Pramāṇa · Search · About · API

Samavedimantra 57

Sāmavedīmantra 57

Language
Sanskrit

57.1

566 indramaccha sutā ime vṛṣaṇaṃ yantu harayaḥ | śruṣṭe jātāsa indavaḥ svarvidaḥ

57.2

567 pra dhanvā soma jāgṛvirindrāyendo pari srava | dyumantaṃ śuṣmamā bhara svarvidam

57.3

568 sakhāya ā ni ṣīdata punānāya pra gāyata | śiśuṃ na yajñaiḥ pari bhūṣata śriye

57.4

569 taṃ vaḥ sakhāyo madāya punānamabhi gāyata | śiśuṃ na havyaiḥ svadayanta gūrtibhiḥ

57.5

570 prāṇā śiśurmahīnāṃ hinvannṛtasya dīdhitim | viśvā pari priyā bhuvadadha dvitā

57.6

571 pavasva devavītaya indo dhārāmirojasā | ā kalaśaṃ madhumām̐tsoma naḥ sadaḥ

57.7

572 soma̍ḥ punā̱na ū̱rmiṇāvya̱ṃ vāra̱ṃ vi dhā̍vati | agre̍ vāca̍ḥ pavamānaḥ kanikradat

57.8

573 pra punā̍nāya ve̱dhase̱ somā̍ya vaca ucyate | bhṛti̱ṃ na bharā ma̱tibhi̱rjunoṣate

57.9

574 goma̍nna̱ indo̱ aśva̍vatsu̱taḥ su̱dakṣa̱ dhani̍va | śuci̍ṃ ca̱ varṇa̱madhi̍ goṣu̍ dhāraya

57.10

575 a̱smabhya̍ṃ tvā vasu̱vida̱mabhi̱ vāṇī̍ranūṣata | gobhi̍ṣṭe̱ varṇa̍ma̱bhi vā̍sayāmasi

57.11

576 pava̍te harya̍to̱ hari̱rati̱ hvarā̍m̐si̱ raṃhyā̍ | abhya̍rṣa sto̱tṛbhyo̍ vī̱rava̱dyaśa̍ḥ

57.12

577 pari̱ kośa̱ṃ madhu̍ścuta̱ soma̍ḥ punā̱no a̍rṣati | abhi vāṇī̍rṛṣī̱ṇāṃ sa̱ptā nū̍ṣata

Linked texts (5)