Mantrapada 8

Mantrapāda 8

Language: Sanskrit

8.1

śaṅkareṇa vijayasya tapobhistoṣitena varadena vanānte
yā kirātavapuṣā saha gaurī svāgatā jayati sā tvaritākhyā

8.2

svāgatā
tāraṃ sārdhendukavacaṃ soṣṭhaścaṇḍo'tha kacchapaḥ
harāntavānekanetraḥ sargī saṃvartakāhvayaḥ

8.3

vāmākṣāntyāṣaḍhī śuklaṃ sārdhaṃ khaṃ daṇḍyathoṣṭhagaḥ (?)
krodhaḥ phaॅṭ ca daśārṇā syāt trrotarlā tvaritāpi ca

8.4

ṛṣiḥ kirātarudro'syāḥ paṅktiśchandaśca devatā
pārvatī śabarīveṣā dhyeyā lakṣeṇa siddhidā

8.5

tārataḥ puramitaṃ purato'srācchaktibījamubhayatra yathā syāt
dvādaśārṇakalitā khalu siddhiṃ tūrṇameva diśati tvaritāttaḥ

8.6

varmaitaḥ paramavāgapi cāntāt svārṇasaptakayugārṇavibhāgāt
syāt ṣaḍaṅgaracanāpi ca pūrvaḥ sottarārṇakalito'tra yathā syāt

8.7

dīkṣito'tha guruṇoditamantraḥ sāṅgamūlamanubhiḥ snapitāṅgaḥ
vinyaset tu karayośca tadaṅgajairjyeṣṭhikāntamubhayośca tale'stram

8.8

saṃmukhāśliṣṭayoḥ pāṇyoḥ sāṅguṣṭhe tarjanī pṛthak
ūrdhvaṃ vyavasthite kṛtvā valitāgre ca madhyame

8.9

madhyoparigate'nāme tadūrdhvasthe kaniṣṭhike
nibadhya hṛvasaṃsthānaṃ praṇītā syāt phaṇākṛtiḥ

8.10

mudrayā spṛśatuṃ sarvaśarīraṃ svaikyamarpitadhiyā svabhiṣiktaḥ
mudrayā punarapi spṛśatu svaṃ dehamatra paridhāya ca vāsaḥ

8.11

yāgabhūmimabhigamya tu maunī dhautapāṇicaraṇaḥ śubhatoyaiḥ
coditācamanakṛt parito'sminnasravapraracanākṛtarakṣaḥ

8.12

kṣetrapālamapi vāstupamiṣṭvā svāsane samupaviśya tu maunī
bhūtaśuddhimapi bhāvaviśuddhiṃ bhāvayedakhilabhūtahitārthām

karanyāsaṃ kṛtvā baddhamudro̍ nyastāṅgamantraḥ svasthāne svārṇān mūrdhni lalāṭe
kaṇṭhe hṛnnābhiguhyorujānujaṅghāṅghriṣu vinyaset
śyāmalāṃ bhramarabarbarakeśīṃ guñjadāmacitahemakirīṭām
śāradenduvadanāṃ tridṛśaṃ tāṃ tuṅgapīvarakucāṃ tanumadhyām

8.14

svaṃsacārusukumārabhujasrakkandalī surucirāṅgulipāṇim !
sūrujānucaraṇāmbujayugmāṃ sarvakāntisamavāyasurūpām

8.15

viprarājavaṇigantyajanāgaiḥ karṇabāhukaṭipādavibhūṣaiḥ
bibhratīṃ vanajamālyaviśeṣairbhūṣitāṃ kisalayāṃśukinīṃ tām

8.16

barhipiñchavalayāṃ ca mayūracchatracāmarayugadhvajayuktām
cintayan śabarikāparivāraṃ svaikyato'rcanavidhāvapi bāhye

8.17

sakṛdapi nigaditarūpādyāṃ smarati ha yajati ca gaurīṃ yaḥ
svabhimatamiha yadasau vinded varaphalamiva patitaṃ vṛntāt

8.18

vṛntā
atha himagiritaṭabhuvicintya suruciramurutarasudhānam
sthalamapi maṇimayamasyāntarvasuharidhṛtaruciraṃ pīṭham

8.19

śaktimasya madhyatastu dhāriṇīṃ vidrumadravadyutiṃ vicintayet
patrajālaśobhitaṃ tadutthitaṃ śyenikodgamopamaṃ ca paṅkajam

8.20

śyenikā
sūryasoma̍vahnimaṇḍalaiḥ kramād brahmaviṣṇurudradaivataiśca taiḥ
patrakesarālikarṇikāgataiḥ svākhyayātra pūjayennamontakam

