Padapatha 93
Padapāṭha 93
- Language
- Sanskrit
93.0
ā | na̱ḥ | a̱gne̱ | va̱ya̱ḥ'vṛdha̍ṃ | ra̱yiṃ | pā̱va̱ka̱ | śa̱ṃsya̍ṃ
rāsva̍ | ca̱ | na̱ḥ | u̱pa̱'māte̍ | pu̱ru̱'spṛha̍ṃ | su̱'nī̱tī | svarya̍śaḥ'taraṃ
yene̍ | vaṃsā̍ma pṛ̱tanā̍su | śardha̍taḥ | tara̍ṃtaḥ | a̱ryaḥ | ā̱'diśa̍: | saḥ
tvaṃ | na̱ḥ | vṛ̱dhe | pra̱ya̍sā | śa̱cī̱va̱so̱ iti̍ śacī'vaso | jinva̍ | dhiya̍:
va̱su̱'vidḥ || śiśā̍naḥ | vṛ̱ṣabha̍: | yathā̍ | a̱gniḥ | śṛṃge̱ iti̍ | davi̍dhvataḥ
ti̱gmāḥ | a̱sya̱ | hana̍vaḥ | na | prati̍'dhṛṣe̍ | su̱'jaṃbha̍: | saha̍saḥ | ya̱huḥ
na̱hi | te̱ | a̱gne̱ | vṛ̱ṣabha̱ | prati̍'dhṛṣe̍ | jaṃbhā̍saḥ | yat | vi̱'tiṣṭha̍se
93.34
hota̱riti̍ | su̱'huta̍ṃ | ha̱viḥ | kṛ̱dhi | vaṃsva̍ | na̱ḥ
vāryā̍ | pu̱ru || sedhe̍ | vane̍ṣu | mā̱troḥ | saṃ | tvā̱ | marcā̍saḥ | i̱ṃdhate̍
ata̍ndraḥ | ha̱vyā | va̱ha̱si̱ | ha̱vi̱ḥ'kṛta̍: | āt | it | de̱veṣu̍
rā̱ja̱si̱
93.35
sa̱pta | hotā̍raḥ | taṃ | it | ī̱ḷa̱te̱ | tvā̱ | a̱gne̱
su̱'tyaje̍ | ahra̍yaṃ || bhi̱natsi̍ | adri̍ṃ | tapa̍sā | vi | śo̱ciṣā̍ | pra
a̱gne̱ | ti̱ṣṭha̱ | janā̍n | ati̍ || a̱gniṃ'a̱gniṃ | va̱ḥ | a̱gniṃ'gu̍ṃ | hu̱vema̱
vṛkta'ba̍rhiṣaḥ || a̱gniṃ | hi̱ta'pra̍yasaḥ | śaśva̍tīṣu | ā | hotā̍raṃ
carṣa̍ṇīnāṃ || ke̱tena̍ | śarma̍n | saca̍te | su̱'sāma̍ni | agne̍ | tubhya̍ṃ
ci̱kittvanā̍ || i̱ṣaṇyayā̍ | na̱ḥ | pu̱ru̱'rū̱paṃ | ā | bha̱ra̱ | vāja̍ṃ | nedi̍ṣṭhaṃ
ū̱taye̍ || agne̍ | jari̱taḥ | vi̱śpate̍ | ta̱pā̱naḥ | de̱va̱ | rakṣasa̍ḥ
apre̍ṣidvān | gṛ̱ha'pa̍tiḥ | ma̱hān | a̱si̱ | di̱vaḥ | pā̱yuḥ | du̱ro̱ṇa̱'yuḥ
mā | na̱ḥ | rakṣa̍ḥ | ā | ve̱śī̱t | ā̱ghṛ̱ṇi̱va̱so̱ ityā̍ghṛṇi'vaso | mā
