Samavedimantra 91: atha pañcamo'dhyāyaḥ
Sāmavedīmantra 91
- Language
- Sanskrit
Contents
- 91.6 — 2 parts
atha pañcamo'dhyāyaḥ
91.1
886 pra ta̍ ā̱śvinī̍: pavamāna dhe̱navo̍ di̱vyā a̍sṛgra̱npaya̍sā garī̱maṇi̍
prāntari̍kṣātsruvi̱rāsa̱te'sṛ̍kṣata̱ ye tvā̍ sṛ̱jantyṛ̍ṣiṣāṇa ve̱dhasa̍:
91.2
887 ubha̱yata̍ḥ pavamānasya ra̱śmayo̍ dhru̱vasya̍ sa̱taḥ pari̍ yanti ke̱tava̍:
yadī̍ pa̱vitre̱ adhi̍ sṛ̱jyate̱ hari̍: sa̱ttā ni yonau̍ ka̱laśe̍ṣu sīdati
91.3
888 viśvā̱ dhāmā̍ni vi̱śvaca̍kṣa ṛkvasaḥ pra̱tnodre̍ sa̱taḥ pari̍ yanti ke̱tava̍:
vyā̱naśī̍ pavase soma̱ dharma̍ṇā̱ pati̱rviśva̍sya̱ bhuva̍nasya rājasi
91.1-2
1(vī)
889 pa̍vamāno ajījanaddi̱vaści̱traṃ na tanya̍tum | jyoti̍rvaiśvāna̱raṃ bṛ̱hat
91.2-2
890 pa̍vamāna rasa̱stava̱ mado̍ rājanna̱dhukṣu̍taḥ | vi vāra̱mavya̱marṣa̍ti
91.3-2
891 pa̍vamānasya te̍ ra̱so dakṣo̍ vi rājati dyu̱mān | jyoti̱rviśva̱ṃ sva̍rdṛśe
91.1-3
2(pā)
892 pra yadgāvo̱ na bhūrṇa̍yastve̱ṣā ayā̍so akra̱muḥ | ghnantaḥ kṛ̱ṣṇāmapa̱ tvaca̍m
91.2-3
893 su̱vitasya̍ manāmaheti setuṃ du̱rādhya̍m | sāhāma dasyu̍mavra̱tam
91.3-3
894 śṛ̱ṇve vṛṣṭe̍riva sva̱naḥ pa̍vamānasya śu̱ṣmiṇa̍: | cara̍nti vi̱dyuto̍ di̱vi
91.4
ā pavasva mahīmiṣaṃ gomadindo hiraṇyavat | aśvavatsoma vīravat
91.5
pavasva viśvacarṣaṇa ā mahī rodasī pṛṇa | uṣāḥ sūryo na raśmibhiḥ
91.6
pari ṇaḥ śarmayantyā dhārayā soma viśvataḥ | sarā raseva viṣṭapam
91.6.p1
3(mī)
91.6.p2
iti prathamaḥ khaṇḍaḥ ||1
Linked texts (5)
- Sāmavedasaṃhitā (ed. Theodor Benfey) — Sanskrit
- Ārṣika — Sanskrit
- Āgneyagāna — Sanskrit
- Uttarārcika — Sanskrit
- Sāmavedapāda — Sanskrit