Samavedimantra 7
Sāmavedīmantra 7
- Language
- Sanskrit
7.1
63 ā juhotā haviṣā marjayadhvaṃ ni hotāraṃ gṛhapatiṃ dadhidhvam
iḍaspade namasā rātahavyam̐ saparyeta yajataṃ pastyānām
7.2
64 citra icchiśostaruṇasya vakṣatho na . yo mātarānveti dhātave
anūdhā yadajījanadradhā cidā vavakṣatsadyo mahi dūtyāṃ3 caran
7.3
65 idaṃ ta ekaṃ para u ta ekaṃ tṛtīyena jyotiṣā saṃ viśasva
saṃveśanastanve3cāruredhi priyo devānāṃ parame janitre
7.4
66 imaṃ stomamarhate jātavedase rathamiva saṃ mahemā manīṣayā
bhadrā hi naḥ pramatirasya saṃsadyagne sakhye mā riṣāmā vayaṃ tava
7.5
67 mūrdhānaṃ divo aratiṃ pṛthivyā vaiśvānaramūta ā jātamagnim
kavi²꣫² samrājamatithiṃ janānāmāsannaḥ pātraṃ janayanta devāḥ
7.6
68 vi tvādāpo na parvatasya pṛṣṭhādukthebhiragne janayanta devāḥ
taṃ tvā giraḥ suṣṭutayo vājayantyājiṃ na girvāhāho jigyuraśvāḥ
7.7
69 ā vo rājānamadhvarasya rudraṃ2 hotāraṃ satyayajaṃ rodasyoḥ
agniṃ purā tanayitnoracittāddhiraṇyarūpamavase kṛṇudhvam
7.8
70 indhe rājā samaryo namobhiryasya pratīkamahutaṃ ghṛtena
naro havyebhirīḍate sabādha āgniragramupasāmaśoci
7.9
71 pra ketunā bṛhatā yātyagnirā rodasī vṛṣabho roravīti
divaścidantādupamāmudānaḍapāmupasthe mahiṣo vavardha
7.10
72 agniṃ naro dīdhitibhiraraṇyorhastacyutaṃ janayata praśastam | dūredṛśaṃ gṛhapatimathanyum
Linked texts (7)
- Āgneyagāna — Sanskrit
- Sāmavedasaṃhitā (ed. Theodor Benfey) — Sanskrit
- Ārṣika — Sanskrit
- Chandaḥ ārcika — Sanskrit
- Chandasikā — Sanskrit
- Āgneyaparvasāman — Sanskrit
- Pūrvārcika — Sanskrit