yā̱tuḥ | yā̱tu̱'māva̍tāṃ || para̍ḥ'gavyūti | ani̍rāṃ | apa̍ | kṣudha̍ṃ | agne̍
sedha̍ | ra̱kṣasvina̍ḥ
93.36
u̱bhaya̍ṃ | śṛ̱ṇava̍t | ca̱ | na̱ḥ | iṃdra̍ḥ | a̱rvāk
i̱daṃ | varca̍ḥ | sa̱trācyā̍ | ma̱ghava̍ā | soma̍'pītaye | dhi̱yā | śavi̍ṣṭhaḥ
ā | ga̱ma̱t || taṃ | hi | sva̱'rāja̍ṃ | vṛṣa̍bhaṃ | taṃ | oja̍se | dhiṣaṇe̱iti̍
ni̱ḥ'ta̱ta̱kṣatu̍ḥ | u̱ta | u̱pa̱'mānā̍ṃ | pra̱tha̱maḥ | ni | sī̱da̱si̱ | soma̍'kāmaṃ | hi | te̱ | mana̍ḥ || ā | vṛ̱ṣa̱sva̱ | pu̱ru̱vaso̱ iti̍ puru'vaso
su̱tasya̍ | iṃdra̱ | aṃdha̍saḥ | vi̱dma | hi | tvā̱ | ha̱ri̱'va̱ḥ | pṛtṛ̱'su̱
sa̱sa̱hiṃ | adhṛ̍ṣṭaṃ | ci̱t | da̱dhṛ̱ṣvāṇi̍ṃ || apra̍āmi'satya | ma̱gha̱'va̱n
tathā̍ | it | a̱sa̱t | iṃdra̍ | kratvā̍ | yathā̍ | vaśa̍ḥ | sa̱nema̍ | vāja̍ṃ
tarva̍ | śi̱pri̱n | ava̍sā | ma̱kṣu | ci̱t | yaṃta̍ḥ | adri̍'vaḥ || śagdhi̍
ū̱nnaiti̍ | su̱ | śa̱cī̱'pa̱te̱ | iṃdra̍ | viśvā̍bhiḥ | ū̱ti'bhi̍ḥ | bhaga̍ṃ | na | hi
tvā̱ | ya̱śasa̍ṃ | va̱su̱'vida̍ṃ | anu̍ | śū̱ra̱ | carā̍masi
93.37
pau̱raḥ
aśva̍sya | pu̱ru̱'kṛ̱t | gavā̍ṃ | a̱si̱ | utsa̍ḥ | de̱va̱ | hira̱ṇyaya̍ḥ
naki̍ḥ | hi | dā̱naṃ | pa̱ri̱'marṣi̍ṣat | tve̱iti̍ | yat'ya̍t | yāmi̍
tat | ā | bha̱ra̱ || tvaṃ | hi | ā | i̱hi | cera̍ve | vi̱dāḥ | bhaga̍ṃ
vasu̍ttaye | ut | va̱vṛ̱ṣa̱sva̱ | ma̱ghava̍n | go'īṣṭaye | ut | iṃdra̱
aśva̍'iṣṭaye || tvaṃ | pu̱ru | sa̱hasrā̍ṇi | śa̱tāni̍ | ca̱ | yūthā̍ | dā̱nāya̍
maṃha̍se | ā | pu̱ra̱ṃ'dara̍ṃ | ca̱kṛ̱ma̱ | vipra̍'vacasaḥ | iṃdra̍ṃ | gāyaṃta̍ḥ
ava̍se || avi̱praḥ | vā̱ | yat | a̱vi̱dha̱t | vipra̍ḥ | vā̱ | iṃdra̱ | te̱
vaca̍ḥ | saḥ | pra | ma̱ma̱ṃda̱t | tvā̱'yā | śa̱ta̱kra̱to̱ iti̍ śata'krato
prācā̍manya̱oiti̍prācā̍'manyaḥ | aha̍'sana || u̱gra'vā̍huḥ | ṛ̱kṣa'kṛ̱tvā̍
