiḥ
tatstriyaṃ tu kairavairviśo'nyāṃstailaloṇakairhutaistu lakṣaiḥ

7.119

saṃvanane madhurāktaṃ sarvaṃ juhuyād vadāmyathākṛṣṭau
o(kā?ṅkā)rādyaṃ rājñāmanyeṣāṃ bhautikādimantraḥ syāt

7.120

raktahayārisamidbhirjuhuyād vaṭavṛkṣamūlago rātrau
lakṣatrayaṃ ghṛtāktairmantrī paśyet tu yakṣiṇīṃ varadām

7.121

sadhyānaṃ śatalakṣaṃ śaktyabhyāsād viśuddhadeśāntem
labhate'ṣṭaguṇaiśvaryaṃ daśakūṭyā khecaro bhavedamaraḥ

7.123

abhyudayādhikāraḥ
śaktiṃ rasapatrasaroruhe madhye ca dalaiṣu bahiḥ svarān
ālikhya dhṛtaṃ khalu yoṣitāṃ kuryāt tanayaṃ samupasthitam || upasthitam
madhye ṣaḍarasya likhenmanuṃ svākhyādvayamasya tu randhrayoḥ
bāhye dharaṇībhavanaṃ likhet snehaṃ prakaroti dhṛtaṃ dvayoḥ

7.125

sākhyādirūpaṃ likhitaṃ kapāle ṣaṭkoṇagaṃ mūlamapi śmaśāne
santāpayet tat prajapan niśāyāṃ syādindravajrābhihato yathāriḥ|| indravajrā
rājīrmanuṣyāsthiyutāḥ saloṇā rājīghṛtāktā juhuyāt tu pakṣam
mūlena sādhyāhvayakṛtyayuktaṃ nirmūlataḥ śatrurupaiti mṛtyum

7.126

ājasnuhikṣīrasapādadhūlīn kākasya pakṣān juhuyānniśāyām
mantraṃ japan mārutasampuṭasthamuccāṭayet saptadinairarātim

7.127

kākārikākacchadanaistu juhvat sājāsṛjā snukpayasā'vasiktaiḥ
sthaṇvvādimūlena tu saptarātraṃ vidveṣamāśu prakarotyarīṇām

7.128

stambhaṃ ca bhūbījapuṭe prakuryādutsādanaṃ cāgnimarutpuṭastham
śāntiṃ ca puṣṭiṃ jalasampuṭasthaṃ yacchaktibījaṃ havane ca jaipye

7.129

sākhyaṃ tu bījaṃ valayadvayasthaṃ bāhyasvaropetakalādalānjam
bhūbījapāśāṅkuśamūlakoṇaṃ vaśyaṃ dhṛtaṃ cakramidaṃ trilokyām

7.130

ṣaṭkoṇaśaktau nijanāma bāhye śaktyā ca pāśāṅkuśakau vidabhau
saṃveṣṭya vāyaurbhavanaṃ ca bāhye vaśyaṃ bhavennāgadalaṃ mukhastham

7.132

athocyate khaḍgaviśeṣasiddhiravāpya yāmūrjitavīryaśauryaḥ
vijitya śatrūn vicarecca lokānupaindravajrāyudhatulyalakṣmīḥ || upendravajrā
viśuddhadeśe vijane vanādau vidhau tadantaḥsalile'vagāhya
caturdaśīrātrimupoṣya kṛṣṇāṃ piśaṅggamālyāmbaracandanāḍhyaḥ

7.133

sarojamālikhya tu pañcacūrṇairnidhāya tasmin kalaśaṃ yathāvat
sapañcaratnāmbaramālyagandhaṃ śivāṃ samāvāhya tu raudrasaumyām

7.134

yajecca rudrāvaraṇairupetaṃ śivāṃ samūlāṅgavidhānayuktyā
sagandhapuṣpākṣatadhūpadīpaiścaruṃ nivedyātra baliṃ ca dattvā

