Lakshmisukta 9.3
Śrīsūktabhāṣya 9.3
- Language
- Sanskrit
9.3
upasadi vaiṣṇavayāgasya prātaḥkāle yājyā sāyaṃkāle'nuyākyā trīṇi padetyeṣā | sūtritaṃ ca—'trīṇi padā vi cakrama iti sithvak-dādi lupyata' iti | adābhyaḥ kenāpi hiṃsitumaśakyaḥ | gopāḥ sarvasya jagato rakṣako viṣṇuḥ | ata eteṣu pṛthivyādisthāneṣu trīṇi padāni vicakrame | kiṃ kurvan | dharmāṇyagnihotrādīni dhārayanpoṣayan | padā—supāṃ sulugityādinā vibhakterḍādeśaḥ | tasya sthānivadbhāvenānudāttatve prāpta udāttanivṛttisvareṇodāttatvam | gopāḥ—gopāmṛtasyetyatroktam | prakṛtisvaratvam | dhārayan—śapaḥ pittvādanudāttaḥ | śatṛśca | nañsamāsaḥ | avyayapūrvapadaprakṛtisvaratvam | adābhyaḥ—vṛbherṛhalorṇyaditi ṇyat | baṃdhātukasvareṇa ṇic eva svaraḥ śiṣyate |