pu̱ra̱ṃ'da̱raḥ | yadi̍ | me̱ | śṛ̱ṇava̍t | hava̍m | vasu̍'yavaḥ | vasu̍'patim
śa̱ta'kra̍tum | stomai̍ḥ | iṃdra̍m | ha̱vā̱ma̱he
93.38
na | pā̱pāsa̍ḥ | ma̱nāma̱he
na | arā̍yāsaḥ | na | ja̱lhava̍ḥ | yat | it | nu | iṃdra̍ | vṛṣa̍ṇaṃ
sacā̍ | su̱te | sakhā̍yaṃ | kṛ̱ṇavā̍mahai || u̱graṃ | yu̱yu̱jma̱ | pṛta̍nāsu
sa̱sa̱hiṃ | ṛ̱ṇa'ka̍tiṃ | adā̍bhyaṃ | ve̱daṃ | bhūma̍ | cit | sa̱ni̱tā
ra̱thi'ta̍maḥ | vā̱jina̍ṃ | yaṃ | it | ū̱iti̍ | naśa̍t || yata̍ḥ | iṃdra̍
bhayā̍mahe | tata̍ḥ | na̱ḥ | abha̍yaṃ | kṛ̱dhi̱ | ma̱ghava̍n | śa̱gdhi̱ | tava̍
tat | na̱ḥ | ū̱ti'bhi̍ḥ | vi | dviṣa̍ḥ | vi | mṛdha̍ḥ | ja̱hi || tvaṃ | hi
rā̱dha̱ḥ'pa̱te̱ | rādha̍saḥ | ma̱haḥ | kṣaya̍sya | asi̍ | vi̱dha̱taḥ | taṃ | tvā̱
va̱yaṃ | ma̱ghava̍n | iṃdra̍ | gi̱rva̱ṇa̱ḥ | su̱ta'va̍ntaḥ | ha̱vā̱ma̱he || iṃdra̍ḥ
spṛ̱ṭ | uta | vṛ̱tra̱'hā | pa̱ra̱ḥ'pāḥ | na̱ḥ | vare̍ṇyaḥ | saḥ | na̱ḥ
rakṣiṣat | ca̱ra̱maṃ | saḥ | ma̱dhya̱maṃ | saḥ | pa̱ścāt | pā̱tu̱ | na̱ḥ
pu̱raḥ
93.39
tvaṃ | na̱ḥ | pa̱ścāt | adha̱rāt | u̱tta̱rāt | pu̱raḥ | iṃdra̍
ni | pā̱hi̱ | vi̱śvata̍ḥ | ā̱re | a̱smat | kṛ̱ṇu̱hi̱ | daivya̍ṃ | bha̱yaṃ | ā̱re
he̱tīḥ | ade̍vīḥ || adya̍'adya | śva̱ḥ'śvaḥ | iṃdra̍ | trāsva̍ | pu̱re | ca̱
na̱ḥ || viśvā̍ | ca̱ | na̱ḥ | ja̱ri̱tṝn | sa̱t'pa̱te̱ | ahā̍ | di̱vā̍ | nakta̍ṃ
ca̱ | rakṣiṣaḥ || pra̱'bha̱ṃgī | śūra̍ḥ | ma̱ghava̍ā | tu̱vi̱'ma̱ghaḥ | sa̱ṃ'miśla̍ḥ
vī̱ryā̍ya | kaṃ || u̱bhā | te̱ | bā̱hūiti̍ | vṛṣa̍ṇā | śa̱ta̱kra̱to̱iti̍śata'krato | ni | yā | vajra̍ṃ | mi̱mikṣa̍tuḥ
Linked texts (3)
- Śākala — Sanskrit
- Saṃhitāpadapāṭha — Sanskrit
- Ṛgvedasaṃhitāpadapāṭha — Sanskrit