Padapatha 1
Padapāṭha 1
- Language
- Sanskrit
1.1
hariḥ oṃ || stu̱ṣe | narā̍ | di̱vaḥ | a̱sya | pra̱'saṃtā̍ | a̱śvinā̍
hu̱ve | ja̱ramā̍ṇaḥ | a̱rkaiḥ || yā | sa̱dyaḥ | u̱srā | vi̱'uṣi̍ | jmaḥ
aṃtā̍n | yu̱yūrṣa̍taḥ | pari̍ | u̱ru | varā̍m̐si || tā | ya̱jñaṃ | ā | śuci̍'bhiḥ | ca̱kra̱mā̱ṇā | ratha̍sya | bhā̱nuṃ | ru̱ru̱cuḥ | raja̍'bhiḥ || puru
varā̍m̐si | ami̍tā | mimā̍nā | a̱paḥ | dhanvā̍ni | ati̍ | yā̱thaḥ
a̱jrā̍n || tā | ha̱ | tyat | va̱rtiḥ | yat | ara̍ṃdhaṃ | u̱grā | i̱tthā
dhiya̍ḥ | ū̱hathu̍ḥ | śaśva̍t | aśvai̍ḥ || mana̍'javebhiḥ | i̱ṣi̱raiḥ | śa̱ya̱dhyai̍
pari̍ | vyathi̍ḥ | dā̱śuṣa̍ḥ | martya̍sya || tā | navya̍saḥ | jara̍māṇasya
manma̍ | upa̍ | bhū̱ṣa̱ta̱ḥ | yu̱yu̱jā̱nasa̍ptī̱ti̍yuyu̱jāna'sa̍ptī || śuṃbhe̍ | pṛ̱kṣe
iṣe̍ | ū̱rje | vaha̍ṃtā | hotā̍ | ya̱kṣa̱t | pra̱tnaḥ | a̱dhruk | yu̱vā̍nā | tā
va̱lgūtī̱ti̍ | dū̱tā | pu̱ru̱śāka̍'tamā | pra̱tnā | navya̍sā | vaca̍sā | ā
vi̱vā̱se || yā | śaṃsa̍te | stu̱va̱te | śaṃ'bha̍viṣṭhā | ba̱bhū̱vatu̍ḥ | gṛ̱ṇa̱te
ci̱trarā̍tī̱ti̍ci̱tra'rā̍tī
1.2
tā | bhu̱jyuṃ | ghi̱'bhi̍ḥ | a̱dbhyaḥ
sa̱mu̱drāt | tu̱grasya̍ | sū̱nuṃ | ū̱ha̱thu̱ḥ | raja̍'bhiḥ || a̱re̱ṇu'bhi̍ḥ
yoja̍nebhiḥ | bhu̱jaṃtā̍ | pa̱ta̱tri'bhi̍ḥ | arṇa̍saḥ | niḥ | u̱pa̱'sthā̍t || vi
ja̱yuṣā̍ | ra̱thyā̍ | yā̱ta̱ṃ | adri̍ | śrutaṃ | hava̍ṃ | vṛ̱ṣa̱ṇā̱ | va̱dhri̱'ma̱tyāḥ
da̱śa̱syaṃtā̍ | śa̱yave̍ | pi̱pyathu̍ḥ | gāṃ | iti̍ | cyavā̍nā | su̱'ma̱tiṃ
bhura̱ṇyuriti̍ || yat | roda̍sī̱iti̍ | pra̱'viśva̍ḥ | asti̍ | bhūrma̍ | heḷa̍ḥ
de̱vānā̍m | u̱ta | martye'treti̱ martye'tra̍ || tat | ā̱di̱tyāḥ | vasa̍vaḥ | rū̱driyā̍saḥ
rakṣa̍ḥ'yuje̍ | tapa̍ḥ | a̱gham | da̱dhā̱t || yaḥ | ī̱m | rājā̍nau | ṛ̱tu̱'thā
vi̱'dadha̍t | raja̍saḥ | mi̱traḥ | varu̍ṇaḥ | cike̍tat || gaṃbhī̱rāya̍ | rakṣa̍se
he̱ti̍ | a̱sya̱ | droghā̍ya | ci̱t | vaca̍se | ā̱na̱vāya̍ | a̍ntaraiḥ | cakraiḥ
tana̍yāya | vṛ̱ti̍ḥ | dyu̱'matā̍ | ā | yā̱ta̱ṃ | nṛ̱'vatā̍ | rathe̍na || sanu̱tyena̍
