Pramāṇa · Search · About · API

Padapatha 210

Padapāṭha 210

Language
Sanskrit

210.0

cakṣu̍ṣaḥ | pi̱tā | mana̍sā
hi | dhīra̍ḥ | ghṛ̱taṃ | e̱ne̱iti̍ | aja̍nan | nama̍māne̱iti̍ | ya̱dā | it
aṃtā̍ḥ | ada̍dṛ̱haṃta̍ | pūrve̍ | āt | it | dyāvā̍pṛthi̱vīiti̍ | apra̍thetāṃ
viśva̍'karmā | vi̱'ma̍nāḥ | āt | vi̱'hā̍yāḥ | dhā̱tā | vi̱'dhā̱tā
pa̱ra̱mā | u̱ta | sa̱ṃ'dṛk | teṣā̍m | i̱ṣṭāni̍ | saṃ | i̱ṣā | mada̍ṃti | yatra̍
sa̱pta'ṛṣī̍n | pa̱raḥ | eka̍m | ā̱huḥ || yaḥ | na̱ḥ | pi̱tā | ja̱ni̱tā | yaḥ
vi̱'dhā̱tā | dhāmā̍ni | ve̱da̱ | bhuva̍nāni | viśvā̍ | yaḥ | de̱vānā̍m | nā̱ma̱'dhāḥ | eka̍ḥ | e̱va | taṃ | sa̱ṃ'pra̱śnaṃ | bhuva̍nā | ya̱ṃti̱ | a̱nyā || te | ā
ayajaṃta | dravi̍ṇaṃ | saṃ | a̱smai̱ | ṛṣa̍yaḥ | pūrve̍ | ja̱ri̱tāra̍ḥ | na | bhū̱nā
a̱sūrte̍ | sūrte̍ | raja̍si | ni̱'sa̱tte | ye | bhū̱tāni̍ | sa̱ṃ'akṛ̍ṇvan
i̱māni̍ || pa̱raḥ | di̱vā | pa̱raḥ | e̱nā | pṛ̱thi̱vyā | pa̱raḥ | de̱vebhi̍ḥ | asu̍raiḥ
yat | asti̍ | kaṃ | svi̱t | garbha̍m | pra̱tha̱maṃ | da̱dhre̱ | āpa̍ḥ | yatra̍
de̱vāḥ | sa̱ṃ'apa̍śyaṃta | viśve̍ || taṃ | it

210.17

sa̱ṃ'aga̍cchaṃta
viśve̍ | a̱jasya̍ | nābhau̍ | adhi̍ | eka̍m | arpi̍taṃ | yasmi̍n | viśvā̍ni
bhuva̍nāni | ta̱sthuḥ || na | taṃ | vi̱dā̱tha̱ | yaḥ | i̱mā | ja̱jāna̍ | a̱nyat
yu̱ṣmāka̍m | aṃta̍raṃ | ba̱bhū̱va̱ | nī̱hā̱reṇa̍ | prā̱vṛ̱tāḥ | jalpyā̍ | ca̱ | a̱su̱'tṛpa̍ḥ | u̱ktha̱'śāsa̍ḥ | ca̱ra̱ṃti̱

210.18

yaḥ | te̱ | ma̱nyo̱iti̍ | avi̍dhat
vajra̍ | sā̱ya̱ka̱ | sa̱ha̍ḥ | oja̍ḥ | puṣya̍ti | viśva̍m | ā̱nu̱ṣak | sa̱hyāma̍
dāsa̍ṃ | ārya̍m | tvayā̍ | yu̱jā | saha̍ḥ'kṛtena | saha̍sā | saha̍svatā
ma̱nyuḥ | iṃdra̍ḥ | ma̱nyuḥ | e̱va | ā̱sa̱ | de̱vaḥ | ma̱nyuḥ | hotā̍ | varu̍ṇaḥ
jā̱ta've̍dāḥ | ma̱nyuṃ | viśa̍ḥ | ī̱ḷa̱te̱ | mānu̍ṣīḥ | yāḥ | pā̱hi | na̱ḥ
ma̱nyo̱iti̍ | tapa̍sā | sa̱'joṣā̍ḥ || a̱bhi | i̱hi̱ | ma̱nyo̱iti̍ | ta̱vasa̍ḥ
tavī̍yān | tapa̍sā | yu̱jā | vi | ja̱hi̱ | śatrū̍n | a̱mi̱tra̱'hā | vṛ̱tra̱'hā
da̱syu̱'hā | ca̱ | viśvā̍ | vasū̍ni | ā | bha̱ra̱ | tvaṃ | na̱ḥ || tvaṃ | hi
ma̱nyo̱iti̍ | a̱bhi̱bhūti̍'ojāḥ | sva̱yaṃ'bhūḥ | bhāma̍ḥ | a̱bhi̱mā̱ti̱'saha̍ḥ
viśva̍'carṣaṇiḥ | sahu̍riḥ | sa̱hāvā̍n | a̱smāsu̍ | oja̍ḥ | pṛ̱ta̍nāsu
dhe̱hi̱ || a̱bhā̱gaḥ | san | apa̍ | parā̍'itaḥ | a̱smi̱ | tava̍ | kratvā̍
ta̱vi̱ṣya̍m | pra̱ce̱ta̱riti̍pra'cetaḥ | taṃ | tvā̱ | ma̱nyo̱iti̍ | a̱kratuḥ
ji̱hī̱ḷa̱ | a̱haṃ | svā | ta̱nūḥ | ba̱la̱'deyā̍ya | mā | ā | i̱hi̱
a̱yaṃ | te̱ | a̱smi̱ | upa̍ | mā̱ | ā | i̱hi̱ | a̱rvāṅ | pra̱tī̱cīna̍ḥ
sa̱hu̱re̱ | vi̱śva'dhāyaḥ | ma̱nyo̱iti̍ | va̱jri̱n | a̱bhi | māṃ | ā
va̱vṛ̱tsva̱ | hanā̍va | dasyū̍ṃn | u̱ta | bo̱dhi̱ | ā̱peḥ || a̱bhi
pra | i̱hi̱ | da̱kṣi̱ṇa̱taḥ | bha̱va̱ | me̱ | adha̍ | vṛ̱trāṇi̍ | ja̱ṃgha̱nāva̱
bhūri̍ | ju̱homi̍ | te̱ | dha̱ruṇa̍ṃ | madhva̍ḥ | agre̍ | u̱bhau | u̱pa̱'a̱ṃśu | pra̱tha̱mā
pi̱bā̱va̱

Linked texts (3)