Pramāṇa · Search · About · API

Padapatha 136

Padapāṭha 136

Language
Sanskrit

136.0

ut | te̱ | śuṣmā̍saḥ | ī̱ra̱te̱ | siṃdho̍ḥ
ū̱rmeḥ'i̍va | svana̍ḥ | vā̱ṇasya̍ | co̱daya̍ | pa̱viṃ || pra̱'sa̱ve | te̱ | ut
ī̱rate̱ | tisra̍ḥ | vāca̍ḥ | ma̱kha̱syuva̍ḥ | yat | avye̍ | eṣi̍ | sāna̍vi
avye̍ | vāre̍ | pri̱yaṃ | hari̍ṃ | hi̱nvaṃti̍ | adri̍'bhiḥ | pa̱va̱māna̍ṃ | ma̱dhu̱'śruta̍ṃ

136.7

saḥ | pa̱va̱sva̱ | ma̱dint̍'tama | gobhi̍ḥ | a̱ṃjāna̍ḥ | a̱ktu'bhi̍ḥ | iṃdo̱iti̍ | iṃdrāya̍ | pī̱taye̍

136.8

adhva̱ryoiti̍ | adri̍'bhiḥ
su̱taṃ | soma̍ṃ | pa̱vitre̍ | ā | sṛ̱ja̱ | pu̱nī̱hi | iṃdrāya̍ | pāta̍ve || di̱vaḥ
pī̱yūṣa̍ṃ | u̱tta̱'maṃ | soma̍ṃ | iṃdrāya̍ | va̱jriṇe̍ | su̱no̱ta̱ | ma̱dhu̱matt̍'tamaṃ
tava̍ṃ | tye | iṃdo̱iti̍ | aṃdha̍saḥ | de̱vāḥ | madho̍ḥ | vi | a̱śna̱te̱
pava̍mānasya | ma̱ruta̍ḥ || tvaṃ | hi | soma̍ | va̱rdhaya̍n | su̱taḥ | madāya̍
bhūrṇaṃye | vṛṣa̍n | sto̱tāra̍ṃ | ū̱taye̍ || a̱bhi | arṣa̍ | vi̱'ca̱kṣaṇa̱
pa̱vitra̍ṃ | dhā̱rayā̍ | su̱taḥ | a̱bhiḥ | vāja̍ṃ | u̱ta | śrava̍ḥ

136.9

pari̍
dyu̱kṣaḥ | sa̱natt̍'rayiḥ | bhara̍t | vāja̍ṃ | na̱ḥ | aṃdha̍sā | su̱vāna̍ḥ | arṣa̍
pa̱vitre̍ | ā || tava̍ | pra̱tnebhi̍ḥ | adhva̍'bhiḥ | avye̍ | vāre̍ | pari̍
pri̱yaḥ | sa̱hasra̍ṃ'dhāraḥ | yā̱t | tanā̍ || ca̱ruḥ | na | yaḥ | taṃ | ī̱ṃkhaya̱
iṃdo̱iti̍ | na | dāna̍ṃ | ī̱ṃkhaya̱ | vadhai̍ḥ | va̱dha̱sno̱iti̍vadha̱'sno̱ | ī̱ṃkhaya̱
ni | śuṣma̍ṃ | iṃdo̱iti̍ | e̱ṣāṃ | pu̱ru̱'hūta̱ | janā̍nāṃ | yaḥ
a̱smān | ā̱'di̱deśa̍ti || śa̱taṃ | na̱ḥ | iṃdo̱iti̍ | ū̱ti'bhi̍ḥ | sa̱hasra̍ṃ
vā | śucī̍nāṃ | pa̱vasva̱ | maṃha̍yat'rayiḥ

136.10

ut | te̱ | śuṣmā̍saḥ
asthu̍ḥ | rakṣa̍ḥ | bhi̱ṃdaṃta̍ḥ | adri̍'vaḥ | nu̱dasva̍ | yāḥ | pa̱ri̱'spṛdha̍ḥ
a̱yā | ni̱'jaghni̍ḥ | oja̍sā | ratha̱'saṃge̍ | dhane̍ | hi̱te | stavai̍
a̱rvibhyu̱ṣā | hṛ̱dā || a̱sya | vra̱tāni̍ | na | ā̱'dhṛṣe̍ | pa̱va̱mānasya̍
du̱ḥ'dhyā̍ | ru̱ja | yaḥ | tvā̱ | pṛ̱ta̱nyati̍ || taṃ | hi̱nva̱ṃti̱ | ma̱da̱'cyuta̍ṃ
hari̍ṃ | na̱dīṣu̍ | vā̱jina̍ṃ | iṃdu̍ṃ | iṃdrāya̍ | ma̱tsara̍ṃ

