Samavedimantra 29
Sāmavedīmantra 29
- Language
- Sanskrit
29.1
293 i̱ma indrā̍ya su̱nvire̱ somā̍so̱ dadhyā̍śiraḥ | tām̐2ā madā̍ya vajrahasta pī̱taye̱ haryaśvā̍ yā̱hyoka̱ ā
29.3
294 ima indra̱ madā̍ya te̱ somā̍ścikitva ukthina̍ḥ | madho̍ḥ papāna̱ upa̍ no gira̍ḥ śṛṇu̱ rāsva̱ sto̱trāya̍ girvaṇaḥ2
295 ā tvā̍dya sa̱bardu̍dhā̱ huve̍ gāya̱trave̍pasam | indra̍ṃ dhe̱nu su̍du̱ghāma̱nyāmi̍ṣumu̱rudhā̍rāmara̱ṅkṛtam
29.4
296 na tvā bṛ̱hanto̱ adra̍yo varanta̱ indra̍ vī̱ḍava̍ḥ | yacchi̱kṣasi̍ stuva̱te māvate̱ vasu̱ na kiṣṭvā mi̍nāti te
29.5
297 ka ī̱ṃ veda̍ su̱te sacā̱ piva̍nta̱ṃ kadyo da̍dhe | a̱yaṃ yaḥ pu̱ro vibhi̍nattyoja̍sā mandā̱naḥ śi̱pryandha̍saḥ
29.6
298 yadi̍ndra śā̱so a̍vra̱taṃ jyāva̍yā sa̱dasa̱spari̍ | a̱smāka̍ma̱ṃśuṃ ma̍ghavanpuruspṛha̱ṃ vasa̍vye̱ adhi̍ vardhaya
29.7
299 tvaṣṭā̍ no̱ daivya̱ṃ vaca̱ḥ parja̍nyo̱ brahma̍ṇa̱spati̍ḥ | pu̱trairbhā̱tṛbhiradi̍tirnu pātu no duṣṭara̱ṃ trāṇa̱ṃ vaca̍ḥ
29.8
300 kadā̍ ca̱na sta̱rīra̍si̱ nendra̍ sañcasi dā̱śuṣe̍ | upopa̱ncu ma̍ghavanbhūya̱ intu te dāna̍ṃ de̱vasya̍ pṛcyate
29.9
301 yu̱ṅkṣvā hi vṛ̍trahantama̱ harī̍ indra̱ parā̍vataḥ | a̱rvā̱cī̱no ma̍ghavantsoma̍pītaya u̱gra ṛ̱ṣvebhi̱rā ga̍hi
29.10
302 tvāmiddhī haro naro'pīpyanvṛtra̱hanbhūrya̍ḥ | sa indra̱ stoma̍vāhasa i̱ha śrudhyupa̱ svasara̱mā ga̍hi
Linked texts (7)
- Śaunakasaṃhitā — Sanskrit
- Sāmavedasaṃhitā (ed. Theodor Benfey) — Sanskrit
- Ārṣika — Sanskrit
- Āgneyagāna — Sanskrit
- Sāmavedapāda — Sanskrit
- Pūrvārcika — Sanskrit
- Aṅgirasī — Sanskrit