Pramāṇa · Search · About · API

Padapatha 24

Padapāṭha 24

Language
Sanskrit

24.0

prati̍ | na̱ḥ | stoma̍m | tvaṣṭā̍ | ju̱ṣe̱ta̱
syāt | a̱sme'iti̍ | a̱rama̍tiḥ | vasu̍'yuḥ | tā | na̱ḥ | rā̱san
rā̱ti̱'sāca̍ḥ | vasū̍ni

24.0-2

varū̍trībhiḥ | su̱'śara̍ṇaḥ | na̱ḥ | a̱stu̱
tvaṣṭā̍ | su̱'datra̍ḥ | vi | da̱dhā̱tu̱ | rāya̍ḥ | tat | na̱ḥ | rā̱yaḥ | parva̍tāḥ
tat | na̱ḥ | āpa̍ḥ | tat | rā̱ti̱'sāca̍ḥ | oṣa̍dhīḥ | u̱ta | dyauḥ | vana̱spati̍'bhiḥ | pṛ̱thi̱vī | sa̱'joṣā̍ḥ | u̱bhe'iti̍ | roda̍sī̱iti̍ | pari̍ | pā̱sa̱ta̱ḥ
na̱ḥ | anu̍ | tat | u̱rvī'iti̍ | roda̍sī̱iti̍ | ji̱hī̱tāṃ | anu̍ | dyu̱kṣaḥ
varu̍ṇaḥ | iṃdra̍'sakhā | anu̍ | viśve̍ | ma̱ruta̍ḥ | ye | sa̱hāsa̍ḥ | rā̱yaḥ
syā̱m | dha̱ruṇa̍ṃ | dhi̱yadhyai̍ | tat | na̱ḥ | iṃdra̍ḥ | varu̍ṇaḥ | mi̱traḥ
a̱gniḥ | āpa̍ḥ | oṣa̍dhīḥ | va̱nina̍ḥ | ju̱ṣa̱ṃta̱ | śarma̍n | syā̱m
ma̱rutā̍ṃ | u̱pa̱sthe

24.28

27 || śaṃ | na̱ḥ | iṃdrā̱gnī'iti̍ | bha̱va̱tā̱ṃ
ava̍'bhiḥ | śaṃ | na̱ḥ | iṃdrā̱varu̍ṇā | rā̱ta'ha̍vyā | śaṃ | iṃdrā̱somā̍
su̱vitāya̍ | śaṃ | yaḥ | śaṃ | na̱ḥ | iṃdrā̍pū̱ṣaṇā̍ | vāje̍'sātau | śaṃ
na̱ḥ | bhaga̍ḥ | śaṃ | ū̱m̐ iti̍ | na̱ḥ | śaṃsa̍ḥ | a̱stu̱ | śaṃ | na̱ḥ | pura̍ṃ'dhiḥ
śaṃ | ū̱m̐ iti̍ | sa̱ṃtu̱ | rā̱ye | śaṃ | na̱ḥ | sa̱tyasya̍ | su̱'yama̍sya | śaṃsa̍ḥ
śaṃ | na̱ḥ | a̱rya̱mā | pu̱ru̱'jā̱taḥ | a̱stu̱ | śaṃ | na̱ḥ | dhā̱tā | śaṃ
ū̱m̐ iti̍ | dha̱rtā | na̱ḥ | a̱stu̱ | śaṃ | na̱ḥ | u̱rū̱cī | bha̱va̱tu̱ | sva̱dhābhi̍ḥ
śaṃ | roda̍sī̱ iti̍ | bṛ̱ha̱tī̱ iti̍ | śaṃ | na̱ḥ | adri̍ḥ | śaṃ | na̱ḥ | de̱vānā̍m
su̱'havā̍ni | sa̱ṃtu̱ | śaṃ | na̱ḥ | a̱gniḥ | jyoti̍ḥ'anīkaḥ | a̱stu̱ | śaṃ
na̱ḥ | mi̱trāvaru̍ṇau | a̱śvinā̍ | śaṃ | śaṃ | na̱ḥ | su̱'kṛ̱tau | su̱'kṛ̱tāni̍ | sa̱ṃtu̱
śaṃ | na̱ḥ | i̱ṣi̱raḥ | a̱bhi | vā̱tu̱ | vāta̍ḥ | śaṃ | na̱ḥ | dyāvā̍pṛthi̱vī̱ iti̍
pūrva̍'hūtau | śaṃ | a̱ṃtari̍kṣaṃ | dṛ̱śaye̍ | na̱ḥ | a̱stu̱ | śaṃ | na̱ḥ | oṣa̍dhīḥ
va̱nina̍ḥ | bha̱va̱ṃtu̱ | śaṃ | na̱ḥ | raja̍saḥ | pati̍ḥ | a̱stu̱ | ji̱ṣṇuḥ

