Padapatha 253

Padapāṭha 253

Language: Sanskrit

253.0

marto̍saḥ | tvā̱ | saṃ'i̱dhāna | ha̱vāma̱he̱ | mṛ̱ḷī̱kāya̍
ha̱vāma̱he̱ || tvāṃ | ū̱m̐iti̍ | jā̱ta've̍dasaṃ | vi̱śva'vā̍raṃ | gṛ̱ṇe̱ | dhi̱yā
agne̍ | de̱vān | ā | va̱ha̱ | na̱ḥ | pri̱ya'vra̍tān | mṛ̱ḷī̱kāya̍ | pri̱ya'vra̍tān || a̱gniḥ | de̱vaḥ | de̱vānā̍ṃ | a̱bhava̱t | pu̱raḥ'hi̍taḥ | a̱gniṃ
ma̱nu̱ṣyā̍ḥ | ṛṣa̍yaḥ | saṃ | ī̱dhi̱re̱ | a̱gniṃ | ma̱haḥ | dhane̍'sātau | a̱haṃ
hu̱ve̱ | mṛ̱ḷī̱kaṃ | dhane̍'sātaye || a̱gniḥ | atri̍ | bhara̍t'vājaṃ | gavi̍ṣṭhiraṃ
pra | ā̱va̱t | na̱ḥ | kaṇva̍ṃ | tra̱sadva̍syuṃ | ā'ha̱ve | a̱gniṃ | vasi̍ṣṭhaḥ
ha̱va̱te̱ | pu̱raḥ'hi̍taḥ | mṛ̱ḷī̱kāya̍ | pu̱raḥ'hi̍taḥ

253.9

śra̱ddhayā̍ | a̱gniḥ
saṃ | i̱dhya̱te̱ | śra̱ddhayā̍ | hū̱ya̱te̱ | ha̱viḥ | śra̱ddhāṃ | bhaga̍sya | mū̱rdhani̍ | vaca̍sā
ā | ve̱da̱yā̱ma̱si̱ || pri̱yaṃ | śra̱ddhe | dada̍taḥ | pri̱yaṃ | śra̱ddhe | didā̍sataḥ
pri̱yaṃ | bho̱jeṣu̍ | yajva̍'su | i̱daṃ | me̱ | u̱di̱taṃ | kṛ̱dhi̱ || yathā̍ | de̱vāḥ
asu̍reṣu | śra̱ddhāṃ | u̱greṣu̍ | ca̱kri̱re || eva̍ | bho̱jeṣu̍ | yajva̍'su
a̱smāka̍ṃ | u̱di̱taṃ | kṛ̱dhi̱ | śra̱ddhāṃ | de̱vāḥ | yaja̍mānāḥ | vā̱yu'go̍pāḥ
u̱pa̍ | ā̱sa̱te̱ | śra̱ddhāṃ | hṛ̱da̱yya̍yā | ā'kū̍tyā | śra̱ddhayā̍ | vi̱ṃda̱te̱
vasu̍ || śra̱ddhāṃ | prā̱taḥ | ha̱vā̱ma̱he̱ | śra̱ddhāṃ | ma̱dhya̱ṃdina̍ṃ | pari̍ | śra̱ddhāṃ
sūrya̍sya | ni̱'mlucai̍ | śraddhe̍ | śrat | dhā̱pa̱ya̱ | i̱ha | na̱ḥ

253.10

śāsa̍ḥ
i̱tthā | ma̱hān | a̱si̱ | a̱mitra̱'khāda̍ḥ | a̱dbhutaḥ | na | yasya̍
ha̱nyate̍ | sakhā̍ | na | jīya̍te | kadā̍ | ca̱na || sva̱sti̱'dāḥ
vi̱śaḥ | pati̍ḥ | vṛ̱tra̱'hā | vi̱'mṛdha̍ḥ | va̱śī | vṛṣā̍ | iṃdra̍ṃ | pu̱raḥ
e̱tu̱ | na̱ḥ | so̱ma̱'pāḥ | a̱bha̱ya̱ṃ'ka̱raḥ || vi | rakṣa̍ḥ | vi | mṛdha̍ḥ
ja̱hi̱ | vi | vṛ̱trasya̍ | hanū̱iti̍ | ru̱ja̱ | vi | ma̱nyuṃ | iṃdra̍ | vṛtra̱'han
amitra̍sya | a̱bhi̱'dāsa̍taḥ || vi | na̱ḥ | indra̍ | mṛdha̍ḥ | ja̱hi̱
nīcā̍ | ya̱ccha̱ | pṛta̱nyata̍ḥ | yaḥ | a̱smān | a̱bhi̱'dāsa̍ti | adha̍raṃ
ga̱maya̱ | tama̍ḥ || arpa̍ | indra̍ | dvi̱ṣata̍ḥ | mana̍ḥ | arpa̍
jijyā̍sataḥ | va̱dhaṃ | vi | ma̱nyoḥ | śarma̍ | ya̱ccha̱ | varīya̍ḥ
ya̱vaya̱ | va̱dhaṃ

253.11

ī̱khaya̍ntīḥ | a̱pa̱syuva̍ḥ | indra̍ṃ | jā̱taṃ | upa̍
ā̱sa̱te̱ | bhejā̱nāsa̍ḥ | su̱'vīrya̍ṃ || tvaṃ | indra̍ | balo̍t | adhi̍
saha̍saḥ | jā̱taḥ | oja̍saḥ | tvaṃ | vṛ̱ṣan | vṛṣa̍ | it | a̱si̱
tvaṃ | indra̍ | a̱si̱ | vṛ̱tra̱'hā | vi | a̱ntari̍kṣaṃ | a̱tira̍ḥ
ut | dyāṃ | a̱sta̱bhnāḥ | oja̍sā || tvaṃ | indra̍ | sa̱'joṣa̍saṃ
a̱rkaṃ | bibha̍rṣi | bā̱hvoḥ | vajra̍ṃ | śiśāna̍ḥ | oja̍sā || tvaṃ | indra̍
a̱bhi̱'bhūḥ | a̱si̱ | viśvā̍ | jā̱tāni̍ | oja̍sā | saḥ | viśvā̍ḥ | bhuva̍ḥ
ā | a̱bha̱va̱ḥ

Linked texts (3)

Metrically restored text (van Nooten & Holland) — Sanskrit
Saṃhitāpadapāṭha — Sanskrit
Ṛgvedasaṃhitāpadapāṭha — Sanskrit