Pramāṇa · Search · About · API

Samavedimantra 38

Sāmavedīmantra 38

Language
Sanskrit

38.1

370 viśvāḥ pṛtanā abhibhūtaraṃ naraḥ sajastataścurindraṃ jajanuśca rājase
kratve gare sthemanyāmurīmato'mojiṣṭhaṃ tarasaṃ tarasvinam

38.2

371 śratte dadhāmi prathamāya manyave'hanyaddasyuṃ nayeṃ viverapaḥ
ubhe yatvā rodasī dhāvatāmanu bhyasāte śuṣmātpṛthivī cidadrivaḥ

38.3

372 sameta viśvā ojasā patiṃ divo ya eka indro'tithirjanānām
sa pūrvyo nūtanamājigīṣaṃ taṃ vartanīranu vāvṛte eka it

38.4

373 ime ta indra te vayaṃ puruṣṭuta ye tvārabhya carāmasi prabhūvaso
na hi tvadanyo girvaṇo giraḥ saghatkṣoṇīriva prati taddhaye nau vacaḥ

38.5

374 carṣaṇīdhṛtaṃ maghavānamukthya1mindraṃ giro bṛhatīrabhyanūṣata
vāvṛdhānaṃ puruhūtaṃ suvṛktibhirāmartyai jaramāṇaṃ divedive

38.6

375 acchā va indraṃ matayaḥ svayuvaḥ sadhrīcīrviśvā uśatīranūṣata
pari ṣvajanta janayo yathā patiṃ maryaṃ na śundhyuṃ maghavānamūtaye

38.7

376 abhi tyaṃ meṣaṃ puruhūtamṛgmiyamindraṃ gīrbhirmadatā vasvo arṇavam
yasya dyāvo na vicaranti mānuṣaṃ muje maṃhiṣṭhamabhi vipramarcata

38.8

377 tya1su meṣaṃ mahayā svarvidaṃ1 śataṃ yasya subhuvaḥ sākamīrate
atyaṃ na vājaṃ havanasyadaṃ rathamindraṃ vavṛtyāmavase suvṛktibhiḥ

38.9

378 ghṛtavatī bhuvanānāmabhiśriyorvī pṛthvī madhudughe supeśasā
dyāvāpṛthivī varuṇasya dharmaṇā viṣkabhite ajare bhūriretasā

38.10

379 ubhe yadindra rodasī āpaprāthoṣā iva | mahāntaṃ tvā mahīnā1 samrājaṃ carṣaṇīnām
devī janiṣṭrījajanadbadrā janiṣṭrījajanat

38.11

pra mandine̍
pituma̱daca̍tā
vaco̱ yaḥ kṛ̍ṣṇaga̱rbhā
ni̱raha̱nnṛ̱jiśva̍nā
ava̍sya̱vo
vṛṣa̍ṇaṃ
va̱jrada̍kṣiṇaṃ
ma̱rutva̍ntam̐
sa̱khyāya̍
huvemahi

Linked texts (9)