Mantrapada 9

Mantrapāda 9

Language: Sanskrit

9.77 — 1 part

9.1

jaloddhatagatiṃ yathā tripathagāṃ vigāhya duritaṃ prayāti vilayam
bhavecca sukṛtaiḥ sukhaṃ ca sulabhaṃ tathā tvaritayā janasya bhajataḥ || jaloddhatagatiḥ
ayaṃ nopadeśyo manustrotalāvā bhujaṅgaprayātātmane nāstikāya
pradeyaḥ svabhīṣṭārthadāyāpi rājñe suputrāya vā śraddadhānāya nityam || bhujaṅgaprayātam
iti śrīmadīśānaśivagurudevapaddhatau tantrasāre
tvaritāpaṭalo dvāviṃśaḥ
purastāraśaktī ca vārṅnityaśabdau bhujaḥ sākṣmāṃsaḥ sajhaṇṭī dvimeṣaḥ
viṣātidrave cāpi śaktiśca vāgjaṃ ṭhayugmaṃ ca nityā tripañcārṇako'rkau

9.2

vinā vāgbhavaṃ svaiḥ kramāt krūrakhārī bhavārṇaiḥ samastena cāṅgāni ṣaṭ syuḥ
yathā jātiyogāt tadaṅgāntamevaṃ punarvāgbhavena svathāṅgāni kuryāt

9.3

ṛṣiḥ kāmadevo'tiśakaryapīṣṭā manorichanda uktā tu nityābhidhānā
bhavet klinnapūrvā svayaṃ devatomā phalaṃ lokavaśyaṃ ca lakṣmīkaraṃ tat

9.4

guroḥ prāpya dīkṣāṃ tu labdhaprasādo manuṃ sādhako'sau japet prāg vidhāya
tathātmādiśuddhiṃ tvatho mādhavābdhaiḥ smaredantarīpaṃ tu madhye trikoṇam

9.5

lasatkalpavṛkṣaiśca hṛdyaṃ tu tasmin samudyaddineśaṃ tathaindyāṃ ca paścāt
sphuratpūrṇacandraṃ sanakṣatramālaṃ nabhaḥ prāvṛṣeṇyairghanaiḥ kāpi ramyam

9.6

sphuratkuḍmalāvairgulucchapravālaiḥ piśaṅgairaśokaiśca śokāpahaṃ tat
kalaiḥ kokilānāṃ tathā ṣaṭpadānāṃ virāvaiḥ suramyaṃ ca hemasthalāntam

9.7

tatastasya padma sphuratpadmarāgaṃ yajeddhemapīṭhaṃ trikoṇaṃ sapadmam
oṃ aiṃ klīṃ yonipadmapīṭhāya namaḥ | iti tatpīṭhamabhyarcya, oṃ āṃ
drāvaṇyai, oṃ īṃ āhlādakāriṇyai, oṃ khaṃ kṣobhaṇyai
itīṣṭābhivāraśikoṇeṣvāthasmin
oṃ aiṃ madadravāyai | oṃ auṃ rodyai | oṃ aḥ madanāturāyai | oṃ aiṃ
klīṃ yoniśaktaye
namo'ntaṃ diśāsvata madhya ca pūjyāḥ

9.8

tato dvādaśānte citiṃ sūkṣmarūpāṃ smaran śaktimādyāṃ sudhārdrā tu nityām
samāvāhayet tāṃ tu tadyogapīṭhe yajeccopacārairihoktasvarūpāt

9.10

bandhujīvāruṇāṃ raktagandhāmbarāṃ divyaratnojjavalairbhūṣaṇairbhūṣitām
pīnatuṅgastanīṃ ṣoḍaśābdākṛtiṃ hāridhammillakāṃ sragviṇīṃ trīkṣaṇām || stragviṇī
pūrṇacandrānanāṃ candramauli śivāṃ ṣaḍbhujāṃ bibhratīṃ pāśamapyaṅkuśam
pārijātaspṛśaṃ dakṣiṇe savyataḥ satkapālāmṛtāṃ vādayadvallakīm

9.11

sarvataḥ sundarīṃ drāṅ madāghūrṇitāṃ cintayan pārvatīmarcayet sādhakaḥ
hemabere'pi vā cārucitre'tha vā dravyasampanna cet svaikyato vā dhiyā

9.12

9.13

oṃ aṃ anaṅgāya | oṃ smarāya | oṃ manmathāya | oṃ kāmāya | oṃ
kusumāyudhāya
raktagandhāmbarāṃścāruveṣākṛtīn puṣpacāpaṃ śaraṃ pāśamapyaṅkuśam
bibhrataśceṣudhī pañca kāmānimān dikṣu caivāgrato bāhyataḥ pūjayet

