Pramāṇa · Search · About · API

Samavedimantra 35

Sāmavedīmantra 35

Language
Sanskrit

35.1

342 gāya̍nti tvā gāya̱triṇo'rca̱ntyarka̍ma̱rkiṇa̍ḥ | brahmā̍ṇastvā śatakrata̱ uddam̐śa̍mi̱va ye̍mire

35.2

343 indra̱ṃ viśvā̍ avīvṛdhantsamu̱dravya̍casa̱ṃ gira̍ḥ | ra̱thītamam̐rathī̱nāṃ vājā̍nām̐satpa̍ti̱ṃ pati̍m

35.3

344 i̱māmi̍ndra su̱taṃ pi̍ba̱ jyeṣṭha̱mama̍rtya̱ṃ mada̍m | śu̱krasya̍ tvā̱bhya̍kṣara̱ndhārā̍ ṛ̱tasya̍ sā̱dane̍

35.4

345 yadi̍ndra ci̱tra ma i̱ha nāsti̍ tvādā̍tamadrivaḥ | rādha̱stanno̍ vi̱dadva̍sa u̱bhayā̱hastyā bhara̍

35.5

346 śru̱dhī hava̍ṃ tira̱ścyā̍ indra̱ yastvā̍ saparya̍ti | su̱vīrya̍sya goma̍to rā̱yaspū̱rdhi ma̍hām̐a̍si

35.6

347 asā̍vi̱ soma̱ indra̍ te̱ śavi̍ṣṭha dhṛṣṇa̱vā ga̍hi | ā tvā̍ pṛṇaktvindri̱yaṃ raja̱ḥ sūryo̱ na ra̱śmibhi̍ḥ

35.7

348 endra̍ yāhi̱ hari̍bhi̱rupa̍ ka̱ṇvasya̍ suṣṭu̱tim | di̱vo a̱muṣya̍ śā̱sato̍ di̱vaṃ ya̍ya di̱vāva̍so

35.8

349 ā tvā̱ giro̍ rathī̱rivāsthu̍ḥ su̱teṣu̍ girvaṇaḥ | abhi̍ tvā samanūṣata̱ gāvo̍ va̱tsaṃ na dhe̱nava̍ḥ

35.9

350 pa̍vau svindrā̍stavāma śu̱ddham̐śu̱ddhena̱ sāmnā̍ | śu̱ddhairu̱kthairvā̍vṛ̱dhvām̐sam̐śu̱ddhairāśī̱rvā̍nmamattu

35.10

351 yo rayi̍ vo rayi̱ntamo̱ yo dyu̱mnairdyu̱mnava̍ttamaḥ | soma̍ḥ su̱taḥ sa i̍ndra te'sti sva̱dhāpa̍te̱ mada̍ḥ

Linked texts (6)