Padapatha 26
Padapāṭha 26
- Language
- Sanskrit
26.1
hariḥ oṃ || pra | brahma̍ | e̱tu̱ | sada̍nāt | ṛ̱tasya̍ | vi | ra̱śmi'
bhiḥ | sa̱sṛ̱je | sūrya̍ḥ | gāḥ | vi | sānu̍nā | pṛ̱thi̱vī | sa̱stre̱ | u̱rvī
pṛ̱thu | pratī̍kaṃ | a̱dhve̍ | ā | ī̱dhe̱ | a̱gniḥ | i̱māṃ | vā̍ṃ | mi̱trā̱varu̱ṇā
su̱'vṛ̱ktiṃ | iṣai | na | kṛ̱ṇve̱ | a̱su̱rā̱ | navī̍yaḥ | ina̍ḥ | vā̱ṃ | a̱nyaḥ
pa̱da̱'vīḥ | ada̍bdhaḥ | janai̍ | ca̱ | mi̱traḥ | ya̱ta̱ti̱ | bru̱vā̱ṇaḥ | ā
vāta̍sya | dhraja̍taḥ | raṃte̍ | i̱tyāḥ | apī̍payaṃta | dhe̱nava̍ḥ | na | sū̱dāḥ
ma̱haḥ | di̱vaḥ | sada̍ne | jāya̍mānaḥ | acī̍kradat | vṛ̱ṣabha̍ḥ | sasmi̍n
ūdha̍n | gi̱rā | yaḥ | e̱tā | yu̱naja̍t | harī̱iti̍ | te | iṃdre̍ | pri̱yā
su̱'rathā̍ | śūra̍ | dhā̱yūiti̍ | pra | yaḥ | ma̱nyuṃ | ri̱ri̱kṣata̍ḥ | mi̱nāti̍
ā | su̱'kratu̍ṃ | a̱rya̱ṇaṃ | va̱vṛ̱tyā̍ṃ | yaja̍te | a̱sya̱ | sa̱khyaṃ | vya̍ḥ
ca̱ | nama̱svina̍ḥ | sve | ṛ̱tasya̍ | dhāma̍n | vi | pṛkṣa̍ḥ | bā̱ba̱dhe
nṛ'bhi̍ḥ | stavā̍naḥ | i̱daṃ | nama̍ḥ | ru̱drāya̍ | preṣṭha̍m
26.0
ā | yat
sā̱kaṃ | yaśa̍saḥ | vā̱va̱śānā̍ḥ | sara̍svatī | sa̱ptathī̍ | sindhu̍'mātā
yāḥ | su̱srvaya̍nta | su̱'dughā̍ḥ | su̱'dhārā̍ḥ | a̱bhi | svena̍ | paya̍sā
pīpyā̍nāḥ | u̱ta | tye | na̱ḥ | ma̱ruta̍ḥ | maṃda̍sānāḥ | dhiya̍ṃ | to̱kaṃ
ca̱ | vā̱jina̍ḥ | a̱va̱ntu | mā | na̱ḥ | pari̍ | khya̱t | akṣa̍rā | cara̍ntī
avī̍vṛdhan | yu̱jya̍ṃ | te | ra̱yiṃ | na̱ḥ | pra | va̱ḥ | ma̱hīṃ | a̱rama̍tiṃ
kṛ̱ṇu̱dhva̱ṃ | pra | pū̱ṣaṇa̍ṃ | vi̱dathya̍ṃ | na | vī̱raṃ | bhaga̍ṃ | dhiya̍ḥ | a̱vi̱tāra̍ṃ
na̱ḥ | a̱syāḥ | sā̱tau | vāja̍ṃ | rā̱ti'sāca̍ṃ | pura̍ṃ'dhiṃ | accha̍ | a̱yaṃ
