Samavedimantra 34
Sāmavedīmantra 34
- Language
- Sanskrit
34.1
tyamū̱ ṣu vā̱jina̍ṃ deva̱jūta̍m̐ sa̱hovā̍naṃ taru̱tāra̱ṃ rathā̍nām
ari̍ṣṭanemiṃ pṛtanā̱jamā̱śum̐ sva̱staye̱ tārkṣya̍mi̱hā hu̍vema
34.2
trā̱tāra̱mindra̍mavi̱tāra̱mindra̱ṃ2 have̍have su̱hava̱ṃ2 śūra̱mindra̍m
hu̱ve nu śa̱kraṃ pu̍ruhū̱tamindra̍mi̱dam̐ ha̱virma̱ghavā̍ ve̱tvindra̍ḥ
34.3
ya̱jāmaha̱ indra̍ṃ vajra̱dakṣi̍ṇa̱ṃ harī̍ṇā̱ṃ2 ra̱thyā̱3 vivra̍tānām
pra śmaśru̍bhi̱rdhodhu̍va̱dūdhva̍dhā bhuva̱ddhi se̍nā̱bhirbhaya̍māno̱ vi rādha̍sā
34.4
sa̱trā̱haṇa̍ṃ dā̱dhṛṣi̱ṃ tumnamindra̍ṃ ma̱hāma̱pāra̍ṃ vṛṣa̱bham̐ su̱vajra̍m
hantā̱ yo vṛ̱tram̐ sa̍ni̱tota vāja̍ṃ dā̱tā ma̱ghāni̍ ma̱ghavā̍ su̱rādhā̍ḥ
34.5
yo no̍ va̱nuṣya̍nna̱bhidā̍ti̱ martya̍ u̱gaṇā̍ vā ma̱nyamā̍nastu̱ro vā̍
kṣi̱dhī yu̱dhā śava̍sā vā̱ tami̍ndrā̱bhī ṣyā̍ma vṛṣamaṇa̱stvotā̍ḥ
34.6
ye vṛ̱treṣu̍ kṣi̱taya̱ḥ spardha̍mānā̱ ye yu̱kteṣu̍ tu̱raya̍nto ha̱vante̍
yam̐ śūra̍sātau̱ yama̱pāmupa̍jma̱ntsaṃ vi̱prāso̍ vā̱jaya̍nte̱ sa indra̍ḥ
34.7
338 indrāparva̍tā bṛha̱tā rathe̍na vā̱mīriṣa̱ ā va̍hatam̐suvīrā̍ḥ
vī̱taṃ ha̱vyānya̍dhva̱reṣu̍ de̱vā vardhethāṃ gī̱rbhiri̱ḷayā̱ mada̍ntā
34.8
339 indrāya̱ giro̍ ani̍śitasargā̱ apa̍ḥ prerayatsa̱gara̱sya bu̱dhnāt
yo a̱kṣeṇe̍va ca̱kriyau̍ śacī̍bhi̱rviṣva̍ktastambha pṛthi̱vīmu̱ta dyām
34.9
340 ā tvā̍ sakhā̱yaḥ sa̱khyā va̍vṛtyu̱stira̍ḥ pu̱rū ci̍da̱rṇa̱vāṃ jaga̍myāḥ
pi̱turnapā̍ta̱mā da̍dhīta ve̱dhā a̱smintkṣaye̍ prata̱rāṃ dī̱dyāna̍ḥ
34.10
341 ko a̱dya yu̱ṅkte dhu̱ri gā ṛ̱tasya̍ śimī̱vato̍ bhā̱mino̍ du̱rhṛṇā̱yūna̍
ā̱sa̱nneṣā̍mapsuvā̱ho ma̍yo̱bhūn ya e̍ṣāṃ bhṛ̱tyāmṛ̱ṇadha̱t sa jī̱vāt
Linked texts (8)
- Āgneyagāna — Sanskrit
- Ārṣika — Sanskrit
- Chandaḥ ārcika — Sanskrit
- Chandasikā — Sanskrit
- Sāmavedasaṃhitā (ed. Theodor Benfey) — Sanskrit
- Pūrvārcika — Sanskrit
- Geyagāna — Sanskrit
- Sāmavedapāda — Sanskrit