Pramāṇa · Search · About · API

Padapatha 120

Padapāṭha 120

Language
Sanskrit

120.0

taṃ | ū̱m̐iti̍ | stavā̱ma̱
yaṃ | gira̍ḥ | iṃdra̍ṃ | u̱kthāni̍ | vṛ̱vṛ̱dhuḥ | pu̱rūṇi̍ | a̱sya̱ | pauṃsyā̍
sisā̍saṃtaḥ | va̱nā̱ma̱he̱

120.31

śu̱ddhaṃ | śu̱ddhena̍ | sāmnā̍ | śu̱ddhaḥ | u̱kthaiḥ
vṛ̱vṛ̱dhvāṃsa̍ṃ | śu̱ddhaḥ | ā̱śīḥ'vā̍n | ma̱ma̱ttu || iṃdra̍ | śu̱ddhaḥ | na̱ḥ | ā
ga̱hi̱ | śu̱ddhaḥ | śu̱ddhābhi̍ḥ | ū̱ti'bhi̍ḥ | śu̱ddhaḥ | ra̱yiṃ | ni | dhā̱ra̱ya̱
śu̱ddhaḥ | ma̱ma̱ddhi̱ | so̱myaḥ || iṃdra̍ | śu̱ddhaḥ | hi | na̱ḥ | ra̱yiṃ | śu̱ddhaḥ
ra̱tnāni̍ | dā̱śuṣe̍ | śu̱ddhaḥ | vṛ̱trāṇi̍ | ji̱ghnase̍ | śu̱ddhaḥ | vāja̍ṃ
si̱sā̱sa̱si̱

120.32

a̱smai | u̱ṣasa̍ḥ | ā | a̱ti̱ra̱ṃta̱ | yāma̍ṃ | iṃdrā̍ya
nakta̍ṃ | ū̱rmyā̍ḥ | su̱'vāca̍ḥ | a̱smai | āpa̍ḥ | mā̱tara̍ḥ | sa̱pta | ta̱sthuḥ
nṛ'bhya̍ḥ | tarā̍ya | siṃdha̍vaḥ | su̱'pā̱rāḥ || ati̍'viddhā | vi̱thure̍ṇa
cit | a̱śrā̍ | triḥ | sa̱pta | sānu̍ | saṃ'hi̍tā | gi̱rī̱ṇāṃ | na
tat | de̱vaḥ | na | martya̍ḥ | tu̱tu̱ryā̱t | yāni̍ | pra̱'vṛ̱ddhaḥ | vṛ̱ṣa̱bhaḥ
ca̱kāra̍ || iṃdra̍sya | vajra̍ḥ | ā̱ya̱saḥ | ni̱'mi̍ślaḥ | iṃdra̍sya | bā̱hvoḥ
bhūri̍ṣṭhaṃ | oja̍ḥ | śī̱rṣan | iṃdra̍sya | krata̍vaḥ | ni̱reke̍ | ā̱sa̱n | ā
ī̱ṃ'paṃta̍ | śru̱tyai | u̱pā̱ke || manye̍ | tvā̱ | ya̱jñiya̍ṃ | ya̱jñiyā̍nāṃ | manye̍
tvā̱ | cyava̍naṃ | acyu̍tānāṃ | manye̍ | tvā̱ | satva̍nāṃ | iṃdra̍ | ke̱tuṃ
manye̍ | tvā̱ | vṛ̱ṣa̱bhaṃ | ca̱rṣa̱ṇī̱nāṃ || ā | yat | vajra̍ṃ | bā̱hvoḥ | iṃdra̍
dha̱tse | ma̱ha̱'cyu̱taṃ | aha̍ye | haṃta̍vai | ū̱m̐ iti̍ | pra | parva̍tāḥ
a̱na̍va̍ta | pra | gāva̍ḥ | pra | brahmā̍ṇaḥ | a̱bhi̱'na̱kṣaṃta̍ḥ | iṃdra̍ṃ

120.33

taṃ | ū̱ṃ iti̍ | stu̱vā̱ma̱ | yaḥ | i̱mā | ja̱jāna̍ | viśvā̍ | jā̱tāni̍
ava̍rāṇi | a̱smāt | iṃdre̍ṇa | mi̱traṃ | di̱dhi̱ṣe̱ma̱ | gī̱'bhiḥ | upo̱iti̍ | nama̍ḥ'bhiḥ | vṛ̱ṣa̱bhaṃ | vi̱śe̱ma̱ || vṛ̱trasya̍ | tvā̱ | śva̱sathā̍t
īṣa̍māṇāḥ | viśve̍ | de̱vāḥ | a̱ja̱hu̱ḥ | ye | sakhā̍yaḥ | ma̱rut'bhi̍ḥ
iṃdra̍ | sa̱khyaṃ | te̱ | a̱stu̱ | atha̍ | i̱māḥ | viśvā̍ḥ | pṛta̍nāḥ
ja̱yāsi̍ || triḥ | ṣa̱ṣṭiḥ | tvā̱ | ma̱ruta̍ḥ | va̱vṛ̱dhā̱nāḥ | u̱srāḥ'i̍va
rā̱śaya̍ḥ | ya̱jñiyā̍saḥ | upa̍ | tvā̱ | ā | i̱ma̱ḥ | kṛ̱dhi | na̱ḥ | bhā̱ga̱'dheya̍ṃ | śu̱ṣmaṃ | te̱ | e̱nā | ha̱viṣā̍ | vi̱dhe̱ma̱ || ti̱gmaṃ | ā̱yu̱dhaṃ
ma̱rutā̍m | anī̍kaṃ | kaḥ | te̱ | iṃdra̍ | prati̍ | va̱jraṃ | da̱dha̱rṣa̱ | a̱nā̱yu̱dhāsa̍ḥ
asu̍rāḥ | a̱de̱vāḥ | ca̱kreṇa̍ | tān | apa̍ | va̱pa̱ | ṛ̱jī̱ṣi̱n || ma̱he
u̱grāya̍ | ta̱vase̍ | su̱'vṛ̱ktiṃ | pra | ī̱raya̱ | śi̱va'ta̍māya | pṛ̱śvaḥ
gi̱rvāha̍se | gira̍ḥ | iṃdrā̍ya | pū̱rvīḥ | dhe̱hi̱ | ta̱nve̍ | ku̱vit | aṃga̍
vedā̍t

Linked texts (3)