Pramāṇa · Search · About · API

Samhitapadapatha 412

Saṃhitāpadapāṭha 412

Language
Sanskrit

412.0

brahma̍ | gāṃ | aśva̍ṃ
ja̱naya̍ntaḥ | oṣa̍dhīḥ | vana̱spatī̍n | pṛ̱thi̱vīṃ | parva̍tān | a̱paḥ | sūrya̍ṃ
di̱vi | ro̱haya̍ntaḥ | su̱'dā̱nava̍ḥ | āryā̍ | vra̱tā | vi̱'sṛja̍ntaḥ | adhi̍
kṣami̍ | bhu̱jyuṃ | aṃha̍saḥ | pi̱pṛ̱tha̱ḥ | niḥ | a̱śvinā̍ | śyāva̍ṃ | pu̱traṃ
va̱dhri'ma̍tyāḥ | a̱ji̱nva̱ta̱ṃ | ka̱ma̱'dyuva̍ṃ | vi̱'ma̱dāya̍ | ū̱ha̱thuḥ | yu̱vaṃ
vi̱ṣṇā̱pva̍ṃ | vi̱śva̍kāya | ava̍ | sṛ̱ja̱tha̱ḥ || pā̱vīra̍vī | ta̱nya̱tuḥ | eka̍'pāt | aja̍ḥ | di̱vaḥ | dha̱rtā | siṃdhu̍ḥ | āpa̍ḥ | sa̱mu̱driya̍ḥ | viśve̍
de̱vāsa̍ḥ | śṛ̱ṇva̱n | vacā̍ṃsi | me̱ | sara̍svatī | sa̱ha | dhī̱bhiḥ | pura̍ṃ'dhyā

412.0-2

rā̱ti̱'sāca̍ḥ | a̱bhi̱'sāca̍ḥ | sva̱ḥ'vida̍ḥ | svaṃḥ | gira̍ḥ
brahma̍ | su̱'u̱ktaṃ | ju̱ṣe̱ra̱n | de̱vān | vasi̍ṣṭhaḥ | a̱mṛtā̍n | va̱vaṃde̱ | ye
viśvā̍ | bhuva̍nā | a̱bhi | pra̱'ta̱sthuḥ

412.12

11 || de̱vān | hu̱ve̱
bṛ̱ha̱t'śra̍vasaḥ | sva̱staye̍ | jyoti̍ḥ'kṛtaḥ | a̱dhva̱rasya̍ | pra̱'ceta̍saḥ
ye | vṛ̱vṛ̱dhuḥ | pra̱'tara̍ṃ | vi̱śva've̍dasaḥ | iṃdre̍'jyeṣṭhāsaḥ | a̱mṛtā̍ḥ
ṛ̱ta̱'vṛdha̍ḥ || iṃdre̍'prasūtāḥ | varu̍ṇa'praśiṣṭāḥ | ye | sūrya̍sya | jyoti̍ṣaḥ
bhā̱gaṃ | ā̱na̱śuḥ | ma̱rut'ga̍ṇe | vṛ̱jane̍ | manma̍ | dhī̱ma̱hi̱ | mā̱dhvīne̍
ya̱jñaṃ | ja̱naya̍nta | su̱rya̍ḥ || indra̍ḥ | vasu̍'bhiḥ | pari̍ | pā̱tu̱ | na̱ḥ | gaya̍m
ā̱di̱tyaiḥ | na̱ḥ | adi̍tiḥ | śarma̍ | ya̱ccha̱tu̱ | ru̱draḥ | ru̱drebhi̍ḥ | de̱vaḥ
mṛ̱ḷayā̍ti̱ | na̱ḥ | tvaṣṭā̍ | na̱ḥ | gnābhi̍ḥ | su̱vi̱tāya̍ | ji̱nva̱tu̱ || adi̍tiḥ
dyāvā̍pṛthi̱vīiti̍ | ṛ̱taṃ | bṛ̱hat | indrā̍viṣṇūiti̍ | ma̱ruta̍ḥ | sva̍ḥ
bṛ̱hat | de̱vān | ā̱di̱tyān | ava̍se | ha̱vā̱ma̱he̱ | vasū̍n | ru̱drān
sa̱vi̱tāra̍m | su̱'daṃsa̍saṃ || sara̍svān | dhī̱bhiḥ | varu̍ṇaḥ | dhṛ̱ta'vra̍taḥ
pū̱ṣā | viṣṇu̍ḥ | ma̱hi̱mā | vā̱yuḥ | a̱śvinā̍ | bra̱hma̱'kṛta̍ḥ | a̱mṛtā̍ḥ
vi̱śva've̍dasaḥ | śarma̍ | na̱ḥ | ya̱ṃsa̱n | tri̱'va̱rū̱thaṃ | aṃha̍saḥ

412.13

vṛṣā̍ | ya̱jñaḥ | vṛṣa̍ṇaḥ | sa̱ṃtu̱ | ya̱jñiyā̍ḥ | vṛṣa̍ṇaḥ | de̱vāḥ | vṛṣa̍ṇaḥ
ha̱vi̱ḥ'kṛta̍ḥ | vṛṣa̍ṇā | dyāvā̍pṛthi̱vīiti̍ | ṛ̱tava̍rīityṛ̱ta'va̍rī | vṛṣā̍
pa̱rjanya̍ḥ | vṛṣa̍ṇaḥ | vṛṣa̱'stubha̍ḥ || a̱gnīṣomā̍ | vṛṣa̍ṇā | vāja̍'sātaye
pu̱ru̱'pra̱śa̱stā | vṛ̱ṣa̱ṇau̱ | upa̍ | bru̱ve̱ | yau | ī̱ji̱re | vṛṣa̍ṇaḥ | de̱va̱'yu̱jyayā̍ | tā | na̱ḥ | śarma̍ | tri̱'va̱rū̱thaṃ | vi | ya̱ṃsa̱ta̱ḥ || dhṛ̱ta'vra̍tāḥ
kṣa̱triyā̍ḥ | ya̱jña̱ni̱ḥ'kṛta̍ḥ | bṛ̱ha̱t'di̍vāḥ | a̱dhva̱rāṇāṃ | a̱bhi̱'śriya̍ḥ
a̱gni̱'ho̍tāraḥ | ṛ̱tu̱'sāpa̍ḥ | a̱druha̍ḥ | apa̍ḥ | a̱sṛ̱ja̱n | anu̍ | vṛ̱tra̱'tūrye̍ || dyāvā̍pṛthi̱vīiti̍ | ja̱naya̍n | a̱bhi | vra̱tā | āpa̍ḥ | oṣa̍dhīḥ
va̱ninā̍ni | ya̱jñiyā̍ | a̱ntari̍kṣaṃ | sva̍ḥ | ā | pa̱pru̱ḥ | ū̱taye̍ | vaśa̍
de̱vāsa̍ḥ | ta̱nvi̍ | ni | ma̱mṛ̱ju̱ḥ || dha̱rttāra̍ḥ | di̱vaḥ | ṛ̱bhava̍ḥ | su̱'hastā̍ḥ | vā̱tā̱pa̱rjanyā̍ | ma̱hi̱ṣasya̍ | ta̱nya̱toḥ | āpa̍ḥ | oṣa̍dhīḥ
pra | ti̱ra̱ṃtu̱ | na̱ḥ | gira̍ḥ | bhaga̍ḥ | rā̱tiḥ | vā̱jina̍ḥ | ya̱ṃtu̱ | me̱
hava̍m

Linked texts (3)