Pramāṇa · Search · About · API

Samavedimantra 99

Sāmavedīmantra 99

Language
Sanskrit

99.1

4(ko)
975 yadyava̍yaṃ no̱ andha̍sā puṣṭaṃpuṣṭaṃ pari̱ srava̍ | viśvā̍ ca soma̱ saubha̍gā

99.2

976 indo̱ yathā̱ tava̱ stavo̱ yathā̍ te jā̱tamandha̍saḥ | ni ba̱rhiṣi̍ priye̱ sada̍ḥ

99.3

977 uta̍ no go̱vida̍śva̱vitpava̍sva somā̱ndhasā̍ | ma̱kṣūtamaibhira̱habhi̍ḥ

99.4

978 yo ji̱nāti̱ na jīya̍te̱ hanti̱ śatru̍mabhī̱tya̍ | pava̍sva sahasra̱jit

99.1-2

5(hi)
979 yāste̱ dhārā̱ madhu̍ścuto̱'sṛgra̱mindra̍ ū̱taye̍ | tābhi̍ḥ pa̱vitra̍mā̱sada̍ḥ

99.2-2

980 so a̍rṣendrāya pī̱taye̍ tiro vārānyavya̍yā | sīda̍nṛ̱tasya̱ yoni̍mā

99.3-2

981 tyaṃ 2soma̱ pari̍ srava svādi̍ṣṭho aṅgiro̱bhya̍ḥ | vari̍vo̱vidṭa̱taṃ paya̍ḥ

99.1-3

6(hi)
982 tava̍ śriyo̱ varṣya̍syeva vi̱dyuto̱'bhraiści̍tra u̱ṣasā̍mive̱taya̍ḥ
yadopa̍dhī̱rabhi̍sṛṣṭo vanā̍ni ca̱ pari̍ sva̱yaṃ ci̱nuṣe̱ anna̍mā̱sani̍

99.2-3

983 vāto̍padhūta̱ iṣi̱to vaśā̱m̐ anu̍ tṛ̱ṣu yadannā̱ vevi̍ṣadviti̱ṣṭhase̍
ā te̱ yata̍nte̱ rathyo̱3̱yathā̱ pṛtha̍k śardhā̍m̐syagne aja̱rasya̍ dhakṣataḥ

99.3-3

984 me̱dhā̱kāra̍ṃ vi̱datha̍sya pra̱sādha̍nama̱gniṃ hotā̍raṃ pari̱bhūta̍raṃ ma̱tim
tvāma̍rbhasya ha̱viṣa̍ḥ samā̱nama̱ittvāṃ maho vṛ̍ṇate̱ nānya̱ṃ tvat

99.1-4

7(tṛ)
985 pu̱rūrū̍ṇā ci̱ddhyastyavo̍ nūnaṃ vāṃ varuṇa | mitra̱ vaṃsi̍ vām̐ sumatim

99.2-4

986 tā vā̍m̐ samyagadruhvāṇeṣamaśyā̱ma dhāma̍ ca | va̱yaṃ vā̍m̐ mitrā syāma

99.3-4

987 pāta̍ṃ no mitrā pā̱yubhi̍ru̱ta trāyethā̍ su̱trātrā sā̱hyāma dasyū̍ṃsta̱nūbhi̍ḥ

99.1-5

8(ya)
988 utti̍ṣṭhannoja̍sā sa̱ha pī̱tvā śiprai̍ avepayaḥ | soma̱mindra̍ ca̱mvo̍ su̱tam

99.2-5

989 anu̍ tvā̱ roda̍sī u̱bhe spadha̍mānamadaddhetām | indra̱ yaddasyu̱hābhava̍ḥ

99.3-5

990 vāca̍maṣṭāpa̱dīma̱haṃ nava̍straktimṛtāvṛ̱dham | indrā̱tpari̍ta̱ntva̍ṃ mame

Linked texts (5)