Lakshmisukta 2.5
Śrīsūktabhāṣya 2.5
- Language
- Sanskrit
2.5
atrāhaṃśabdaprakṣepaḥ prāmādikaḥ | candrāṃ candravat prakāśamānāṃ prabhāsāṃ prakṛṣṭā bhāḥ kāntiryasyāstāṃ | māṃ cetyāpi | yaśasā kīrtyā jvalantīṃ prakāśamānām | devajuṣṭāṃ devairindrādyaiḥ sevitāṃ prītāṃ vā (1) udārāṃ pragalbhāṃ vā padminīṃ padmalatārūpāṃ padmākārāṃ vā | īmiti nipātaḥ anarthakaḥ — "mitāvareṣvanarthakaḥ kimimīmiti" yāskavacanāt, īkāravācyāṃ vā tāṃ śriyaṃ loke ihaloke śaraṇaṃ rakṣitrīṃ prapadye prapanno'smi | ahamiti śeṣaḥ | ataḥ he śrīḥ me mama alakṣmīḥ aśrīḥ naśyatāṃ nāśaṃ prāpnotu | tvāṃ vṛṇe śaraṇatvena kurve |
iti prathamavargaḥ |