Pramāṇa · Search · About · API

Padapatha 267

Padapāṭha 267

Language
Sanskrit

Contents

267.0

pra | a̱gnaye̍
vāca̍m | īra̱ya̱ | vṛ̱ṣa̱bhāya̍ | kṣi̱tī̱nām | saḥ | na̱ḥ | parṣa̱t | ati̍
dviṣa̍ḥ || yaḥ | pa̱ra̱syāḥ | pa̱rā'va̍taḥ | ti̱raḥ | dhanva̍ | ati̍'roca̍te

267.0-2

yaḥ | rakṣā̍m̐si | ni̱'jūrvaiti | vṛṣā̍ | śu̱kreṇa̍ | śo̱ciṣā̍

267.0-3

yaḥ
a̱sya̱ | pā̱re | raja̍saḥ | śu̱kraḥ | a̱gniḥ | ajā̍yata

267.0-4

45 || pra | nū̱naṃ
jā̱ta've̍dasaṃ | aśva̍ṃ | hi̱no̱ta̱ | vā̱jina̍m

267.46

a̱sya | pra | jā̱ta've̍dasaḥ | vipra̍'vīrasya | mī̱ḷhuṣa̍ḥ | ma̱hīṃ | i̱ya̱rmi̱ | su̱'stu̱tiṃ || yāḥ
ruca̍ḥ | jā̱ta've̍dasaḥ | de̱va̱'trā | ha̱vya̱'vāha̍nīḥ | tābhi̍ḥ | na̱ḥ | ya̱jñaṃ
i̱nva̱tu̱

267.47

ā | a̱yaṃ | gauḥ | pṛśni̍ḥ | a̱kra̱mī̱t | asa̍dat
mā̱tara̍m | pu̱raḥ | pi̱tara̍m | ca̱ | pra̱'yan | sva̍ḥriti̱sva̍ḥ || a̱ṃtariti̍
ca̱ra̱ti̱ | ro̱ca̱nā | a̱sya̱ | prā̱ṇāt | a̱pa'a̍natī | vi | a̱khya̱t
ma̱hi̱ṣaḥ | diva̍m | tri̱ṃśat | dhāma̍ | vi | rā̱ja̱ti̱ | vāk | pa̱ta̱ṃgāya̍
dhī̱ya̱te̱ | prati̍ | vasto̍ḥ | aha̍ | dyu'bhi̍ḥ

267.48

ṛ̱taṃ ca̍ sa̱tyaṃ cā̱bhī̍ddhā̱ttapa̱so'dhya̍jāyata || tato̱ rātrya̍jāyata̱ tata̍ḥ samu̱dro a̍rṇa̱vaḥ || sa̱mu̱drāda̍rṇa̱vādadhi̍ saṃvatsa̱ro a̍jāyata | a̱ho̱rā̱trāṇi̍ vi̱dadha̱dviśva̍sya miṣa̱to va̱śī
sūryā̍ca̱ṃdramabhau̍ dhā̱tā ya̍thāpū̱rvama̍kalpayat || diva̍ṃ ca pṛthi̱vīṃ cā̱ṃtari̍kṣamatho̱ sva̍ḥ

267.49

saṃ'sai̍ | it | yu̱va̱se̱ | vṛṣa̱n | agne̍ | viśvā̍ni | a̱ryaḥ
ā | i̱ḷaḥ | pa̱de | saṃ | i̱dhya̱se̱ | saḥ | na̱ḥ | vasūni | ā
bhara̍ || saṃ | ga̱ccha̱dhva̱m | saṃ | va̱da̱dhva̱m | saṃ | va̱ḥ | manā̍m̐si | jā̱na̱tā̱m
de̱vāḥ | bhā̱gaṃ | yathā̍ | pūrve̍ | sa̱ṃ'jā̱nā̱nāḥ | upā'āsa̍te || sa̱mā̱naḥ
maṃtra̍ḥ | saṃ'i̍tiḥ | sa̱mā̱nī | sa̱mā̱naṃ | mana̍ḥ | sa̱ha | ci̱ttaṃ | e̱ṣāṃ
sa̱mā̱naṃ | maṃtra̍m | a̱bhi | ma̱ṃtraye̱ | va̱ḥ | sa̱mā̱nena̍ | va̱ḥ | ha̱viṣā̍
ju̱ho̱mi̱ || sa̱mā̱nī | va̱ḥ | ā'kū̍tiḥ | sa̱mā̱nā | hṛda̍yāni | va̱ḥ
sa̱mā̱naṃ | a̱stu̱ | va̱ḥ | mana̍ḥ | yathā̍ | va̱ḥ | su̱'sa̍ha | asa̍ti

267.49.p1

iti aṣṭamāṣṭake aṣṭamo'dhyāyaḥ || 8

Linked texts (4)