Lakshmisukta 4.13

4.13

śrīvidyāraṇyabhāṣyam |
ārdrāmiti | ārdrāṃ(2) ārdragandhāṃ puṣkariṇīṃ(3) abhiṣekodyuktadiggajaśuṇḍāgrāṃ puṣkaraśabdo gajaśuṇḍāgravācakaḥ padmavatīṃ vā padmalatārūpāṃ vā puṣṭiṃ puṣṭathabhimāninīṃ puṣṭirūpāṃ vā–'puṣṭirūpeṇa saṃsthitheti' mārkaṇḍeyavacanāt | piṅgalāṃ piṅgalavarṇām | padmamālinīmityādi siddhamanyat |
matāntare mantrapāṭho bhidyate na ca uttaragranthevāvagamyate ||
caturdaśī ṛk |
oṃ || ārdrāṃ yaṣṭikariṇīṃ yaṣṭiṃ suvarṇāṃ hemamālinīm | sūryāṃ hiraṇmayīṃ lakṣmīṃ jātavedo ma āvaha |
śrīvidyāraṇyabhāṣyam |
ārdrāṃ pūrvoktāṃ yaṣṭikariṇīṃ yaṣṭikarāṃ vetrahastāmityarthaḥ | yaṣṭiṃ daṇḍarūpāṃ–'dharmadaṇḍandrasaḥ' | tadvatīṃ daṇḍakāriṇīṃ daṇḍakarāṃ vā | yaṣṭi daṇḍarūpāṃ–'dharmadaṇḍasvarūpiṇī'miti trāhokteḥ | suvarṇāṃ śobhanavarṇāṃ rukmarūpiṇīṃ rukmiṇīṃ rukmadevatāṃ vā hemamālinīṃ hemavikṛtaśrṛṅgādimālāvatīṃ (4) sūryāṃ sūryaprakāśamānāṃ tadrūpāṃ vā | siddhamanyat |
caturdaśī ṛk || he agne ārdrāṃ pūrvoktāṃ puṣkariṇīṃ karihastāgravatīṃ yaṣṭiṃ pākaśālādidaṇḍarūpām, iṣṭimitipāṭhe yāgasvarūpām piṅgalāṃ kadūvarṇāṃ padmamālinīṃ pūrvoktarūpāṃ candrāṃ santoṣakarīṃ candramaṇḍalavāsinīṃ candrarūpāṃ karpūradhāriṇīṃ vā hiraṇmayīṃ suvarṇamayīṃ dhanarūpāṃ dhanaprasurāṃ vā lakṣmīṃ me madrthaṃ mametipāṭhe matsambandhiprayojanāya āvaha |