24.29

śaṃ | na̱ḥ | iṃdra̍ḥ | vasu̍'bhiḥ | de̱vaḥ | a̱stu̱ | śaṃ | ā̱di̱tyebhi̍ḥ
varu̍ṇaḥ | su̱'śaṃsa̍ḥ | śaṃ | na̱ḥ | ru̱draḥ | ru̱drebhi̍ḥ | jalā̍ṣaḥ | śaṃ | na̱ḥ
tvaṣṭā̍ | gnābhi̍ḥ | i̱ha | śṛ̱ṇo̱tu̱ | śaṃ | na̱ḥ | soma̍ḥ | bha̱va̱tu̱ | brahma̍
śaṃ | na̱ḥ | śaṃ | na̱ḥ | grāvā̍ṇaḥ | śaṃ | ū̱m̐ iti̍ | sa̱ṃtu̱ | ya̱jñāḥ | śaṃ | na̱ḥ
sva̱rūṇā̍m | mi̱taya̍ḥ | bha̱va̱ṃtu̱ | śaṃ | na̱ḥ | pra̱'sva̍ḥ | śaṃ | ū̱m̐ iti̍ | a̱stu̱
vedi̍ḥ | śaṃ | na̱ḥ | sūrya̍ḥ | u̱ru̱'cakṣā̍ḥ | ut | e̱tu̱ | śaṃ | na̱ḥ | cata̍sraḥ
pra̱'diśa̍ḥ | bha̱va̱ṃtu̱ | śaṃ | na̱ḥ | parva̍tāḥ | dhru̱vaya̍ḥ | bha̱va̱ṃtu̱ | śaṃ | na̱ḥ
siṃdha̍vaḥ | śaṃ | ū̱m̐ iti̍ | sa̱ṃtu̱ | āpa̍ḥ | śaṃ | na̱ḥ | adi̍tiḥ | bha̱va̱tu̱
vra̱tebhi̍ḥ | śaṃ | na̱ḥ | bha̱va̱ṃtu̱ | ma̱ruta̍ḥ | su̱'a̱rkāḥ | śaṃ | na̱ḥ | viṣṇu̍ḥ
śaṃ | ū̱m̐ iti̍ | pū̱ṣā | na̱ḥ | a̱stu̱ | śaṃ | na̱ḥ | bha̱vitra̍ṃ | śaṃ | ū̱m̐ iti̍
a̱stu̱ | vā̱yuḥ | śaṃ | na̱ḥ | de̱vaḥ | sa̱vi̱tā | trā̱ya̍māṇaḥ | śaṃ | na̱ḥ
bha̱va̱ṃtu̱ | u̱ṣasa̍ḥ | vi̱'bhātī̍ḥ | śaṃ | na̱ḥ | pa̱rjanya̍ḥ | bha̱va̱tu̱ | pra̱'jābhya̍ḥ
śaṃ | na̱ḥ | kṣetra̍sya | pati̍ḥ | a̱stu̱ | śaṃ'bhuḥ

Linked texts (3)