tyaja̍sā | martya̍sya | va̱nu̱ya̱tāṃ | api̍ | śī̱rṣā | va̱vṛ̱kta̱ṃ || ā | pa̱ra̱mābhi̍ḥ
u̱ta | ma̱dhya̱mābhi̍ḥ | ni̱yut'bhi̍ḥ | yā̱ta̱ṃ | a̱va̱mābhi̍ḥ | a̱rvāk || dṛ̱ḷhasya̍
cit | go'ma̍taḥ | vi | vra̱jasya̍ | dura̍ḥ | vartaṃ | gṛ̱ṇa̱te | vi̱tra̱rā̱tīiti̍citra'rātī
1.3
kaṃ | tyā | va̱lgū̱iti̍ | pu̱ru̱'hū̱tā | a̱dya | dū̱taḥ
na | stoma̍ḥ | a̱vi̱da̱t | nama̍svān || ā | yaḥ | a̱rvāk | nāsa̍tyā
va̱varte̍ | preṣṭhā̍ | hi | a̱satha̍ḥ | a̱sya̱ | manma̍n || ara̍ṃ | me̱ | ga̱ṃta̱ṃ
hava̍nāya | a̱smai | gṛ̱ṇā̱nā | yathā̍ | pibā̍thaḥ | aṃdha̍ḥ || pari̍ | ha̱
tyat | vṛ̱ti̍ḥ | yā̱tha̱ḥ | ri̱ṣaḥ | na | yat | para̍ḥ | na | aṃtara̍ḥ
tu̱turyāt || akā̍ri | vā̱ṃ | aṃdha̍saḥ | varī̍man | astā̍ri | ba̱rhiḥ
su̱pra̱'aya̍natamaṃ || u̱ttāna̍'hastaḥ | yu̱vu̱'yuḥ | vava̍nda | ā | vā̱ṃ | nakṣa̍taḥ
adra̍yaḥ | ā̱ṃjan || ū̱rdhvaḥ | vā̱ṃ | a̱gniḥ | a̱dhva̱reṣu̍ | a̱sthā̱t | pra
rā̱tiḥ | e̱ti̱ | ju̱rṇinī̍ | ghṛ̱tācī̍ || pra | hotā̍ | gurta'ma̍nāḥ | u̱rāṇaḥ
ayu̍kta | yaḥ | nāsa̍tyā | havī̍man || adhi̍ | śriye | du̱hi̱tā | sūrya̍sya
rathe̍ | ta̱sthau̱ | pu̱ru̱'bhujā̱ | śa̱ta'ū̱tiṃ || pra | mā̱yābhi̍ḥ | mā̱yinā̍
bhū̱ta̱ṃ | atra̍ | narā̍ | nṛ̱tū̱iti̍ | jani̍man | ya̱jñiyā̍nāṃ
1.4
yu̱vaṃ
śriyaiḥ | darśa̍tābhiḥ | ābhi̍ḥ | śu̱bhe | puṣṭiṃ | ū̱ha̱thu̱ḥ | sūryāyā̍ḥ
pra | vā̱ṃ | vaya̍ḥ | vapu̍ṣe | anu̍ | pa̱pta̱n | nakṣa̍t | vāṇī̍ | su̱'stu̱tā
dhiṣṇyā̍ | vā̱ṃ || ā | vā̱ṃ | vaya̍ḥ | aśvā̍saḥ | vahi̍ṣṭhāḥ | abhi | praya̍ḥ
nāsa̍tyā | vaha̍ṃtu || pra | vā̱ṃ | ratha̍ḥ | mana̍ḥ'javāḥ | a̱sa̱rji | iṣa̍ḥ
pṛkṣa̍ḥ | i̱ṣidha̍ḥ | anu̍ | pu̱rvīḥ || puru | hi | vā̱ṃ | pu̱ru̱'bhu̱jā̱ | deṣṇa̍ṃ
dhe̱nuṃ | na̱ḥ | iṣa̍m | pi̱nva̱ta̱ṃ | a̱sa̱krāṃ | stuta̍ḥ | ca̱ | vā̱ṃ | mādhvīti̍
su̱'stu̱tiḥ | ca̱ | rasā̍ | ca̱ | ye | vā̱ṃ | anu̍ | rā̱ti | agma̍n
u̱ta | me̱ | ṛ̱jredati̍ | pu̱ra̱yasya̍ | ra̱dhvīriti̍ | su̱'mī̱ḷhe | śa̱taṃ
pe̱ru̱ke | ca̱ | pa̱kvā || śāṃḍa̍ḥ | dā̱t | hi̱ra̱ṇirna̍ḥ | rathya̍'diṣṭīn | daśa̍
