Pramāṇa · Search · About · API

Samavedimantra 54

Sāmavedīmantra 54

Language
Sanskrit

54.1

(1-12.) 1 pratardano daivodāsaḥ; 2, 10 parāśaraḥ śāktyaḥ; 3 indrapramatirvāsiṣṭhaḥ; 4 vasiṣṭho maitrāvaruṇiḥ; 5
karṇaśrudvāsiṣṭhaḥ; 6 nodhā gautamaḥ; 7 kaṇvo ghauraḥ; 8 manyurvāsiṣṭhaḥ; 9 kutsa āṅgirasaḥ; 11 kaśyapo mārīcaḥ;
12 praskaṇvaḥ kāṇvaḥ || pavamānaḥ somaḥ || triṣṭup
533 pra senānīḥ śūro agre rathānāṃ gavyanneti harṣate asya senā
bhadrān kṛṇvannindrahavāṃtsakhibhya ā somo vastrā rabhasāni datte

54.2

534 pra te dhārā madhumatīrasṛgrantvāraṃ yatpūto atyeṣyavyam
pavamāna pavase dhāma gonāṃ janaya̍nsūryamapinvo arkaiḥ

54.3

535 pra gāyatābhyarcāma devāṃtsoma̍ṃhinota mahate dhanāya
svāduḥ pavatāmati vāramavyamā sīdatu kalaśaṃ deva induḥ

54.4

536 pra hinvāno janitā rodasyo ratho na vājaṃ sanisannayāsīt
indraṃ gacchannāyudhā saṃśiśāno viśvā vasu hastayorādhadhānaḥ

54.5

537 takṣadyadī manaso venato vāg jyeṣṭhasya dharme dyukṣoranīke
ādīmāyanvaramā vāvaśānā juṣṭaṃ patiṃ kalaśe gāva indum

54.6

538 sākamukṣo marjyanta svasāro daśa dhīrasya dhī̍tayo dhanutrīḥ
hariḥ paryadravajjāḥ sūryasya droṇaṃ nanakṣe atyo na vājī

54.7

539 adhi yadasminvājinīva śubhaḥ spardhante dhiyaḥ sūre na viśaḥ
apo vṛṇānaḥ pavate kavīyānbrajaṃ na paśuvardhanāya manma

54.8

540 induvajī pavate gonyoghā indre somaḥ saha invanmadāya
hanti rakṣo bādhate paryarātiṃ varivaskṛṇvanvṛjanasya rājā

54.9

541 ayā pavā pavasvainā vasūni māṃścatva indo sarasi pra dhanva
brahmaśvidyasya vāto na jūrtiṃ purumedhāścittakave naraṃ dhāt

54.10

542 mahattatsomo mahiṣaścakārāpāṃ yadgarbhovṛṇīta devān
adadhādindre pavamāna ojojanayatsūrye jyotirinduḥ

54.11

543 asarji vakvā rathye yathā'jo dhiyā manotā prathamā manīṣā
daśa svasāro adhi sāno avye mṛjanti vahniṃ sadaneṣvaccha

54.12

a̱pāmi̱vedū̱rmaya̍sta̱turāṇāḥ
pra
ma̍nī̱ṣā
ī̍rate
soma̍macchā
nama̱syantī̱rapa̍
ca
yanti̱
saṃ
cāca̍
vi̱śantyu̍śa̱tīru̱śanta̍m

Linked texts (5)