Samavedimantra 5

Sāmavedīmantra 5

45 e̱nā vo̍ a̱gniṃ nama̍so̱rjāṃ napā̍ta̱mā hu̍ve | pri̱yaṃ ceti̍ṣṭhama̱rati̍ṃ svadhva̱raṃ viśva̍sya dū̱tama̱mṛta̍m

46 śeṣe̱ vane̍ṣu mātṛ̱ṣu saṃ tvā̱ martā̍sa indhate | ata̍ndro ha̱vyaṃ vaha̍si havi̱ṣkṛta ā̱didde̱veṣu̍ rājasi

47 adarśi̍ gā̱tuvi̍ttamo̱ yasmi̍nvra̱tānyādadhu̍ḥ | upo̱ ṣu jā̱tama̍rya̱sya vardha̍nama̱gniṃ na̍kṣantu no̱ gira̍ḥ

48 agnirukthe purohito grāvāṇo bahim̐radhvare | ṛcā yāmi maruto brahmaṇaspate devā avo vareṇyam

49 agnimīḍiṣvāvase gāthābhiḥ śīraśociṣam | agniṃ rāye purumīḍha śrutaṃ naro'gniḥ suvītaye chardiḥ

.50 śrudhi śrutkarṇa vahnibhirdevairgne sacāvabhiḥ | ā sīdatu barhiṣi mitro aryamā prātaryāvabhiradhvare

51 pra daivodāso agnirdeva indro na majmanā | anu mātaraṃ pṛthivīṃ vi vāvṛte tasthau nākasya śarmaṇi

52 adya jmogne adya vā divo bṛhato rocanādadhi | ayā vardhasva tanvā girā mamā jātā sukrato pṛṇa

53 kāyamāno vanā tvaṃ yanmātṛrajagannapaḥ | na tatte agne pramṛṣe nivartanaṃ yad dūre sannihābhavaḥ

54 ni tvāmagne manurdadhe jyotirjanāya śaśvate | dīdetha kaṇva ṛtajāta ukṣito yaṃ namasyanti kṛṣṭayaḥ

Linked texts (7)