Pramāṇa · Search · About · API

Samavedimantra 32

Sāmavedīmantra 32

Language
Sanskrit

32.1

[sva0 10 | u0 3 | pā0 77 | ve || ]
iti bṛhatī samāptāḥ
(1-10) 1, 2, 6, vasiṣṭho maitrāvaruṇiḥ, 3 gāturātreyaḥ; 4 pṛthurvainyaḥ; 5 saptagurāṃgirasaḥ; 7 gaurivītiḥ śāktyaḥ;
8 veno bhārgavaḥ; 9 bṛhaspatirnaiṛto vā; 10 suhotro bhāradvājaḥ || indraḥ; (ṛ0 5 indro vaikuṇṭhaḥ)
8 venaḥ || triṣṭup
313 asāvi devaṃ goṛjīkamandho nyasminnindro januṣemuvoca
bodhāmasi tvā haryaśva yajñairbodhā na stomamandhaso madeṣu

32.2

314 yoniṣṭa indra sadane akāri tamā nṛbhiḥ puruhūta pra yāhi
aso yathā no'vitā vṛdhaściddo vasūni mamadaśca somaḥ

32.3

315 adadardutsamasṛjo vi khāni tvamarṇavānbadbadhānām̐2 aramṇāḥ
mahāntamindra parvataṃ vi yahvaḥ sṛjaddhārā ava yaddānavānhan

32.4

316 suṣvāṇāsa indra snumasi tvā saniṣyantaścituvinṛmṇa vājam
ā no bhara suvitaṃ yasya konā tanā tmanā sahasāmātvotāḥ

32.5

317 jagṛ̱bhmā te̱ dakṣi̍ṇamindra̱ hasta̍ṃ vasūryavo̍ vasupate̱ vasū̍nām
vi̱dmā hi tvā goṣati̍ m̐ śūra̱ gonā̍ma̱smabhya̍ṃ ci̱traṃ vṛṣa̍ṇa̱ m̐ rayi̍ṃ dāḥ

32.6

318 indra̱ naro̍ nemadhitā ha̍vante̱ yatpāryā̍ yu̱naja̍te̱ dhiya̱stāḥ
śūro̍ nṛṣā̱tā śrava̍saśca̱ kāma̱ ā goma̍ti vra̱je bha̍jā tvaṃ na̍ḥ

32.7

319 vaya̍ḥ supa̱rṇā upa̍ sedu̱rindra̍ṃ pri̱yame̍dhā̱ ṛṣa̍yo̱ nādha̍mānāḥ
apa̍ dhvāntamūrṇuhi pū̱rdhi cakṣu̍rmu̱gdhyā̍3smānnidhayeva ba̱ddhān

32.8

320 nāke̍ supa̱rṇamupa̱ yatpata̍nta̱ m̐ hṛdā vena̍nto a̱bhyaca̍kṣata tvā
hira̍ṇyapakṣaṃ varu̍ṇasya dū̱taṃ ya̱masya̱ yonau̍ śaku̱naṃ bhu̍ra̱ṇyum

32.9

321 brahma̍ jajñā̱naṃ pra̍tha̱maṃ pu̱rastā̱dvi sīma̍taḥ suruco̍ ve̱na ā̍vaḥ
sa bu̱dhnyā̍ upa̱mā a̍sya vi̱ṣṭhāḥ sata̍śca̱ yoni̱masa̍taśca̱ viva̍ḥ

32.10

322 apūrvyā̍ puruta̱mānya̍smai ma̱he vī̱rāya̍ tava̱se turā̍ya
vi̱ra̱pśine̍ va̱jriṇe̱ śanta̍māni vacā̍ m̐sya̱smai sthavi̍rāya takṣuḥ

Linked texts (6)