136.11

a̱sya
pra̱tnāṃ | anu̍ | dyu̱taṃ | śukra̍ṃ | du̱du̱he̱ | ahraya̍ḥ | paya̍ḥ | sa̱hasra̍'sāṃ
ṛṣi̍ṃ || a̱yaṃ | sūrya̍ḥ'iva | upa̍'dṛk | a̱yaṃ | sarā̍m̐si | dhā̱va̱ti̱ | sa̱pta
pra̱'vata̍ḥ | ā | diva̍ṃ || a̱yaṃ | viśvā̍ni | ti̱ṣṭhati̱ | pu̱nāna̍ḥ | bhuva̍nā
u̱pari̍ | soma̍ḥ | de̱vaḥ | na | sūrya̍ḥ || pari̍ | na̱ḥ | de̱va̱'vīta̍ye
vājā̍n | arṣa̍si | go̱'ma̍taḥ | pu̱nā̱naḥ | indro̍iti̍ | indra̍'yuḥ

136.12

yava̍'yavaṃ | na̱ḥ | aṃdha̍sā | pu̱ṣṭaṃ'pu̍ṣṭaṃ | pari̍ | sra̱va̱ | soma̍ | viśvā̍
ca̱ | saubha̍gā || indro̍iti̍ | yathā̍ | tava̍ | stava̍ḥ | yathā̍ | te̱ | jā̱taṃ
aṃdha̍saḥ | ni | ba̱rhiṣi̍ | pri̱ye | sa̱daḥ || u̱ta | na̱ḥ | go̱'vit
aśva̍'vit | pava̍sva | soma̍ | aṃdha̍sā | ma̱kṣu'ta̍mebhiḥ | aha̍'bhiḥ || yaḥ
ji̱nāti̍ | na | jīya̍te | haṃti̍ | śatrūm̐n | a̱bhi̱'itya̍ | saḥ | pava̍sva
sa̱ha̱sra̱'jit

136.13

pari̍ | soma̍ḥ | ṛ̱taṃ | bṛ̱hat | ā̱śuḥ | pa̱vitre̍
arṣa̍ti | vi̱'ghnan | rakṣā̍ṃsi | de̱va̱'yuḥ || yat | soma̍ḥ | vāja̍ṃ | arṣa̍ti
śa̱taṃ | dhārā̍ḥ | a̱pa̱syuva̍ḥ | iṃdra̍sya | sa̱khyaṃ | ā̱'viśan̍ || a̱bhi
tvā̱ | yoṣa̍ṇaḥ | daśa̍ | jāra̍ṃ | na | ka̱nyā̍ | anū̱ṣa̱ta̱ | mṛ̱jyase̍ | soma̍
sā̱taye̍ || tvaṃ | iṃdrā̍ya | viṣṇa̍ve | svā̱duḥ | iṃdo̱iti̍ | pari̍ | sra̱va̱
nṝn | sto̱tṝn | pā̱hi̱ | a̍ṃha̍saḥ

136.14

pra | te̱ | dhārā̍ḥ | asa̍ścataḥ
di̱vaḥ | na | ya̍ṃti̱ | vṛ̱ṣṭaya̍ḥ | accha̍ | vāja̍ṃ | sa̱ha̱sriṇa̍ṃ || a̱bhi
pri̱yāṇi̍ | kāvyā̍ | viśvā̍ | cakṣā̍ṇaḥ | arṣa̍ti | hari̍ḥ | tu̱jā̱naḥ
āyu̍dhā || saḥ | mṛ̱mṛ̱jā̱naḥ | āyu̍'bhiḥ | ibha̍ḥ | rājā̍'iva | su̱'vra̱taḥ
śye̱naḥ | na | vaṃśu̍ | sīda̍ti || saḥ | na̱ḥ | viśvā̍ | di̱vaḥ | vasu̍
u̱toiti̍ | pṛ̱thi̱vyāḥ | adhi̍ | pu̱nā̱naḥ | iṃdo̱iti̍ | ā | bha̱ra̱

Linked texts (5)