9.14

9.15

tadvahirlokapān sāstravāhnādikān svāvakāśasthitān pūjayet svākhyayā
pāyasaṃ saikṣavaṃ kṣaudrasarpiḥplutaṃ modakairanvitaṃ yannivedyaṃ bhavet

9.16

nālikerāmbu ca svādu pānīyakaṃ hastasekaṃ tathā sāṅgatāmbūlakam
syāt pradeyaṃ tato vṛttagītādibhiḥ stotravanmaṅgalaistoṣayet pārvatīm

9.18

pūjādhikāraḥ
atha yonikuṇḍahutabhugvadanaḥ svavipūjitāṃ bhagavatīṃ ya imām
abhicintya raktakamalairmadhunā plāvitairjuhoti sa bhaveddhanadaḥ

9.19

madhunā madhūkakusumairjuhuyānniyutaṃ mahaddhanamaso labhate
saghṛtānnadugdhamadhunānnavaraṃ paśumān bhavet saghṛtadugdhahutāt

9.20

madhusiktaraktakusumaiḥ sakalān vaśayedapi trimadhurairnṛpatim
avalokya yāṃ japati yaṃ ca mithaḥ svanurāgitaṃ ca mithunaṃ hi bhavet

9.22

nityaklinnākhyāṃ sādhayeccāpi nityaṃ dhyāyan śraddhāvān pūjayed vai japed yaḥ
triṃśatpañcāśatṣaṣṭilakṣāṇi koṭīrbhaumādyāḥ siddhīrvaiśvadevīśca vindet || vaiśvadevī
nityaklinnādhikāraḥ
sakṣamākṣo bām̐hurne ca pāśāṅkuśābhyāṃ nityārṇe kālodadrave śaktibījam
hṛllekhāceyaṃ dvādaśārṇā hi nityā vajraprastārī nāmadheyā hi vidyā

9.23

āhlādini klinne nityakledini nitye madadravye
aṅgānyevaṃ ṣaṭ svāhvayayā jātibhiḥ syuḥ kāmaścarṣiḥ syājjagataṃ chanda uktam
sarvajñā śaktirdevataṃ bhānulakṣairabhyastaiḥ sidhyet tat phalaṃ sarvakāmāḥ

9.24

dīkṣāṃ cācāryāt prāpya mantraṃ yathāvacchuddhātmasthānadravyamantraḥ svaśaktyā
raktāmbhorāśiṃ tuṅgakallolamālaṃ dhyāyeccāpyasmin nāvamuttuṅgaśṛṅgām

9.26

naumadhye haimaṃ maṇḍapaṃ yonikalpaṃ muktājālāḍhyaṃ mālyadāmābhirāmam
tanmadhye pīṭhe tādṛgabjaṃ ca raktaṃ dhyāyed rāmāśraṃ karṇikāṃ vāgbhavāṃ tām || '
tasyāmāsīnāṃ divyarūprāṃ tu devīṃ bandhūkāraktāṃ ṣaḍbhujāṃ satriṇetrām
nānāratnāḍhyairbhūṣaṇairbhūṣitāṅgīṃ saṃraktākalpāṃ pīnatuṅgastanīṃ tām

9.28

karakalitāṅkuśāmapi sapāśāṃ dhṛtaśarakārmukāmṛtakapālāmra
smaratu ca bījapūraphalapāṇiṃ śaśinavamālinīṃ śaśimukhīṃ tām || navamālinī
evaṃrūpāṃ dhyātvāvāhya sthāpanasānnidhyasaṃnirodhanārocanāni śaktibījena
kṛtvā
sarasijakesareṣu ca tadaṅgaistaruṣadalāmrakeṣvanaṅgaśaktī
hṛllesvāyai kledinyai nandāyai kṣobhaṇyai madanāturāyai nirañjanāyai rāgavatyai
madanāvatyai śekharikhyai drāvakhyai bhagavatyai kāmāya
bahiriha cāṣṭamātṛdbhūtibhiśśca yajatu diśāṃ patīn nijadigante

9.29

iha parivārakaistu sahitāṃ yaḥ pratidinamarcayan sadupacāraiḥ
japati sahasrakaṃ diśi dinādau bhavati kuberavajjagati dhanyaḥ