8.21

tato'mbarāmbhoruhacandrapaṅkaje dalāgravaṃśasthakalāmṛtasrutau
citiṃ lasattārakasaṃkramadyutiṃ saśaktipuṣpāñjali yojitāṃ smaret

8.22

vaṃśastham
sahāṅgamūlaṃ manasā japan kramād yathoktarūpāṃ tvaritāṃ vicintayet
tathā samāvāhya puro'rcitāmbuje hṛdā sthirīkṛtya tu saṃnidhāpayet

8.23

yajet tadaṅgānyaruṇāni ṣaṭ kramāt surendrapatrādiṣu rūpataḥ striyaḥ
dhaneśreśānadaladvaye tvime
gāyatryai namaḥ | praṇītāyai namaḥ
tathāṣṭa śaktīstu dalāgragāḥ punaḥ

8.24

huṃ rāvāyai khecaryai caṇḍāyai chedinyai kṣepaṇyai striyai huṃkāryai kṣemakārikāyai
imāstu lokādhipavarṇavāhanāstadāyudhāḥ sapta yajedathāṣṭamīm
subhīṣaṇāṃ śūlakapāladhāriṇīṃ sajānuhastotthitavigrahāṃ bhuvam

8.25

jvalattrinetrogramukhīṃ digambarāṃ sambhūtavighnāribhayārtināśanīm
iti smaret kṣemakarīṃ svanāmabhiḥ saśaktikabījādinamontakaistu tām

8.26

purastu phaṭkāriṇikāṃ dhanurdharāṃ rasasya vāme gulikāṃ ca bibhratīm
sahemavetrāṃ vijayāṃ jayā tathā subhūṣite dvāri bahiḥsthite yajet

8.27

kiṅkara ! rakṣa tvaritājñāṃ sthito bhava phaṭ
anena kṛṣṇaṃ tvatha kiṅkaraṃ bahiḥ sumaṇḍitaṃ daṇḍadharaṃ tu barbaram
lakuḷine namaḥ | iti kiṅkarasya cetaṃ kāntāṃ tādṛśamarcayet
yajecca lokādhipatīn svadiggatān
nirmālyadhāriṇyai caṇḍāyai namaḥ
anena caṇḍāmapi ceśadiggatām

8.28

sarvān svanāmabhiḥ namontakamabhyarcya devīṃ ṣoḍaśopacāraiḥ parivārān
pañcopacārairyathāvibhavamarcayet
vicitraraktāmbaragandha + + + + + puṣpākṣatamālyadarpaṇaiḥ
sadhūpadīpairmadhumūlapāyasairgulānnaśuddhānnavavājyamodakaiḥ

8.29

iṣṭvā nivedya śītāmbutāmbūlādyaṃ ca bhaktitaḥ
nivedyaśeṣamadhvājyatilaiḥ puṣpaistathānale

8.30

devīmāvāhya juhuyāt pañcaviṃśatisaṃkhyayā
gāyatryā cāpi mūlena nityamaṅgairrdaśāṃśataḥ

8.31

baliṃ ca tatpārṣadakiṅkarāntakaṃ vikīrya vahneḥ purato'navaśeṣataḥ
samāpya tatkarma visṛjya cānalaṃ tataḥ samācamya japejjapasrajā

8.32

śaktipaṭaloktamārgeṇa culukodakena pūjājapādikaṃ devīpādāmbuje nivedayet
praṇamya nṛttastutigītavāditairathopapattyā paritoṣya pārvatīm
nirañjane gaccha layaṃ ṭhayugmavat samūlamuccārya hṛdi pravāhayet

8.34

dhyānādinā yastvaritāṃ tu nityaśaḥ śaktyā yajed vā hṛdayāmbuje dhiyā
tasyendravaṃśānuguṇaśriyau yathā vaṃśe'pi nityāḥ syuraśeṣasaṃpadaḥ || indravaṃśā
rananityapūjādhikāraḥ
kuṇḍe tu yonipratime tu māntrike vahnau samāvāhya yathāvadambikām
saṃpūjya hutvā madhuraiḥ samīhitān lakṣeṇa kāmānabhivindate phalān

8.35

dhānyairdhanaṃ kṛṣṇatilairabhīpsitaṃ kundairnavaiścampakabilvapaṅkajaiḥ
lakṣmīṃ ca rājyaṃ labhate madhuplutairhutvā madhūkaiḥ kusumaiḥ samīhitān

8.36

puṣṭiṃ ca godhūmamayaistathotpalairjambūsamidbhirdhanadhānyasaṃpadḥ
siddhārthakairītiharaṃ tu taṇḍulairārogyamiṣṭāgamanaṃ tathaikṣubhiḥ