7.136

dhautaṃ vidoṣaṃ naraghātinaṃ prāggambhīrarekhāsphuṭitādidoṣam
dvijopajātivyatiriktakhaḍgaṃ nidhāya bimbe nṛpatimiṣṭvā || upajātiḥ
kṣaṇena śastreṇa hataṃ tu śūraṃ yuvānamānīya mṛtaṃ saraktam
ābhūṣya raktāmbaramālyagandhaistaṃ tasya pāṇau vinidhāya khaḍgam

7.137

spṛṣṭvā japan mūlamanuṃ sa yāvat sacetanaḥ khaḍgadharaḥ paretaḥ
utthātumicchedasimasya hastāt prasahya gṛhṇīta nadan prahṛṣṭaḥ

7.140

tataḥ śivāntaiḥ parivāramukhyairudrāsya taṃ khaḍgavaraṃ dadhānaḥ
sa sārvabhaumo'pi bhaved yadicchelloke'pradhṛṣyaḥ khalu sādhakendraḥ || upajātayaḥ
anenaiva prakāreṇa śūlāṅgulīyāñjanādisādhanamapi vyākhyātam
khaḍgasādhanādhikāraḥ
āyatibhūtatadātmanibandhān saṃśayitānakhilānapi cārthān
dodhakacittavikārakṛtastān vedayituṃ pravade'hamupāyam || dodhakam
ekadinaṃ samupoṣya tu kṛṣṇāṃ mātṛtithiṃ tanutādupacāraiḥ
ekaśive mahatīmapi pūjāṃ ṣoḍaśapaṅkaruhaiḥ karavīraiḥ

7.141

kṣīracaruṃ vinivedya ghṛtāḍhyaṃ vahnimukhe'pi juhoti tilājyam
jātisamikusumānnaphalānāmaṣṭasahasramitaṃ pṛthaguktam

7.142

darpaṇamapyatinirmalamekaṃ nirvṛṇamatra nidhāya tu devīm
tatra yajecca japedatha mūlaṃ bhānusahasramitaṃ mukuraspṛk

7.144

yāvad darpaṇavidhiṃ sādhayati, tāvacchākamaikṣayāvakakṛsrānnaṃ khādet
sidhyati
aṣṭamyāṃ vā sūryavāre kumārīṃ snātāṃ samyag bhūṣitāṃ bhojayitvā
kṣīrānnājyaṃ tatra pūrvedyurenāṃ prekṣākṛtye śālinīṃ darpaṇāyadeḥ || śālinī
śuddhe deśe darbhaśayyādhirūḍhāṃ mantreṇaināṃ darpaṇaṃ cādhivāsya
prātaḥsnātāmarcitāṃ sūpaviṣṭāṃ prekṣākṛtye yojayeddarpaṇāntaḥ

7.145

ramye deśe gomayenopalipte piṣṭaiḥ kṛtvā maṇḍalaṃ dhūpadīpaiḥ
raktaiḥ puṣpairdarpaṇasthāṃ tu devīmiṣṭvā sarvaṃ tatra paśyet kumārī

7.148

tatra sā kalpavṛkṣādhaḥ siṃhāsanasthāṃ prathamaṃ devīṃ dṛṣṭvā tatastrikālabaddhamabhīṣṭārthaṃ sarvaṃ paśyati | anenaivāṅguṣṭhādiṣu prayogo vyākhyātaḥ
darpaṇapūjādhikāraḥ
svaikyaṃ dhyāyedatha vā siṃhavāhā raudrāṃ kṛṣṇāṃ sakapālatriśūlām
toye vābdhau drutavātormimāle na syād bhītirvipine vā raṇe vā || vātormiḥ
śaktiḥ sākṣaṃ salilaṃ cātha majjā khaṃ vahnisthaṃ nayanaṃ sarvaśabdaḥ
śaktiṃ tyaktvā caturo'rṇān puroktān svāhānto'sau manurukto viṣaghnaḥ
svaikyaṃ śuklāṃ dhṛtakumbhatriśūlāṃ śuklākalpāṃ śaśimauliṃ trinetrām
saṃsiñcantīmamṛtaiḥ kumbhasūtairdhyātvā hanyād garalaṃ mantrajāpī

7.149

yasmin kṣetre kujavāreṣu mṛtsnāṃ saptasvacānnavadikṣveṣa mantrī
tat svīyaṃ syānnavamāsāt purastād bhaumāśvinyāmapi madhyāhnakāle

