Lakshmisukta 7.12

7.12

maṅgalabhāṣyam| patāvanmātreṇa paśusarjanena nāsmākamalaṃ caturthavarṇopetasya yajñādikarmakartṛvargasya varṇatritayasyābhāvāt api tu brāhmaṇādicāturvarṇyaprajāsṛṣṭirbhavitavyeti manasi nidhāya pūrvoktā devāḥ sādhyā ṛṣayaśca taṃ sarvakartāraṃ yajñeśvaraṃ dhyāyurityāha yatpuruṣaṃ vyadadhuriti| yaḥ puruṣaḥ paśujātamasṛjat taṃ puruṣaṃ vyadadhuḥ sandadhyuḥ śuddhabudhyā dhyānamakurvaṃśityarthaḥ|
dhyānaprakāraṃ śrutiḥ svayameva vikalpya brūte katidhā vyakalpayanniti| katidhā katiprakārairvyaṃkalpayan vyacintayan|
tadeva mukhādipādāntadhyānaṃ sphuṭayati mukhaṃ kimasya ko bāhū kāvūrū pādā ucyete kathyate |
pūrvoktapraśnottarāṇyāha-brāhmaṇaḥ brahmatvajātiviśiṣṭaḥ puruṣāṃsya prajāpatermukhamāsīt mukhādutpanna ityarthaḥ | rājanyaḥ kṣatriyatvajātiviśiṣṭo bāhū kṛtaḥ bāhutvena niṣpāditaḥ | tat tadānīmasya prajāpateḥ yat ūrū tadrūpo vaiśyaḥ sampannaḥ ya ūrubhyāmutpādita ityarthaḥ | tathāsya padbhyāṃ śūdratvajātimān puruṣo'jāyata utpannaḥ |