va̱ḥ | ma̱ru̱ta̱ḥ | śloka̍ḥ | e̱tu̱ | accha̍ | viṣṇu̍ṃ | ni̱sikta̍'pāṃ | ava̍ḥ'bhiḥ
u̱ta | pra̱'jāyai̍ | gṛ̱ṇa̱te | vaya̍ḥ | dhu̱ḥ
26.3
2 || ā | va̱ḥ | vāhi̍ṣṭhaḥ
va̱ha̱tu̱ | stava̍dhyai | ratha̍ḥ | vājā̍ḥ | ṛ̱bhu̱kṣaṇa̍ḥ | a̱mṛ̱ktaḥ | a̱bhi
tri̱'pṛ̱ṣṭhaḥ | sava̍neṣu | somai̍ḥ | made̍ | su̱'śi̱iprā̱ḥ | ma̱ha'bhi̍ḥ | pṛ̱ṇa̱dhva̱ṃ
yū̱yaṃ | ha̱ | ratna̍ṃ | ma̱ghava̍t'su | dha̱ttha̱ | sva̍ḥ'dṛśaḥ | ṛ̱bhu̱kṣaṇa̍ḥ
amṛ̍ktaṃ || saṃ | ya̱jñeṣu̍ | sva̱dhā'va̍ṃtaḥ | pi̱ba̱dhva̱ṃ | vi | na̱ḥ | rādhā̍ṃsi
ma̱ti'bhi̍ḥ | da̱ya̱dhva̱ṃ | u̱voci̍tha | hi | ma̱ghavan | de̱ṣṇaṃ | ma̱haḥ
a̱rbhasya̍ | vasu̍naḥ | vi̱'bhāge̍ | u̱bhā | te̱ | pū̱rṇā | vasu̍nā | gabha̍stī̱ iti̍
na | sū̱nṛtā̍ | ni̍ | ya̱ma̱te̱ | va̱svyā̍ | tvaṃ | iṃdra̍ | sva'rya̍śāḥ | ṛbhukṣāḥ
vāja̍ḥ | na | sā̱dhuḥ | aste̍ | e̱ṣi̱ | ṛkvā̍ | va̱yaṃ | nu | te̱ | dā̱śvāṃsa̍ḥ
syā̱ma̱ | brahma̍ | kṛ̱ṇvaṃta̍ḥ | ha̱ri̱'va̱ḥ | vasi̍ṣṭhāḥ | sa̱ni̱tā | a̱si̱
pra̱'vata̍ḥ | dā̱śuṣe̍ | cit | yābhi̍ḥ | vi̱veṣa̍ḥ | ha̱ri̱'aśva̍ | dhī̱bhi̍ḥ
va̱va̱nma | nu | te̱ | yu̱jyā̍bhiḥ | ū̱tī | ka̱dā | na̱ḥ | iṃdra̍ | rā̱yaḥ | ā
da̱śa̱sye̱ḥ
26.0-2
vā̱sa̱ryasi̍'iva | ve̱dhasa̍ḥ | tvaṃ | na̱ḥ | ka̱dā
na̱ḥ | iṃdra̍ | vaca̍saḥ | bu̱bodha̍ḥ || aste̍ | tātyā | dhiyā | ra̱yiṃ
su̱'vīra̍ṃ | pṛ̱kṣaḥ | na̱ḥ | arvan | ni | u̱hīta̱ | vā̱jī | a̱bhi
yaṃ | de̱vī | ni̱'ṛ̍tiḥ | cit | īśe̍ | nakṣa̍te | iṃdra̍ṃ | śa̱rada̍ḥ
su̱'pṛkṣa̍ḥ | upa̍ | tri̱'baṃdhu̍ḥ | ja̱ra̱t'a̍ṣṭi̱ | e̱ti̱ | a̱smat've̍śaṃ
yaṃ | kṛ̱ṇvaṃta̍ | martā̍ḥ | ā | na̱ḥ | rādhahāṃsi | sa̱vi̱ta̱riti̍ | stava̍dhyai
ā | rā̱yaḥ | ya̱ṃtu̱ | parvata̍sya | rā̱tau | sadā̍ | na̱ḥ | di̱vyaḥ | pā̱yuḥ