8.37

hutvā tu māṣairiha mūkatāṃ riporakṣairbhramaḥ kodravakairgadāgamaḥ
syācchalmalībhiḥ saviṣaistu māraṇaṃ tāṃ kṛṣṇavarṇāṃ pravicintya bhīṣaṇām

8.38

kṣobhaḥ purasyāpi bhavet sumallikairhutvā śriyaḥ pāṭalakairavāpnuyāt
āmraistadāyuḥ kumudairvaśīkaraṃ putrānaśokairmadhurājyamiśritaiḥ

8.40

homavidhiḥ
drutamapīha na mantramudīrayeddhutāvidhau ca (na?) tathaiva japādike
na ca vilambitamiṣṭamataḥ sadā drutavilambitameva hi siddhidam || drutavilambitam
sitarajorucite tvatha maṇḍale vikirasaṃmitayoninibhe kramāt
daśadiśālikhitatvaritākṣare svabhinavān kalaśān daśa vinyaset

8.41

hum̐rāvādibhirāpūrya kalaśān navaśaktibhiḥ
krameṇa daśamaṃ madhye devyā mūlena pūrayet

8.42

hiraṇyaratnakusumaphalagandhakaṣāyakaiḥ
āpūrya panasāśvatthacūtabilvadalottarān

8.43

sitasūkṣmāmbaracchannān mālyapuṣpādadyalaṅkṛtān
yathāvadarcayet samyak tvaritāśaktyadhiṣṭhitān

8.44

athāgnau triśataṃ mūlena hutvā pṛthak pṛthag daśāhutīraṅgairnavaśaktikṣimiśca
daśa daśa hutvā tilaiścāruṇā ca,
samadhivāsya ca śiṣyamupoṣitaṃ niśi ravāvudite kalaśaiḥ kramāt
tamabhiṣicya tu māntrikadīkṣayā tvaritayā vidhivat saha yojayet

8.45

sa gurave vinivedya tu dakṣiṇāṃ nijaśarīradhanairapi toṣayet
atha japed guṇalakṣamimaṃ manuṃ bhavati siddhamanuḥ khalu śaktimān

8.46

dīkṣādhikāraḥ
vararāgabhavaidhṛtamānamidaṃ śubhatāmramato rajataṃ kanakam
drutamekatayā tvatha tatkṛtayā grahatoṭakakṛt khalu mudrikayā

8.47

toṭakam
tvaritayā lakṣājyahomajapasādhitayā | aṅgulyā dhṛtayeti yāvat
dhṛtayā tu tayā khalu bhūtagaṇānabhicārabhayaṃ bhujagān saviṣān
avalokitayāpi haret svavaśan kurute ca lunāti nihanti ca tān

8.48

saṃkhyāśakterbahiḥ pañcadaśapatrasthitākṣaraiḥ
ṣaṭcatuṣkoṇagaṃ lekhyaṃ cakraṃ tacceṣṭadaṃ dhṛtam

8.49

prācīnodīcyatigmāṃśurekhāḥ kastepkakoṣṭhake
rekhāgrajambhaśūlāḍhye cakre bhūrjādike'rpite

8.50

madhye saṃjñāṃ tu koṇeṣu tāraṃ phaṭ dikṣu madhyataḥ
koṇe tārādimantrāṇāṃ tatphaḍantān yathā tathā

8.51

saṃlikhya tatrobhayathā dikṣu mūlāṣṭakaṃ bhavet
viṃśatiḥ praṇavāstasmin bhavanti śrutikoṇagāḥ

8.52

sarvakoṣṭheṣu nāmārṇān kramādekaikaśo likhet
japahomārcitaṃ cakraṃ dhṛtaṃ sarvagrahārtijit

8.53

athavātra catuṣkoṇapraṇavānāṃ catuṣṭayāt
lekhyā purovat tvaritā saṃjñārṇasahitā kramāt

8.54

etat tu tvaritācakraṃ grahabhūtanivāraṇam
daśārṇasya manorasya dvitīyaṃ ca tṛtīyakam

8.55

ṣaṣṭhaṃ ca varṇamuddhṛtya sidhyenmantrastrikaṇṭakī
śirolalāṭāsyahṛtsu nābhiguhyorujānuṣu

8.56

aṅghyośca tvaritāvarṇān muktatārān nava nyaset
śaradasarasairvasu nandaparairnijajātiyutastvaritākṣarakaiḥ
'ḍapīha tadaṅgamanūnū racayed guṇalakṣajapena tu siddhimiyāt

8.57

varaṇādasitāmapi nābhitaṭādatha cāṅgalakaṃ navayāvakabhām
śaśiśubhramukhīṃ ca galāt parato dhṛtacandrakalāṃ jaṭilāṃ trivṛśam