va̱śāsa̍ḥ | a̱bhi̱'sāca̍ḥ | ṛ̱ṣvān || saṃ | vā̱ṃ | śa̱tā | nā̱sa̱tyā̱
sa̱hasrā̍ | aśvā̍nāṃ | pu̱ru̱'paṃthā̍ḥ | gire̍ | dā̱t || bhara̍dvājāya
vī̱ra | nu | gire̍ | dā̱t | ha̱tā | rakṣā̍m̐si | pu̱ru̱'da̍ṃsasā | syu̱riti̍syuḥ
ā | vā̱ṃ | su̱mne | va̱ri̱man | sū̱ri̱'bhi̍ḥ | syāṃ
1.0
ut | ū̱m̐ iti̍
śri̱ye | u̱ṣasa̍ḥ | roca̍mānāḥ | asthu̍ḥ | a̱pāṃ | na | ū̱rmaya̍ḥ | ruśa̍ntaḥ
kṛ̱ṇoti̍ | viśvā̍ | su̱'pa̱thā | su̱'gāni̍ | abhū̍t | ū̱m̐ iti̍ | va̱svī
dakṣi̍ṇā | ma̱ghonī̍ || bha̱drā | da̱dṛ̱kṣe | u̱rvi̱yā | vi | bhā̱si̱ | ut
te̱ | śoci̍ḥ | bhā̱navo̍ | dyāṃ | a̱pa̱pta̱n || āvi̍ḥ | vakṣa̍ḥ | kṛ̱ṇu̱ṣe̱
śu̱ṃbhamā̍nā | uṣa̍ḥ | de̱vi | roca̍mānā | ma̱haḥ'bhi̍ḥ || vaha̍nti | sī̱ṃ
a̱ru̱ṇāsa̍ḥ | ruśa̍ntaḥ | gāva̍ḥ | su̱'bhagā̍m̐ | u̱rvi̱yā | pra̱thā̱nāṃ | apa̍
ī̱ja̱te̱ | śūra̍ḥ | astā̍'iva | śatrū̍n | bādha̍te | tama̍ḥ | a̱jira̍ḥ | na
vo̱ḷhā || su̱'gā | u̱ta | te̱ | su̱'pa̱thā | parva̍teṣu | a̱vāte | a̱paḥ
ta̱ra̱si̱ | sva̱bhā̱no̱ iti̍sva'bhāno || sā | na̱ḥ | ā | va̱ha̱ | pṛ̱thu̱'yāman
ṛ̱ṣve | ra̱yiṃ | di̱va̱ḥ | du̱hi̱ta̱ḥ | i̱ṣaya̍dhyai || sā | ā | va̱ha̱ | yā
u̱kṣa'bhi̍ḥ | avā̍tā | uṣa̍ḥ | vara̍ṃ | vaha̍si | joṣa̍ṃ | anu̍ | tvaṃ | di̱va̱ḥ
du̱hi̱ta̱ḥ | yā | ha̱ | de̱vī | pū̱rve'hūtau | maṃha̍nā | darśa̍tā | bhūḥ
1.6
e̱ṣā | syā | na̱ḥ | du̱hi̱tā | di̱va̱ḥ'jāḥ | kṣitī̍ḥ | u̱cchaṃtī̍
mā̱nuṣī̍ḥ | a̱jī̱gariti̍ | yā | bhā̱nunā̍ | ruśa̍tā | rā̱myāsu̍ | a̱jñā̍yi
tira̍ḥ | tama̍saḥ | ci̱t | a̱ktūn | vi | tat | ya̱yu̱ḥ | a̱ru̱ṇa̱yuk'bhi̍ḥ
aśvai̍ḥ | ci̱traṃ | bhā̱ṃti̱ | u̱ṣasa̍ḥ | ca̱ṃdra'ra̍thāḥ | agre̍ | ya̱jñasya̍ | bṛ̱ha̱taḥ
naya̍ntīḥ | vi | tāḥ | bā̱dha̱ṃte̱ | tama̍ḥ | ū̱rmyāyā̍ḥ | śrava̍ḥ | vāja̍ṃ
iṣa̍ṃ | ūrja̍ṃ | vaha̍ṃtīḥ | ni | dā̱śuṣe̍ | u̱ṣasa̍ḥ | martyā̍ya | ma̱ghonī̍ḥ
vīra'va̍t | patya̍mānāḥ | ava̍ḥ | dhātu̱ || vi̱dha̱te | ratna̍m | a̱dya | i̱dā
hi | va̱ḥ | vi̱dha̱te | ratna̍m | asti̍ | i̱dā | vī̱rāya̍ | dā̱śuṣe̍ | u̱ṣa̱sa̱ḥ
