Pramāṇa · Search · About · API

Padapatha 101

Padapāṭha 101

Language
Sanskrit

101.1

hariḥ oṃ || ā | tvā̱ | rathe̍ | yathā̍ | ū̱taye̍ | su̱mnāya̍ | va̱rta̱yā̱ma̱si̱
tu̱vi̱'kū̱rmiṃ | ṛ̱ti̱'saha̍ṃ | iṃdra̍ṃ | śavi̍ṣṭha | sat'pa̍te || tu̱vi̱'śu̱ṣma̱
tu̱vi̱kra̱to̱iti̍tuvi'krato | śacī̍'vaḥ | vi̱śvayā̍ | ma̱te | ā | pa̱pra̱tha̱
mahi̱'tva̱nā || yasya̍ | te̱ | ma̱hi̱nā | ma̱haḥ | pari̍ | jmāyaṃtai̍ | ī̱yatu̍ḥ
hastā̍ | vajra̍ṃ | hira̱ṇyaya̍ṃ || vi̱śvāna̍rasya | va̱ḥ | pati̍ṃ | anā̍natasya
śava̍saḥ | e̱vaiḥ | ca̱ | ca̱rṣa̱ṇī̱nāṃ | ū̱tī | hu̱ve̱ | rathā̍nāṃ || a̱bhi̱ṣṭaye̍
sa̱dā̱'vṛdha̍ṃ | sva̍ḥ'mīḷheṣu | yaṃ | nara̍ḥ | nānā̍ | hava̍ṃte | ū̱taye̍

101.2

pu̱ra̱ḥ'mā̍traṃ | ṛ̱cīṣa̍maṃ | iṃdra̍ṃ | u̱graṃ | su̱'rādhe̍saṃ | īśā̍naṃ | cit
vasū̍nāṃ || taṃ'ta̍ṃ | it | rādha̍se | ma̱he | iṃdra̍ṃ | co̱dā̱mi̱ | pī̱taye̍
yaḥ | pū̱rvyā | anu̍'stutiṃ | īśe̍ | kṛ̱ṣṭī̱nāṃ | nṛ̱tuḥ || na | yasya̍ | te̱
śava̍sāna | sa̱khyaṃ | āna̍ṃśa | martya̍ḥ | naki̍ḥ | śavā̍ṃsi | te̱ | na̱śa̱t
tvā'ū̱tāsa̍ḥ | tvā | yu̱jā | a̱p'su | sūrye̍ | ma̱hat | dhana̍ṃ | jaye̍ma | pṛ̱t'su | va̱jri̱'va̱ḥ || taṃ | tvā̱ | ya̱jñebhi̍ḥ | ī̱ma̱he̱ | taṃ | gī̱ḥ'bhiḥ | gi̱rvaṇa̱ḥ'ta̱ṃma̱ | iṃdra̍ | yathā̍ | cit | ā̱vitha̍ | vāje̍ṣu | pu̱ru̱'mā̱yya̍ṃ

101.3

yasya̍ | te̱ | svā̱du | sa̱khyaṃ | svā̱dvī | pra̱'nīti̍ḥ | adri̍'vaḥ | ya̱jñaḥ
vi̱ta̍tasāyya̍ḥ || u̱ru | na̱ḥ | ta̱nvai̍ | tane̍ | u̱ru | kṣayā̍ya | na̱ḥ | kṛ̱dhi̱
u̱ru | na̱ḥ | ya̱ṃdhi̱ | jī̱vase̍ || u̱ruṃ | na̱ḥ'bhya̍ḥ | u̱ruṃ | gave̍ | u̱ruṃ
rathā̍ya | paṃthā̍ṃ | de̱va̱'vīti̍ṃ | ma̱nā̱ma̱he̱ || upa̍ | mā̱ | ṣaṭ | dvā'dvā̍
nara̍ḥ | soma̍sya | ha̱rṣyā̍ | tiṣṭha̍ṃti | svā̱du̱'rāta̍yaḥ || ṛ̱ñjrau | i̱dro̱te
ā | da̱de̱ | harī̱iti̍ | ṛkṣa̍sya | sū̱navi̍ | ā̱śva̱'me̱dhasya̍ | rohi̍tā

