Lakshmisukta 4.9

4.9

śrīvidyāraṇyabhāṣyam | gandhaḥ ghrāṇagrāhyo guṇaḥ dvāraṃ lakṣaṇaṃ yasyāstāṃ (1)durādharṣāṃ kenāpi dharṣitumaśakyāṃ nityapuṣṭāṃ nityaṃ sadā sasyādibhiḥ puṣṭāṃ samṛddhāṃ karīṣiṇīṃ karīṣaḥ śuṣkagomayādistadvatīṃ gavāśvādibahupaśusamṛddhāmiti yāvat | sarvabhūtānāṃ sakalaprāṇināmīśvarīmadhiṣṭhātrīmādhārabhūtāṃ vā tāṃ bhūrūpāṃ śriyamiha upahvaye upāhvaye |
bhūtānāṃ samastaprāṇināmīśvarīṃ niyāmikāṃ (1)prabhurūpāṃ tāṃ śriyaṃ lakṣmīm iha asmin deśe ahamupahvaye matsamīpaṃ pratyāgacchetyāhvānaṃ karomītyarthaḥ |
"viṣṇupatnīṃ mahādevī" iti bhūsūkte |