Pramāṇa · Search · About · API

Samavedimantra 56

Sāmavedīmantra 56

Language
Sanskrit

56.1

a̱bhi
pri̱yāṇi̱
pava̍te
ca̱nohi̍to̱
nāmā̍ni
ya̱jño
adhi̱
yeṣu̱
vardha̍te
ā
sūrya̍sya
bṛ̱ha̱to
bṛ̱hannadhi̱
ratha̍ṃ
viśva̍ñcamaruhadvicakṣaṇaḥ

56.2

aco̍daso
no
dhanvantvindava̱ḥ
pra
svā̱nāso̍
bṛha̱ddi̍veṣu̱
hara̍yaḥ
vi
ci̱daśā̍nā
iṣa̍yo
arā̱tayo̱'ma̍rtoṃ
naḥ
santu
sa̱niṣa̍ntu
no̱
dhiya̍ḥ

56.3

e̱ṣa
pra
kośe̍
madhu̱mām̐2a̍cikrada̱dindra̍sya
va̱jro
vapu̍ṣo
vapu̍ṣṭamaḥ
a̱bhyū̱²3stasya
su̱dughā̍
ghṛ̱taścuto̱
vāśrā̍
arṣanti
paya̍sā
ca
dhe̱nava̍ḥ

56.5

pro
a̍yāsī̱dindu̱rindra̍sya
ni̱ṣkṛta̍ṃ
sakhā̍
sa̱khyurna
pra
mi̍nāti
sa̱ṅgira̍m
marya̍
iva
yu̱vati̍bhiḥ
sama̍rṣati̱
soma̍ḥ
kalaśe̍
śa̱tayāma̍nā
pa̱thā

56.5-2

558 dhartā divaḥ pavate kṛtvyo raso dakṣo devānāmanumādyo nṛbhiḥ
hariḥ sṛjāno atyo na satvabhirvṛthā pājāṃsi kṛṇuṣe nadīṣvā

56.6

559 vṛṣā matīnāṃ pavate vicakṣaṇaḥ somo ahnāṃ pratarītoṣasārdivaḥ
prāṇā sindhūnāṃ kalaśām̐2 acikradadindrasya hārdyāviśanmanīṣibhiḥ

56.7

560 trirasmai sapta dhenavo duduhire satyāmāśiraṃ parame vyomani
catvāryanyā bhuvanāni nirṇije cārūṇi cakre yadṛ tairavardhata

56.8

561 indrāya soma suṣutaḥ pari sravāpāmīvā bhavatu rakṣasaḥ saha
mā te rasasya matsata dvayāvino draviṇasvanta iha santvindavaḥ

56.9

562 asāvi somo aruṣo vṛṣā harī rājeva dasmo abhi gā amikradat
punāno vāramatyeṣyavyayaṃ śyeno na yoniṃ ghṛtavantamāsadat

56.10

563 pra devamacchā madhumanta indavo'siṣyadanta gāva ā na dhenavaḥ
barhiṣado vacanāvanta ūdhabhiḥ parisrutamusriyā nirṇijaṃ dhire

56.11

564 añjate vyañjate samañjate kratum̐ rihanti madhvābhyañjate
sindhorucchvāse patayantamukṣaṇaṃ hiraṇyapāvāḥ paśumapsu gṛbhṇate

56.12

565 pavitraṃ te vitataṃ brahmaṇaspate prabhurgātrāṇi paryeṣi viśvataḥ
ataptatanūrna tadāmo aśnute śṛtāsa idvahantaḥ saṃ tadāśata

Linked texts (4)