si̱ṣa̱ktu̱
26.0-3
4
26.0-4
yayāma̍
26.0-5
nūnaṃ | bhaga̍ḥ | havya̍ḥ
mānu̍ṣebhyaḥ | vi | yaḥ | ratnā̍ | pu̱ru̱'vasu̍ḥ | dadhā̍ti | ut | ū̱m̐rdhvate̍
tiṣṭha̍ | sa̱vi̱ta̱riti̍ | śru̱dhi | a̱sya | hira̍ṇya'pāṇe | pra̱'bhṛtau̍
ṛ̱tasya̍ | vi | u̱rvī | pṛ̱thvīṃ | a̱ma̍tiṃ | sṛ̱jāna̍ḥ | ā | nṛ'bhya̍ḥ
marta̍'bhojanaṃ | su̱vāna̍ḥ | api̍ | stu̱taḥ | sa̱vi̱tā | de̱vaḥ | a̱stu̱
yaṃ | ā | cit | viśve̍ | vasava̍ḥ | gṛ̱ṇaṃti̍ | saḥ | na̱ḥ | stomā̍n
nama̍syaḥ | cana̍ḥ | dhā̱t | viśve̍bhiḥ | pā̱tu̱ | pā̱yu'bhi̍ḥ | ni
sūrīn
26.5
adi̍tiḥ | gṛ̱ṇā̱ti̱ | sava̍ṃ | de̱vasya̍ | sa̱vi̱tuḥ
ju̱ṣā̱ṇā | a̱bhi | sa̱ṃ'rāja̍ḥ | varu̍ṇaḥ | gṛ̱ṇa̱ti̱ | a̱bhi | mi̱trāsa̍ḥ
a̱rya̱mā | sa̱'joṣā̍ḥ | a̱bhi | ye | mitha̍ḥ | vanu̍ṣaḥ | sapa̍ṃte | rā̱tiṃ
di̱vaḥ | rā̱ti̱'sāca̍ḥ | pṛ̱thi̱vyāḥ | ahi̍ḥ | bu̱dhnya̍ḥ | uta | na̱ḥ
śṛ̱ṇo̱tu̱ | va̱rū̱trī | eka̍dhenu'bhiḥ | ni | pā̱tu̱ | anu̍ | tat | na̱ḥ
gnāḥpa̍tiḥ | ma̱ṃsī̱ṣṭa̱ | ratna̍ṃ | de̱vasya̍ | sa̱vi̱tuḥ | i̱yā̱naḥ | bhaga̍ḥ | u̱graḥ
ava̍se | joha̍vīti | bhaga̍ḥ | anu̍graḥ | adha̍ | yā̱ti̱ | ratna̍ṃ | śaṃ | na̱ḥ
bha̱vaṃtu̱ | vā̱jina̍ḥ | have̍ṣu | de̱va'tā̍tā | mi̱ta'dra̍vaḥ | su̱'a̱rkāḥ
ja̱ṃbhayaṃta̍ḥ | ahi̍ṃ | vṛka̍ṃ | rakṣā̍m̐si | sane̍mi | a̱smat | yu̱yu̱va̱n
amī̍vāḥ | vāje̍'vāje | a̱va̱ta̱ | vā̱jina̍ḥ | na̱ḥ | dhane̍ṣu | viprā̍ḥ
a̱mṛtā̍ḥ | ṛ̱ta̱'jñāḥ | a̱sya | madhva̍ḥ | piba̍ta | mā̱daya̍dhvaṃ | tṛ̱ptāḥ
yā̱ta̱ | pa̱thi'bhi̍ḥ | de̱va'yānai̍ḥ
Linked texts (4)
- Śākala — Sanskrit
- Saṃhitāpadapāṭha — Sanskrit
- Ṛgvedasaṃhitāpadapāṭha — Sanskrit
- Savitādevasūkta — Sanskrit