Samavedimantra 4

Sāmavedīmantra 4

35 yajñā̍ya̱jñā vo̍ a̱gnaye̍ gi̱rā gi̍rā ca̱ dakṣa̍se | prapra̍ va̱yama̱mṛta̍ṃ jā̱tave̍dasaṃ pri̱yaṃ mi̱traṃ na śaṃsiṣam

36 pā̱hi no̍ agna̱ eka̍yā pā̱hyu̍ta dvi̱tīya̍yā | pā̱hi gī̱rbhisti̱sṛbhi̍rūrjo pate pā̱hi ca̱tasṛ̍bhirvaso

37 bṛ̱hadbhi̍ragne a̱rcibhi̍ḥ śu̱kreṇa̍ deva śo̱ciṣā̍ | bharadvāje samidhā̱no ya̍viṣṭhya re̱vatpā̍vaka dīdihi

38 tve a̍gne svāhuta pri̱yāsa̍ḥ santu sū̱raya̍ḥ | ya̱ntāro̱ ye ma̱ghavā̍no̱ janā̍nāmū̱rvaṃ daya̍nta̱ gonā̍m

39 agne̍ jarita̱rviśva̍pa̱tistapā̍no de̱va rakṣa̍saḥ | apra̍oṣivān gṛhapate mahām̐2 a̍si di̱vaspāyu̍rdu̱roṇyu̍ḥ

40 a̱gne vi̱vasva̱dapa̍saśca̱itram̐ rādho̍ amartya | ā dā̱śuṣe̍ jātavedo̱ vahā̱ tvama̱dyā de̱vām̐2 u̍ṣa̱rbudha̍ḥ

41 tvaṃ na̍ści̱tra ū̱tyā vaso̱ rādhā̍ṃsi codaya | asya rā̱yastvama̍gne rathī̱rasi̍ vi̱dā gā̱dhaṃ tu̱ce tu na̍ḥ

42 tvama̍gne̱ yaśā̱ a̱syanye vrāta̍śca̱taḥ ka̱viḥ | tvāṃ viprā̍saḥ sa̱midhā̍na dīdiva̱ ā vi̍vāsanti ve̱dhasa̍ḥ

43 ā no̍ agne̱ vayo̍vṛdham̐ ra̱yiṃ pā̍vaka śa̱ṃsya̍m | rā̱svā ca̍ na upamā̱te pu̍ru̱spṛham̐ sunī̱tī su̱yaśa̍staram

44 yo viśvā̍ daya̍te̱ vasu̱ hotā̍ ma̱ndro janā̍nām | madho̱rna pā̱trā pratha̱mānya̱smai pra stomā̍ yantva̱gnaye̍

Linked texts (7)