Pramāṇa · Search · About · API

Samavedimantra 43

Sāmavedīmantra 43

Language
Sanskrit

43.1

419 ā te̍ agna i̱dhīma̍hi dyu̱manta̍ṃ de̱vājaram
yaddha̱ syā te̱ panī̍yasī sa̱middīda̍yati dyavī̱ṣaṃ sto̱tṛbhya̱ ā bha̍ra

43.2

420 agni̱ṃ na sva̱vṛkti̍bhirhotā̍raṃ tvā vṛṇīmahe
śī̱raṃ pā̍vaka̱śoci̍ṣaṃ vi vo̱ made̍ ya̱jñeṣu̍ stīrṇaba̱rhiṣa̍ṃ viva̱kṣase̍

43.3

421 mahe no̍ a̱dya bo̍dhayo̱ṣo rāye̍ divitmatī
yathā̍ ci̱ṇvo a̱bodha̍yaḥ satya̱śrava̍si vā̱yye̍ su̱jāte̱ aśva̍sūnṛte

43.4

422 bhadra̍ṃ no̱ api̍ vā̱taya̱ mano̱ dakṣa̍mu̱ta kratu̍m
athā̍ te sa̱khye andha̍so̱ vi vo̱ made̱ raṇā̱ gāvo̱ na yava̍se vivakṣase

43.5

423 kṛ̱tvā mahā̍m̐ anu̱ṣvadha̍ṃ bhī̱ma ā vā̍vṛte̱ śava̍:
śriya̍ṃ ṛ̱ṣva upā̍ka̱yorni śi̍iśrī̱ hari̍vā̱ṃ dadhe̱ hasta̍yo̱rvajra̱māya̍sam

43.6

324 sa ghā̱ taṃ vṛṣa̍ṇa̱m̐ rathamadhi̍ tiṣṭhāti go̱vida̍m
yaḥ pā̱tra̍m̐ hā̱riyo̍jana̱ṃ pūrṇemindrā̍ci̱keta̍ti̱ yojā̱ nvindra̍ te̱ harī̍

43.7

425 a̱gniṃ taṃ manye̱ yo vasu̍rasta̱ṃ yaṃ yanti̍ dhe̱nava̍:
asta̱marva̍nta ā̱śavo̱'sta̍ṃ nityā̍so vā̱jina̱ iṣa̍ṃ sto̱tṛbhya̱ ā bha̍ra

43.8

426 na tama̱m̐ho na du̍ri̱taṃ de̱vāso̱ aṣṭa̱ martya̍m
sa̱joṣā̍so̱ yamarya̍mā mi̱tro naya̍ti̱ varu̍ṇo̱ ati̱ dviṣa̍:

Linked texts (8)