9.32

dhyāyedvā tribhuvanamohanīṃ tu vajraprastārāṃ japati vidhānato'bhiṣiktaḥ
taṃ lakṣmīḥ svayamupayāti naikasaṃpat kalyāṇī svajanamanaḥpraharṣiṇī yā || praharṣiṇī
vyāghātairmadhumilitairdiśāsahasrairhutvādau phalati manustato yatheṣṭam
lakṣaṃ tairyadi juhuyāt sa lokakānto lakṣmīvān muditamanāścirāya jīvet
kṣaireyyā ghṛtayutayā mahāsamṛddhiṃ raktābjairmadhuni tathotpalairabhīṣṭam
yadvindet salavaṇataṇḍulaiḥ striyaḥ syurmadhvaktairakhilajanā vaśe'sya lājaiḥ

9.38

hṛllekhā tadupari nityakāmabījaṃ nebhāntastadanu ca bhadrapīṭhayugmam
rudrāṇī bhavati hi mohinī tu vidyā ṛṣyādyaṃ phalamapi pūrvavat samastam
gandhādyairaruṇatarairvibhūṣitāṅgīṃ raktābhāmabhayavarotpalāṅkuśahastām
dhyāyet tāṃ kara(tala ?) kalitāṅkuśāṃ trinetrāṃ dhammile dhṛtaśakalendupārijātām
lakṣāṇāṃ tritayamimāṃ japet purastāt tāvadbhirmadhululitairmadhūkapuṣpaiḥ
hutvādau bhavati jagatpriyo yaśasvī lakṣmīvān subhagatnuḥ sukhī ca nityam
mantreṇa snapanamapīṣṭamātmano vā gandhaṃ vā salilamathāñjanādikaṃ vā
duḥsvapnaṃ harati karoti rogaśāntiṃ saubhāgyaṃ janayati janyatāṃ ca vaśyam
[mohanī
dhṛtāṅkuśāṃ varadakapālapāśinīṃ kapardinīṃ tridaśamapīnduśekharām
japāruṇāṃ maṇivasanādibhūṣitāṃ nijaikyataḥ smararucirāṃ vaśīkaram || rucirā
athavā,
tadambudhau smarabhavaṇāruṇāmbuje smaredimāmabhinavakuṅkumadyutim
kapālataḥ prasṛtasudhāpradāyinīṃ karadvayāṃ japatu jagadvaśīkarīm

9.39

yadākhyayā svayamadhiruhya tanmayo lipiṃ kramād grathitanijārṇamanmathām
japet svayaṃ vapuṣi kare ca vinyased vaśīkaraṃ bhavati nibaddhamudrayā

9.43

itthaṃ nityāṃ dhyānajapādyairiha nityaṃ saṃsevante bhaktibharānamradhiyo ye
teṣāmagre mattamayūrā iva nṛttaṃ kāmāḥ svairaṃ kuryurabhīṣṭārthamanojñāḥ || mattamayūrā
nityātryakṣarai(kā)kṣarādhikāraḥ
lipyarṇādirmanmathabījaṃ bhuvaneśī meṣaḥ śvelaṃ sargi ca (?) nityāmanuruktaḥ
pañcārṇo'yaṃ viśvajanakṣobhaṇakārī jātī svargernityasajapyo'ṅgavidhiḥ syāt
kāmo'syarṣiḥ siddhilipirdaivatamuktā paṅktiśchando lakṣajapāt sidhyati mantraḥ
kṣīrājyābhyāṃ kṣaudrayutaṃ cāpi daśāṃśaṃ hutvā lakṣmīstasya vaśe tiṣṭhati nityam
svaikyaṃ raktāṃ lekhānikāpustakapaṇi raktākalpāṃ coparipāśāṅkuśahastām
candrottaṃsāṃ cārukapardāmayugākṣīṃ dhyāyed devīṃ pīvarayugmastanakumbhām

9.45

mūlādhārāt kuṇḍalinīpaṅkajaliṅgaṃ bhittvodīrṇā paṅkajatantudyutisūkṣmā
yā paśyantīmadhyamavaikharyabhidhānā protā yasyāṃ mauktikakalpā lipivarṇāḥ
tāṃ bhrūmadhye binduvibhedāntaramārgānjyotīlekhāṃ sūkṣmaruciṃ vyomani yāntīm
dhyāyan devīṃ padmaśaśāṅkāmṛtatoyairnityāklinnāṃ tanmanasā syājjapaniṣṭhaḥ

