Lakshmisukta 9.5
Śrīsūktabhāṣya 9.5
- Language
- Sanskrit
9.5
sūrayo vidvāṃsaṃ ṛtvigādayo viṣṇoḥ sambandhi paramamutkṛṣṭaṃ tacchāstraprasiddhaṃ padaṃ svargasthānaṃ śāstradṛṣṭyā sarvadā paśyanti | tatra dṛṣṭāntaḥ―divīva | ākāśe yathā''sataṃ sarvataḥ prasṛtaṃ cakṣurnirodhābhāvena viśadaṃ paśyati tadvat | sadā―sarvaikānyeti dāpratyayaḥ | 'sarvasya so'nyatarasyāṃ di' iti sarvaśabdasya sambhavaḥ | vyatyayenā''dyudāttatvam | divi―ūḍidamityādinā vibhakterudāttatvam | dvena vibhaktyalopaḥ pūrvapadaprakṛtisvaratvaṃ ceti tadeva śiṣyate | cakṣuḥ―nabviṣayasyetyāduyudāttatvam | ātatam―tatoteḥ karmaṇi ktaḥ | yasya vibhāṣetīṭpratiṣedhaḥ | anudāttopadeśetyādinā nalopaḥ | krudruttarapadaprakṛtisvaratve prāpte 'gatiranantaraḥ' iti gaterudāttatvam |