Samavedimantra 97: atha ṣaṣṭho'dhyāyaḥ

Sāmavedīmantra 97

955 govitpavasva vasuviddhiraṇyavidvetodhā indo bhuvaneṣvarpitaḥ
tvaṃ suvīro asi soma viśvavintaṃ tvā nara upa girema āsate

tvaṃ nṛca̍kṣā asi soma viśva̍taḥ pavamāna vṛṣabha tā vi dhāvasi
sa naḥ pavasva vasumadbhira̱ṇyavadvayam̐ syāma bhuvaneṣu jīvase

īśāna imā bhuvanāni īyase yujāna indo haritaḥ supa̱rṇya̍ḥ
tāste̍ kṣarantu̱ madhumadghṛ̱taṃ paya̱stava vrate soma tiṣṭhantu kṛṣṭayaḥ

1(lī)
pavamānasya viśvacitpra te sargā asṛkṣata | sūrya̍syeva na raśmayaḥ

ketuṃ kṛṇvaṃ divaspari viśvā rūpābhyarṣasi | samudraḥ soma pinvase

jajñāno vācamiṣyasi pavamāna vidharmaṇi | kranda̍ devo na sūrya̍ḥ

2(pā)
pra somāso adhanviṣuḥ pavamānāsa indavaḥ | śrīṇānā apsu vṛñjate

abhi gāvo adhanviṣurāpo na pravatā yatīḥ | punānā indramāśata

pra pavamāna dhanvasi somendrāya mādanaḥ | nṛbhiryato vi nīyase

indo yadadribhiḥ sutaḥ pavitraṃ paridīyase | aramindrasya dhāmne

tvam̐ soma nṛmādanaḥ pavasva carṣaṇīdhṛtiḥ | sasniryo anuṣyādhaḥ

pavasva vṛtrahantama ukthebhiranumādyaḥ | śuciḥ pāvako adbhutaḥ

śuciḥ pāvaka ucyate somaḥ sutaḥ sa madhumān | devāvīraghaśam̐sahā

3(hai)

iti prathamaḥ khaṇḍaḥ ||1

Linked texts (6)