101.4

su̱'rathā̍n | ā̱ti̱thi̱'gve | su̱'a̱bhīśū̍n | ā̱rkṣe | ā̱śva̱'me̱dhe | su̱'perśa̍saḥ || ṣaṭ | aśvā̍n | ā̱ti̱thi̱'gve | iṃdre̍te | va̱dhū̱'maṃta̍ḥ | sa̱cā
pu̱t'kratau̍ | sa̱naṃ || ā | e̱ṣu | ce̱ta̱t | vṛṣa̍ṇ'vatī | aṃta̍ḥ | ṛ̱ñjreṣu̍
aru̍ṣī | su̱'a̱bhīśu̍ḥ | ka̱śā̍'vatī || na | yu̱ṣmeiti̍ | vā̱ja̱'ba̱ṃdha̱va̱ḥ
ni̱ni̱tsuḥ | ca̱na | martya̍ḥ | a̱va̱dyaṃ | ādhi̍ | dī̱dha̱ra̱t

101.0

pra'pra̍

101.5

maṃda̍t'vīrāya | iṃda̍ve | dhi̱yā | va̱ḥ | me̱dha̱'sāta̍ye | pu̱ra̱ṃ'dhyā | ā
vi̱vā̱sa̱ti̱ || nṛṃ | va̱ḥ | oda̍tīnāṃ | nṛṃ | yoyu̍vatīnāṃ | pati̍ṃ
va̱ḥ | a̱ghnyānā̍ṃ | dhe̱nū̱nāṃ | i̱ṣu̱dhyasi̍ || tāḥ | a̱sya̱ | sūd'do̍hasaḥ
soma̍ṃ | śrī̱ṇa̱ṃti̱ | pṛśna̍yaḥ | janma̍n | de̱vānā̍ṃ | viśa̍ḥ | tri̱ṣu | ā
ro̱cane | di̱vaḥ || a̱bhi | pra | go'pa̍tiṃ | gi̱rā | indra̍ṃ | a̱rca̱ | yathā̍
vi̱de | sū̱nuṃ | sa̱tyasya̍ | sat'pa̍tiṃ || ā | hara̍yaḥ | sa̱sṛ̱jri̱re̱
aru̍ṣīḥ | adhi̍ | ba̱rhiṣi̍ | yatra̍ | a̱bhi | sa̱ṃ'navā̍mahe

101.6

iṃdrā̍ya
gāva̍ḥ | ā'śi̍raṃ | du̱du̱hre | va̱jriṇe̍ | madhu̍ | yat | sī̍ṃ | upa̍'hvare
vi̱dat || ut | yat | bra̱dhnasya̍ | vi̱ṣṭapa̍ṃ | gṛ̱haṃ | iṃdra̍ḥ | ca̱ | ganvai̍he
madhva̍ḥ | pī̱tvā | sa̱ce̱va̱hi̱ | triḥ | sa̱pta | sa̱khyuḥ | pa̱de | arca̍ta | pra
arca̍ta | pri̱yaṃ'me̍dhāsaḥ | arca̍ta | aca̍ṃtu | pu̱tra̱kā̍ḥ | u̱ta | pura̍ṃ | na
dhṛ̱ṣṇu | a̱rca̱ta̱ || arve̍ | sva̱rāti̍ | gargara̍ḥ | go̱dhā | pari̍ | sa̱ni̱svana̱t
piṃrgā | pari̍ | ca̱ni̱ṣka̱da̱t | iṃdrā̍ya | brahma̍ | ut'ya̍taṃ || ā | yat
pata̍ṃti | e̱nya̍ḥ | su̱'dughā̍ḥ | ana̍pa'sphuraḥ | a̱pa̱'sphura̍ṃ | guhā̍yata
soma̍ṃ | iṃdrā̍yaṃ | pāta̍ve

Linked texts (3)