Samavedimantra 24: atha tṛtīyo'dhyāyaḥ
Sāmavedīmantra 24
- Language
- Sanskrit
atha tṛtīyo'dhyāyaḥ
24.1
233 abhi tvā śūra nonumo'dugdhā iva dhenavaḥ | īśānamasya jagataḥ svarhaśamīśānamindra tasthuṣaḥ
24.2
234 tvāmiddhi havāmahe sātau vājasya kāravaḥ | tvāṃ vṛtreṣvindra satpatiṃ narastvāṃ kāṣṭhāsvarvataḥ
24.3
235 abhi pra vaḥ surādhasamindramarca yathā vide | yo jaritṛbhyo maghavā puruvasuḥ sahasreṇeva śikṣati
24.4
236 ne vo dasmamṛtīṣahaṃ vasomandānamandhasaḥ | abhi vatsaṃ na svasareṣu dhenava indraṃ gīrbhirnavāmahe
24.5
237 tarobhirvo vidadvasumindraṃ1sabādha ūtaye | bṛhadgāyantaḥ sutasome adhvare huve bharaṃ na kāriṇam
24.6
238 taraṇirviśvapāyati vājaṃ purandhyā yujā | ā va indraṃ puruhūtaṃ name girā nemiṃ taṣṭeva sudruvam
24.8
239 pibā sutasya rasino matsvā na indra gomataḥ| āpino bodhi sadhamādye vṛdhe'smām̐2avantu te dhiyaḥ 7
240 tvaṃ2hohi cerave vidā bhagaṃ vasuttaye | udvāvṛṣasva maghavan gaviṣṭaya udindrāśvamiṣṭaye
24.9
241 na hi vaścaramaṃ ca na vasiṣṭhaḥ parimaṃ1sate | asmākamadya marutaḥ sute sacā viśve pibantu kāminaḥ
Linked texts (4)
- Sāmavedasaṃhitā (ed. Theodor Benfey) — Sanskrit
- Ārṣika — Sanskrit
- Āgneyagāna — Sanskrit
- Pūrvārcika — Sanskrit