9.47

paśyañ śṛṇvan sparśvaratirjñeyaparo vāpyaśnan gacchan yaḥ pralapan karma ca kurvan
dhyāyannevaṃ mānasajapyābhiratiḥ syādasyājñāyāṃ tiṣṭhati viśvaṃ kimutānyat
bhogaiśvaryaṃ vāñchati cet tat khalu vinded vāgaiśvaryaṃ vāpyatha vācaspatitulyam
yogaiśvaryaṃ cāṣṭaguṇaṃ syādaṇimādyaṃ naiśvaryaṃ necchati cenmokṣamapīyāt

9.51

mātṛkāmālinyadhikāraḥ
śaktiḥ svānto'nugrahavān sūkṣmayuto'gniḥ kaṇṭhī vahnirdvigato'triḥ svayamatriḥ
sākṣo vālī te'ntagayogeśvariṃśabdo varmānte ṭhāveti gaurīmanuruktaḥ
aṣṭiścandastāvadime'rṇāḥ khalu mantre svācarṇābhyāṃ jātiyutāṅgānyapi ṣaṭ syuḥ
gaurī devī daivatamuktasya muniḥ syād vāmo devaḥ sidhyati lakṣatrayajāpāt
atha śakaryādīkṣāmācāryānmanumapi samavāpyādau mūlāṅgaiḥ snātvā śivabhavanamasaṃbādham
saṃprāpyārdhyādyaiḥ śivamapi ca śivaḥ siddho labdhānujño'smānmanuyajanamathātiṣṭhet
[asaṃbādhā
pūjāgṛhadvārād bahiḥ kṣetrapālamubhayato jayāvijaye copari dvāraśriyaṃ dvārāntarvāstupuruṣaṃ ca svanāmnā namontamabhyarcryāntaḥ praviśya svāsane
āsīno maunī niyamitamarutā śuddhiṃ kṛtvā, bhūtānāṃ tadanu kṛtakaranyāso
vinyastāṅgo'ṅgaiḥ saṃkalanijavapuścārghyaṃ tvāpūrya, ibhāsyaṃ varuṇādiśi gurunaiśe
pūjayet | tad yathā - gaṃ gaṇapataye nama iti gaṇapatiṃ, guṃ gurubhyo namaḥ
paramagurubhyo namaḥ | oṃ parameṣṭhigurubhyo namaḥ | pūrvācāryebhyo namaḥ
pūrvasiddhebhyo namaḥ | yoginībhyo namaḥ | yoginībhya ityabhyarcya,
madhye kalpakavṛkṣāya namaḥ | tasyādho ratnasiṃhāsanāya namaḥ | iṃ ādhāraśaktaye namaḥ | uṃ kūrmāya | aṃ anantāsanāya | ṛṃ dharmāya | ṝ jñānāya | lūṃ
vairāgyāya | lūṃ aiśvaryāya | kaṃ kandāya | naṃ nālāya | hāṃ padmāya | saṃ kesarebhyaḥ
haṃ karṇikāyai kṣaṃ patrebhyaḥ | iti nemāntamabhyarcya, oṃ sāṃ prabhāyai | oṃ
sīṃ jñānāyai | oṃ sūṃ vāce | oṃ seṃ vāgīśvaryai | oṃ saiṃ jvālinyai | oṃ soṃ vāmāyai | oṃ sauṃ jyeṣṭhāyai | oṃ saṃ raudyai | oṃ saḥ (gauṃ?)
gaurīmūrtaye | iti dalāgreṣvaṣṭaśaktīrnavamīṃ karṇikāyāmabhyarcya mūlena devīṃ
dhyātvāvāhayet
aciraruciruciṃ prabhāmayavigrahāṃ
sakalaśaśimukhīṃ trilocanasundarīm
abhayavarakarāṃ dhṛtāṅkuśapāśinīṃ
vidhṛtaśaśikalāṃ smaredaparājitām

9.52

aparājitā
dikṣvaṅgāni vidikṣvasraṃ vinyasya nayanaṃ puraḥ
kesarāgreṣu dikṣvetā vedāśśaktirdilāgragāḥ

9.53

svāṃ(?) subhāgāyai | svīṃ(?) lalitāyai | sūṃ kāminyai | seṃ kāmamālinyai
tathā koṇadalāgreṣvanaṅgarūpādiśaktyaṣṭakaṃ dvandvaśo'rcayet | anaṅgarūpāyai anāyai | madanāturāyai pavanavegāyai | bhuvanapālinyai sarvaśiśirāyai | anaṅgamadanaṅgamadanāyai anaṅgamekhalāyai
bahiriha vṛttigā bhavanti hi mātarastadanu digadhipāḥ purandarapūrvakāḥ
svagaṇaparivṛtāḥ sahāyudhavāhanā vṛttiṣu pṛthagimān yajennijanāmabhiḥ