8.58

udarevadanairasitairbhrukuṭīkuṭilairbhayadaiḥ sitadaṃṣṭraradaiḥ
ahibhūṣaṇakairapi vedamitairvamadagniśikhaiḥ parito'pi yutām

8.59

sitaśaṅkhamarriṃ tvatha dīpayugaṃ dadhatīṃ ca bhujaiḥ samamūrdhvamadhaḥ
iti śailasutāṃ tu nijaikyagatāmabhicintya japādikamiṣṭakaram

8.60

svaikyaṃ trikaṇṭakīṃ dhyātvā mudrāṃ baddhvā triśūlinīm
japan vīkṣya grahagrastān naśyantyāviśya te kṣaṇāt

8.61

trikaṇṭhakīrūpaṃ rudraṃ svaikyaṃ dhyātvā grahādīn harediti kvacit
atha vāsya munormunirṇamayaṃ navamārṇapuṭaṃ prajaped yuvatīḥ
guṇalakṣamtho vaśayed yadi tat triśataṃ śayane niśi karṣaṇakam

8.62

etadabhimantritapuṣpādidānād vaśyāḥ syuḥ striyaḥ
tṛtīyapañcamārṇābhyāṃ sampuṭaṃ ṣaṣṭhamakṣaram

8.63

svaikyaṃ japañchotalyā smṛtvā hantyakhilaṃ viṣam
athākhilavidhicchidraṃ pūraṇaṃ tvaritāmanoḥ

8.64

oṃ sarvarakṣākaraṃ jñeyaṃ tvaritāpañjaraṃ yathā
huṃrāvā mastake me'stu gale'stu mama khecarī

8.65

caṇḍā ca hṛdaye me'stu chedinī codare'stu me
astu me kṣepaṇī kaṭyāmūrvoḥ strīsaṃjñitāstu me

8.66

jānvormāmāstu huṅkārī kṣemakāryastu jaṅghayoḥ
phaṭkārī pādayorme'stu sarvāṅgeṣu jayāstu me

8.67

vijayā sarvatattveṣu mamāstu vijayāvahā
evamuccārayan dhyāyaṃstattadaṅgaṃ spṛśāmyaham

8.68

oṃ brahmāṇī purato me'stu pṛṣṭhe māheśvarī mama
pārśvayorme'stu kaumārī vaiṣṇavī cordhvato'stu me

8.69

jale rakṣatu vārāhī sthalendrāṇī sthitā'vatāt
sarvato'stu sthitā carcā cāmuṇḍā rakṣatāca mām

8.70

parvatāṭavidurgādau rakṣiṇī me'stu caṇḍikā
vajriṇī pūrvato me'stu sthitāgneye'stu śaktinī

8.71

daṇḍinī dakṣiṇe me'stu khaḍginī me'stu nairṛte
pāśinī vāruṇe me'stu vāyavye dhvajinī sthitā

8.72

gadinī me'stu kaubere tathaiśāne'stu śūlinī
cakriṇyadhogatā me'stu padminyastu mamordhvagā

8.73

lokeśāyudharūpā māṃ sadā rakṣantu śaktayaḥ
māṃ pātu dikṣu tvaritā trrotalā ca vidikṣu mām

8.74

ūrdhvādhaḥ pātu māṃ tūrṇā sadāmvyānmāṃ trikaṇṭhakī
tvaritāpañjarastho'haṃ vidyayā parirakṣitaḥ

8.75

na kutaścid bhayaṃ me'sti tato'smān pātu pārvatī
yadanyarakṣā kartavyā pañjarasya japaṃ tadā

8.76

māṃśabdaviṣaye yojyastvāṃśabdaḥ sarvato bhavet
tvaritāpañjarādhikāraḥ
acirarucilatābhāṃ trrotalākhyāṃ smarati yadi sujātāṃ kuṇḍalinyāḥ
kamalapuṭamupetāṃ dvādaśānte sravadamṛtarasāndrāṃ muktimeyāt

8.77

puṭaḥ
punarapi gaganābjānmūlapadmaṃ tvaritamiva sametā brahmanāḍyā
vrajati ca punarūrdhvaṃ jyotirārdrā diśati sakalasiddhīḥ saṃsmṛtaivam

8.78

jagati nikhilamantrāḥ sādhakānāṃ vidadhati phalamiṣṭaṃ kālapākāt
pradiśati khalu tūrṇā tūrṇamiṣṭaṃ yaditi bhavati sārthaṃ nāma cāsyāḥ

Linked texts (1)

Īśānaśivagurudevapaddhati — Īśānaśivagurudeva, Sanskrit