i̱dā | viprāya̍ | jarate̱ | yat | u̱kthā | ni | sma̱ | mā̱'vate̍ | vaha̱tha̱
pu̱rā | ci̱t | i̱dā | hi | te | u̱ṣa̱ḥ | adrisānoityadri̍'sāno
gotrā̍ | gavā̍ṃ | aṃgi̍rasaḥ | gṛ̱ṇaṃti̍ | vi | a̱rkeṇa̍ | bi̱bhi̱du̱ḥ | brahma̍ṇā
ca̱ | sa̱tyā | nṝṇā̍ṃ | a̱bha̱va̱t | de̱va'hū̍tiḥ | uccha̍ | di̱va̱ḥ | du̱hi̱tariti̍
pra̱tna'va̍t | na̱ḥ | bha̱ra̱dvāja̍'vat | vi̱dha̱te | ma̱gho̱ni̱ || su̱'vī̱raṃ | ra̱yiṃ
gṛ̱ṇa̱te | ri̱rī̱hi̱ | u̱ru̱'gā̱yaṃ | a̱dhi̍ | dhe̱hi̱ | śrava̍ḥ | na̱ḥ
1.7
vapu̍ḥ
nu | tat | ci̱ki̱tuṣe̍ | ci̱t | a̱stu̱ | sa̱māna̍ṃ | nāma̍ | dhe̱nu | patya̍mānaṃ
martye̍ṣu | a̱nyat | doha̍se | pī̱pāya̍ | sa̱kṛt | śu̱kraṃ | du̱du̱he | pṛśni̍ḥ
ūdha̍ḥ || ye | a̱gnaya̍ḥ | na | śośu̍can | i̱dhā̱nāḥ | dviḥ | yat | triḥ
ma̱ruta̍ḥ | va̱vṛ̱dhaṃta̍ | a̱re̱ṇava̍ḥ | hira̍ṇyayā̍saḥ | e̱ṣā̱ṃ | sā̱kaṃ | nṛ̱mṇaiḥ
pauru̍ṣyebhiḥ | ca̱ | bhu̱va̱n || ru̱drasya̍ | ye | mī̱ḷhuṣa̍ḥ | saṃti̍ | pu̱trāḥ
yān | coḷhī̍ti̍ | nu | dādhṛ̍viḥ | bhara̍dhyai || vi̱de | hi | mā̱tā | ma̱haḥ
ma̱hī | sā | sā | it | pṛśni̍ḥ | su̱'bhve̍ | garbha̍ṃ | ā | a̱dhā̱t || na | ye
īrṣa̍ṃte | ja̱nuṣa̍ḥ | ayā̍ | nu | aṃta̍riti̍ | saṃta̍ḥ | a̱va̱dyāni̍ | pu̱nā̱nāḥ
niḥ | yat | du̱he | śucaya̍ḥ | anu̍ | joṣa̍ṃ | anu̍ | śriyā | ta̱nva̍ṃ
u̱kṣamā̍ṇāḥ || ma̱kṣu | na | ya̱ryu | doha̍se | ci̱t | a̱yāḥ | ā | nāma̍
dhṛ̱ṣṇu | māru̍taṃ | dadhā̍nāḥ | na | ye | staunāḥ | a̱yāsa̍ḥ | ma̱hnā | nu
ci̱t | su̱'dānu̍ḥ | ava̍ | yā̱sa̱t | u̱grān
1.8
te | it | u̱grāḥ
śava̍sā | dhṛ̱ṣṇu'sai̍nāḥ | u̱bheiti̍ | yu̱jaṃta̍ | roda̍sīiti̍ | su̱meke̱iti̍su̱'meke̍ || adha̍ | sma̱ | e̱ṣu̱ | roda̍sī | sva'śau̍ciḥ | ā | ama̍vat'su
ta̱sthau̱ | na | roka̍ḥ || a̱ne̱naḥ | va̱ḥ | ma̱ru̱ta̱ḥ | yāma̍ḥ | a̱stu̱ | a̱naśva̍ḥ
ci̱t | yaṃ | arja̍ti | ara̍thīḥ || ana̱vasa̍ḥ | ana̱bhīśu̍ḥ | raja̍'tūḥ
vi | roda̍sīiti̍ | pa̱thyā̍ḥ | yā̱ti̱ | sā̱dhan
Linked texts (3)
- Śākala — Sanskrit
- Saṃhitāpadapāṭha — Sanskrit
- Ṛgvedasaṃhitāpadapāṭha — Sanskrit