Samavedimantra 53
Sāmavedīmantra 53
- Language
- Sanskrit
53.1
523 pra tu drava pari kośaṃ ni ṣīda nṛbhiḥ punāno abhi vājamarṣa
aśvaṃ na tvā vājinaṃ marjayanto'cchā barhī raśanābhirnayanti
53.2
524 pra kāvyamuśaneva bruvāṇo devo devānāṃ janimā vivakti
mahivrataḥ śucibandhuḥ pāvakaḥ padā varāho abhyeti rebhan
53.3
525 tisro vāca īrayati pra vahnirṛtasya dhītiṃ brahmaṇo manīṣām
gāvo yanti gopatiṃ pṛcchamānāḥ somaṃ yanti matayo vāvaśānāḥ
53.4
526 asya preṣā hemanā pūyamāno devo devebhiḥ samapṛkta rasam
sutaḥ pavitraṃ paryeti rebhan miteva sadma paśumanti hotā
53.5
527 somaḥ pavate janitā matīnāṃ janitā divo janitā pṛthivyāḥ
janitāgnerjanitā sūryasya janitendrasya janitota viṣṇoḥ
53.6
528 abhi tripṛṣṭhaṃ vṛṣaṇaṃ vayodhā maṅgoṣiṇamavāvaśanta vāṇīḥ
vanā vasāno varuṇo na sindhurvi ratnadhā dayate vāryāṇi
53.7
529 akrānsamudraḥ prathame vidharman janayan prajā bhuvanasya gopāḥ
vṛṣā pavitre adhi sāno avye bṛhatsomo vāvṛdhe svāno adriḥ
53.8
530 kanikranti harirā sṛjyamānaḥ sīdanvanasya jaṭhare punānaḥ
nṛbhiryataḥ kṛṇute nirṇijaṃ gāmato matiṃ janayata svadhābhiḥ
53.9
531 eṣa sya te madhumām̐2 indra somo vṛṣā vṛṣṇaḥ pari pavitre akṣāḥ
sahasradāḥ śatadā bhūridāvā śaśvattamaṃ barhirā vājaheader
sthassthāt
53.10
532 pavasva soma madhumām̐2 ṛtāvāpo vasāno adhi sāno avye
ava droṇāni ghṛtavanti roha madintamo matsara indrapānaḥ
Linked texts (5)
- Sāmavedasaṃhitā (ed. Theodor Benfey) — Sanskrit
- Ārṣika — Sanskrit
- Āgneyagāna — Sanskrit
- Chandasikā — Sanskrit
- Pūrvārcika — Sanskrit