Padapatha 82

Padapāṭha 82

Language: Sanskrit

82.0

ā | gha̱ | ye | a̱gniṃ | iṃndha̍te | stṛ̱ṇanti̍
ba̱rhiḥ | ā̱nu̱ṣak | yeṣā̍ṃ | iṃdra̍: | yu̱vā | sakhā̍ || bṛ̱han | it | i̱dhmaḥ
e̱ṣā̱ṃ | bhūri̍ | śa̱staṃ | pṛ̱thuḥ | svaru̍:

82.0-2

ā | bu̱ddhaṃ | vṛ̱tra̱'hā
da̱de̱ | jā̱taḥ | pṛ̱ccha̱t | vi | mā̱tara̍ṃ | ke | u̱grāḥ | ke | ha̱
śṛ̱ṇvi̱re || prati̍ | tvā̱ | śavasī | va̱da̱t | girau̍ | a̱psaḥ | na
yodhi̍ṣat | yaḥ | te̱ | śatru̱'tvaṃ | ā̱'cake̍

82.43

uta | tvaṃ | ma̱gha̱va̱n | śṛ̱ṇu̱ | yaḥ | te̱ | vaṣṭi̍ | vava̍kṣe | tat | yat | vī̱ḷayā̍si | vī̱ḷu
tat || yat | ā̱jiṃ | yāti̍ | ā̱ji̱'kṛt | iṃdra̍: | svaśva̱'yuḥ | upa̍
ra̱thi'ta̍maḥ | ra̱thinā̍ṃ || vi | su | viśvā̍: | a̱bhi̱'yuja̍: | va̱jri̱n
vi̱ṣvak | ya̱thā̍ | vṛ̱ha̱ | bharva̍ | na̱: | su̱śrava̍:'tamaḥ || a̱smāka̍ṃ | su
rathe̍ | pu̱raḥ | iṃdra̍: | kṛ̱ṇo̱tu̱ | sā̱taye̍ | na | yaṃ dhūrva̍ti | dhūrttaya̍:
vṛ̱jyā̍ma | te̱ | pari̍ | dviṣa̍: | ara̍ṃ | te̱ | śa̱kra̱ | dā̱vane̍ | ga̱mema̍
it | iṃdra̱ | go'ma̍taḥ

82.44

śa̱naiḥ | ci̱t | yaṃta̍: | adri̍'vaḥ
aśva̍'vaṃtaḥ | śa̱ta'gnine̍ | vi̱ba̱kṣaṇā̍: | anehasa̍: || ū̱rdhvā | hi
te̱ | di̱ve'di̍ve | sa̱hasrā̍ | sū̱nṛtā̍ | śa̱tā || ja̱ritṛ̱'bhya̍: | vi̱'maṃha̍te
vi̱dma | hi | tvā̱ | dha̱na̱ṃ'jaya̍ṃ | iṃdra̍ | dṛ̱ḷhā | ci̱t | ā̱'ruja̍ṃ | ā̱'dā̱riṇa̍ṃ | yatho̍ | gayai̍ || ka̱kuha̍ṃ | ci̱t | tvā̱ | ka̱ve̱ | ma̱ṃdaṃtu̍ | dhṛ̱ṣṇo̱iti̍
iṃda̍vaḥ | ā | tvā̱ | pa̱ṇiṃ | yat | īma̍he || yaḥ | te̱ | re̱vān
adā̍śuriḥ | pra̱'ma̱ma̱rṣa̍ | ma̱ghatta̍ye | tasya̍ | na̱: | ve̱da̍: | ā | bha̱ra̱

82.45

i̱me | ūm̐iti̍ | tvā̱ | vi | ca̱kṣa̱te̱ | sakhā̍yaḥ | iṃdra̍ | so̱mina̍ḥ
pu̱ṣṭa'va̍ntaḥ | yathā̍ | pa̱śuṃ || u̱ta | tvā̱ | a̱va̱dhira̍ṃ | va̱yaṃ | śru̱t'ka̍rṇaṃ
saṃta̍ṃ | ū̱taye̍ | du̱rāt | i̱ha | ha̱vā̱ma̱he̱ || yat | śu̱śruyā̍ḥ | i̱maṃ
hava̍ṃ | du̱ḥ'marṣa̍ | ca̱kriyā̍ḥ | u̱ta | bha̱veḥ | ā̱piḥ | na̱ḥ | aṃta̍maḥ || yat
cit | hi | te̱ | api̍ | vyathi̍ḥ | ja̱gmu̱vāṃsa̍ḥ | ama̍nmahi | go̱'dāḥ
it | iṃdra̍ | bo̱dhi̱ | na̱ḥ || ā | tvā̱ | rabha̍ṃ | na | ji̱rbhaya̍ḥ | ra̱ra̱bhma
śava̍saḥ | pa̱te̱ | u̱śmasi̍ | tvā̱ | sa̱dha'sthe̍ | ā

82.46

stotra̍ṃ
iṃdrā̍ya | gā̱ya̱ta̱ | pu̱ru̱'nṛ̱mṇāya̍ | sa̱ttvane̍ | naki̍ḥ | yaṃ | vṛ̱ṇva̱te
yu̱dhi || a̱bhi | tvā̱ | vṛ̱ṣa̱bha̱ | su̱te | su̱taṃ | sṛ̱jā̱mi̱ | pī̱taye̍ | tṛ̱paṃ
vi | a̱śnu̱hi̱ | madai̍ || mā | tvā̱ | mu̱rāḥ | a̱vi̱ṣyava̍ḥ | mā | upa̍'hasvā̍naḥ | ā | da̱bha̱n | mākī̍ṃ | bra̱hma̱'dviṣa̍ḥ | vana̍ḥ || i̱ha | tvā̱ | go̱'parī̍ṇasā | ma̱he | maṃda̍ṃtu | rādha̍se | sara̍ḥ | gaura̍ḥ | yathā̍ | piba̍ || yā
vṛ̱tra̱'hā | pa̱rā̱'vati̍ | sa̱rnā | navā̍ | ca̱ | cu̱cyu̱ve | tāḥ | sa̱ṃsat'su̍
pra | vo̱ca̱ta̱

Linked texts (3)

Śākala — Sanskrit
Ṛgvedasaṃhitāpadapāṭha — Sanskrit
Saṃhitāpadapāṭha — Sanskrit