Samavedimantra 27

Sāmavedīmantra 27

273 yo rājā̍ carṣaṇī̱nāṃ yā̱tā rathe̍bhiradhri̱guḥ | viśvā̍sāṃ tava̍tā pṛ̱tanā̍nāṃ jye̱ṣṭhaṃ yo vṛ̍tra̱hā gṛ̱ṇe

274 yata̱ indra̱ bhayā̍mahe̱ tato̍ no̱ abha̍yaṃ kṛdhi | magha̍vañcha̱gdhi tava̍ tanna ū̱taye̱ vi dviṣo̱ vi mṛdho̍ jahi

275 vāsto̍ṣpate̱ dhru̱vā sthūṇā̍ 1satraṃ 1 somyānā̍m | dra̱psaḥ pu̱rāṃ bhe̱ttā śaśva̍tīnā̱mindro̍ munīnā̱ sakhā̍

276 baṇma̱hām̐ 2 a̍si sūrya̱ baḍā̍ditya ma̱hām̐ 2a̍si | maha̍ste sa̱to mahi̱mā pa̍niṣṭama ma̱hā de̱va ma̱hām̐ 2 asi̍

277 aśvī̱ rathī̍ surūpa̱ idgomāṃ 2a̱nvindra̍ te̱ sakhā̍ | śvā̱trā̱bhājā̱ vaya̍sā̱ saca̍te̱ sadā̍ ca̱ndrairyā̍ti sa̱bhāmupe̍

278 yaddyāva̍ indra te śa̱taṃ 2 śa̱taṃ bhūmī̍ru̱ta syuḥ | na tvā̍ vajrintsaha̱sraṃ 2sūryā̍ anu̱ na jā̱tamaṣṭa̱ roda̍sī

279 yadi̍ndra̱ prāgapā̍guda̱ṅnya̍gvā̱ hūyase̍ nṛbhi̍ḥ| simā̍ pu̱rū nṛ̱ṣūto̍ asyā̱nave̍'si̱ praśa̍rdha tu̱rvaśe̍

280 kasta̱mindrā̱ tvā vasa̍vā̱ martyo̍ dadharṣati | śraddhā hi te̍ maghavanpārye̍ di̱vi vājī̍ vā̱jaṃ 2 sipāsati

281 indrā̍gnī apādi̱gaṃ pūrvā̱gātpa̱dvatī̍bhyaḥ | hi̱tvā śiro̍ ji̱hvayā̍ rāra̱pacca̍ratriṃ 2śatapa̱dā nya̍kramīt

282 indra̱ nedī̍ya̱ edi̍hi mi̱tame̍dhābhirū̱tibhi̍ḥ | ā śaṃta̍ma śaṃta̍mābhi̱rabhi̍ṣṭibhirā svāpe̍ svā̱pibhi̍ḥ

Linked texts (7)