7.151

amāvāsyāyāṃ saptapañcāśaddhaṭike kāle'pyevam
hastāditye dhṛtisaṃkhyeṣṭakāstā mantrī yāvad vilikhed yasya saṃjñām
so'sya snihyet tadabhīṣṭaṃ ca kuryāt sarvān mantrī vaśayet sparśanādyaiḥ
iṣṭvā devīṃ paṭagāṃ sthaṇḍile vā ramye deśe rasalakṣairniśīthe
mantrī puṣpaiḥ pṛthagastaiḥ sugandhairnityaṃ devyāḥ padayoḥ syāddhaneśaḥ

7.152

karṇikāralakṣahomādapi prāgvat phalam
gandhaiḥ puṣpaipi dhūpaiśca dīpenaivedyaistāmupahārairniśāyām
iṣṭāgre syāt prajapedodayāt tat ṣaḍbhirmāsaiḥ sa bhaved vittanāthaḥ

7.153

nityamardharātre pūjājapādyairdhanadhānyaiśvaryavān bhavati
daṣṭrākhyārṇairgrathitaṃ śaktibījaṃ kuḍyādau syāllikhitaṃ tadviṣaghnam
abhyasyāmuṃ likhitaṃ mārjayed vā mantreṇāmbhaḥ pariṣiñcet pibed vā

7.154

bhūrje patre likhitaṃ mūlamaṅgairdhānyādau tannihitaṃ vardhayet tat
dṛṣṭvā devīṃ dhanadaṃ cāpi tasmin tenālabdhaṃ daśapuṣpaṃ ca dhāryam

7.155

anyonyasaṃmukhau hastau suśliṣṭau muktatarjanī
madhyamāṅguṣṭhasaṃyogānmudraiṣā kṣobhaṇī smṛtā

7.156

śliṣṭāṅgulitalau hastau prasāryāṅguṣṭhatarjanī
kaniṣṭhonāmikāmadhyāsaṃśleṣānmohinī bhavet

7.157

tathaiva śliṣṭakarayoḥ prasāryobhayatarjanī
madhyamāṅguṣṭhasaṃyogapīḍanād drāvaṇī smṛtā

7.158

tadvat suśliṣṭakarayostarjanīdvayapīḍanāt
karṣiṇī syāt tathā madhyāṃtarjābhyāṃ jyaiṣṭhikādvayam

7.159

nipīḍya sānnidhyakarī syācchiṣṭāṅguli(visa?va)rjanāt
anāmike dve tarjābhyāmadhaḥ pāṇyornibadhya tu

7.160

uttānapāṇitalayormadhyame sakaniṣṭhike
pārśvībhyāṃ saṃhatāgre te ṛjvāyatamavasthite

7.161

kṛtvāṅguṣṭhāgrayugmena kaniṣṭhāmūlayoḥ spṛśet
mudreyaṃ yonisaṃjñā syācchākteyī sarvasiddhidā

7.162

mohanī kṣobhaṇī yonimudrā drāvaṇyapi kramāt
nṛpasarvastriyāṃ vaśye narāṇāṃ ca niyojayet (?)

7.164

mudrādhikāraḥ
gaṅgādīnāmapi varasaritāṃ kūle vābdhergirivaraśikhare
udyāne vā bhramaravilasite koṭhyabhyāsād bhavati munisamaḥ || bhramaravilasitam
khecārī syāt tribhuvanabhavane pātālaṃ vā vrajati sukhamasau
hemādrau vā vasati manujapād dīrghāyuṣmānatibalataruṇaḥ

7.166

varṇyate kimiha śaktividyayā sādhakairiti yutaḥ suniścitam
prārthyate jagati siddhirīpsitā yādṛśī nijamanorathoddhatau || rathoddhatā
ityaśeṣabhuvanaikamātaraṃ viśvatattvanikhilādhvanāyrikām
śaktimāśritavatāṃ dṛḍhaṃ nṛṇāṃ durlabhā na khalu siddhayo'khilāḥ

Linked texts (1)

Īśānaśivagurudevapaddhati — Īśānaśivagurudeva, Sanskrit