Samavedimantra 65: atha prathamo'dhyāyaḥ
Sāmavedīmantra 65
- Language
- Sanskrit
atha prathamo'dhyāyaḥ
65.1
651 upāsmai gāyatā naraḥ pavamānāyendave | abhi devā m̐ iyakṣate
65.2
652 abhi te madhunā payo'tharvāṇo aśiśrayuḥ | devaṃ devāya devayu
65.3
653 sa naḥ pavasva śaṃ gave śaṃ janāya śamarvate | śa m̐ rājanoṣadhībhyaḥ
65.1-2
1(tī)
654 davidhutatyā rucā pariśrobhantyā kṛpā | somāḥ śukrā gavāśiraḥ
65.2-2
655 hinvāno hetubhirhita ā vājaṃ vājyakramīt | sīdanto vanuṣo yathā
65.3-2
656 ṛdhaksoma svastaye saṃjagmāno divā kave | pavasva sūryo dṛśe
65.1-3
2(yi)
657 pavamānasya te kave vājitsargā asṛkṣata | arvanto na śravasyavaḥ
65.2-3
658 acchā kośaṃ madhuścutamasṛgraṃ vāre avyaye | avāvaśanta dhītayaḥ
65.3-3
659 acchā samudramindavo'staṃ gāvo na dhenavaḥ | aganmannṛtasya yonimā
65.1-4
3(kau)
660 agna ā yāhi vītaye gṛṇāno havyadātaye | ni hotā satsi barhiṣi
65.2-4
661 taṃ tvā samidbhiraṅgiro ghṛtena vardhayāmasi | bṛhacchocā yaviṣṭhya
65.3-4
662 sa naḥ pṛthu śravāyyamacchā deva vivāsasi | bṛhadvadema suvīryam
65.1-5
663 ā no mitrāvaruṇā ghṛtairgavyūtimukṣatam | madhvā rajāṃsi sukratū
65.2-5
664 uruśaṃsā namovṛdhā mahā dakṣasya rājathaḥ | drāghiṣṭhābhiḥ śucivratā
65.3-5
665 gṛṇānā jamadagninā yonāvṛtasya sīdatam | pāta m̐ somamṛtāvṛdhā
Linked texts (2)
- Sāmavedapāda — Sanskrit
- Subodhinīpaddhati — Śivarāma 1615, Sanskrit