Samavedimantra 64
Sāmavedīmantra 64
- Language
- Sanskrit
Contents
- 64.10 — 1 part
64.1
atha mahānāmnyārcikaḥ
641 vidā maghavan vidā gātumanuśa1m̐si2ṣī3 diśaḥ | śikṣā śacīnāṃ pate pū̱rvīṇāṃ purūvaso
64.2
642 ābhi̱ṣṭimabhiṣṭi̍bhiḥ svā3'rtsā2śaḥ | pracetana pracetayendra dyumnāya na iṣe
64.3
643 evā hi śakro rāye vājāya vajrivaḥ
śaviṣṭha vajrinnṛñjase mam̐hiṣṭha vajrinnṛñjasa | ā yāhi piba matsva
64.5
644 vidā rāye suvīryaṃ bhuvo vājānāṃ patirvaśāram̐anu | mam̐hiṣṭha vajrinnṛñjase yaḥ śaviṣṭhaḥ śūrāṇām 4
645 yo mam̐hi̍ṣṭho maghonām juṣṭaṃ śociḥ | cikitvo abhi no nayeṃdro vide tamu stuhi
64.6
646 īśe hi śakrastamūtaye havāmahe jetāramaparājitam | sa naḥ svarṣadati dviṣaḥ kratuśchanda ṛtaṃ bṛhat
64.7
647 indraṃ dhanasya sātaye havāmahe jetāramaparājitam | sa naḥ svarṣadati dviṣaḥ sa naḥ svarṣadati dviṣaḥ
64.8
648 pūrvasya yatte adrivo3'śurmadāya̍ | sunna ā dhehi no vaso pū̱rtiḥ śaviṣṭha śasyate
vaśī hi śakro nūnaṃ tannavyam̐sa̍nyase
64.9
649 prano janasya vṛtrahan tsamaryaiṣu bravāvahai | śūro yo goṣu gacchati sakhā suśevo advayuḥ
64.10
atha pañca purīṣapadāni
650 evāhye'3'3'3 va | evā hyagne | evāhīndra | evā him̐ pūṣan | evā hi devāḥ oṃ evāhi devāḥ
64.10.p1
iti pañca purīṣapadāni
iti mahānāmnyārcikaḥ samāptaḥ
sāmavedasaṃhitā
( uttarasaṃhitā ) uttarārcikaḥ
Linked texts (3)
- Ṛgvedakhilāni — Sanskrit
- Pūrvārcika — Sanskrit
- Sāmavedapāda — Sanskrit