9.54

subhāgāyai namaḥ ityaiśānyaṃ nirmālyadhāriṇīmarcayet | (lupaijāśaihi?
subhāgāyai) vidmahe | kāmamālinyai dhīmahi | tanno gaurī pracodayāt | ityanayā
gaurīgāyatryā śaktibījena copacārairarcayet
kusumaparimalaiḥ sugandhivilepanairagarupurughṛtaiḥ sudhūpakadīpakaiḥ
madhurarasabharaiḥ phalairapi modakairyajatu bhagavatīṃ tathā ghṛtapāyasaiḥ

9.55

navakanakanibhāṃ śriyai dhṛtapaṅkajāmabhayavarakarāṃ nidhidvayasevitām
smaratu samukurāṃ dhṛtāñjanatūlikāṃ kanakaharidhṛte sarojavarāsane

9.57

radaśaraviśikhairdaśabhiśca piśaṅgīṃ dhanurapi dhanuṣā śaramasiphalake
samamiha dadhatī ditisutamathanī mahadāpadi māṃ' smararipuvijaye || praharaṇakalitā
vasudalakamale sunihitakalaśe suvidhikṛtavibhavaṃ yaja giritanayām
daśaśatadaśakaṃ kṛtajapahavanaiḥ snapayatu nṛpatiṃ sa bhavati vijayī

9.58

japahutayajanairanudinamiha yo bhajati hi giriśāṃ tribhuvanavaradām
sa bhavati bhuvane bahudhanapaśumān kṣititalatantraiśściramapi ramate

9.60

hutavahavadane yadi dinavadane ghṛtamadhupayasā navasitakamalaiḥ
payasi ca caruṇā prayajati nacirād daśasahasrakṛtaṃ sa bhavati dhanavān
aśvatthajāśca vaṭajā dvijarājavṛkṣe
tvaudumbarīḥ khadirajāḥ samidhaḥ sahasram
vidrudrumadravavibhāvitataṇḍulakaiḥ striyo vā
kāle vasantatilake madhurairjuhotu

9.67

vasantatilakam
svādūttaraktakusumairvaśayet samastaṃ nandyādiparttahavanāllabhate tanūjān
raktotpalairapi ca cetasajāmiriṣṭāṃ vṛṣṭiṃ paśūṃśca payasātha tilaiśca sarvam
śuddhairbvahvantaranihitakṣmābhṛttailairvidvājavyapatyasantitailairapi rājyalakṣmīm
dūrvāpayastilaghṛtairhavanāt tathāyurnīrogatāṃ ca labhate sma jalābhiṣekāt
vāmoruvahnipurasaṃpuṭamadhyaśaktau sādhyāhvayaṃ vilikhitaṃ niśayā niśāyām
mantraṃ vidhāya japatastu kareṇa rāmā vāmena sā samabhiyātyapareṇa cānyo (m?)
siṃhonnataṃ samādhiruhya rathaṃ ghanābhāṃ śaṅkhāricāpaśaravajragadātriśūlam
khaḍgaṃ ca carma dahanaṃ dadhatīṃ trinetrāṃ svaikyaṃ smaran japatu bhītiṣu nirbhayaiḥ syāt
tāmbūlikālikhitanāmabahiṣṭhaśakteḥ pāśāṅkuśāvṛtirasāśrigatāṅgaṣaṭke
syāt svastikaṃ niśi japellipiśaktipāśān dīpe'ṅkuśaṃ ca tapanādupayātyabhīṣṭam
śaktisthirāhvayañcandrerhaṃ vedabījaiḥ sampuṭāṃ kṛtvā vilikhyābhyantare
prodbhiṃśca piṣṭamanupuline sajīve lekhyaṃ pramajya madhureṇvadato vaśe syāt
gaurīvidhānādhikāraḥ
śaktiṃ namo brahmaśabdo rājaśrīpūjiteti ca
bhagabhūterandhe vigaśedha (?) gauri gāndhāri tribhuvanaśaṅkari sarvalokavaśaṅkari sarvastrīpuruṣavaśaṅkari sududde vāk vākkāmāya ṭhaṭha
ajo'syārṣiratinivṛcchando gaurī (ca) devatā

Linked texts (1)

Īśānaśivagurudevapaddhati — Īśānaśivagurudeva, Sanskrit

Mantrapada 9

Contents

Linked texts (1)