Pramāṇa · Search · About · API

Samhitapadapatha 415

Saṃhitāpadapāṭha 415

Language
Sanskrit

415.0

bha̱drāḥ
a̱gne̱ | va̱dhri'a̍śvasya | sa̱ṃ'dṛśa̍: | vā̱mī | pra'nī̍tiḥ | su̱'ra̱ṇāḥ
upe̍'itayaḥ | yat | ī̱m | su̱'mi̱trāḥ | viśa̍: | a̱gne̱ | īṃdha̍te | ghṛ̱tena̍
ā'hu̍taḥ | ja̱rase̱ | da̱rvi̱dyuta̍t || ghṛ̱taṃ | a̱gne̱ | va̱dhri'a̍śvasya̍ | vardha̍naṃ
ghṛ̱taṃ | anna̍ṃ | ghṛ̱taṃ | ū̱m̐ iti̍ | asya̍ | meda̍naṃ | ghṛ̱tena̍ | ā'hu̍taḥ
u̱rvi̱yā | vi | pa̱pra̱the̱ | sūrya̍:'iva | ro̱ca̱te̱ | sa̱rpiḥ'ā̍sutiḥ || yat
te̱ | ma̱nuḥ | yat | anī̍kaṃ | su̱'mi̱traḥ | sa̱ṃ'īṃdhe̍ | a̱gne̱ | tat | i̱daṃ
navī̍yaḥ | saḥ | re̱vat | śo̱ca̱ | saḥ | gira̍: | ju̱ṣa̱sva̱ | saḥ | vāja̍ṃ
da̱rṣi̱ | saḥ | i̱ha | śrava̍: | dhā̱ḥ || yaṃ | tvā̱ | pū̱rve | īḷi̍taḥ | va̱dhri'aśva̍ḥ | sa̱ṃ'īṃdhe̍ | a̱gne̱ | saḥ | i̱daṃ | ju̱ṣa̱sva̱ | saḥ | na̱: | sti̱'pāḥ
u̱ta | bha̱va̱ | ta̱nū̱'pāḥ | trāta̍ṃ | ra̱kṣasva̱ | yat | i̱daṃ | te̱ | a̱sme iti̍
bhava̍ | dyu̱mnī | va̱dhri'a̍śva | u̱ta | go̱pāḥ | mā | tvā̱ | tā̱rī̱t
a̱bhi'mā̍tiḥ | janā̍nāṃ | śūra̍:'iva | dhṛ̱ṣṇuḥ | cyava̍naḥ | su̱'mi̱traḥ
pra | nu | vo̱ca̱ṃ | va̱dhri'a̍śvasya | nāma̍ | saṃ | a̱ja̱ryā | parva̍tyā
vasū̍ṃni | dāsā̍ | vṛ̱trāṇi̍ | āryā̍ | ji̱ge̱tha̱

415.19

janā̍nāṃ | tvaṃ
agne̱ | pū̱tanā̱'yūna̍ | a̱bhi | syā̱ḥ

415.20

dī̱rgha'ta̍ntuḥ | bṛ̱hat'ukṣā | a̱yaṃ | a̱gniḥ | sa̱ha̱sra̱'starī̍ḥ | śa̱ta'nī̍thaḥ | ṛ̱bhvā̍ | dyu̱'mān | dyu̱mat'su̍ | nṛ'bhi̍ḥ | mṛ̱jyamā̍naḥ | su̱'mitreṣu̍ | dī̱daya̱t
de̱va̱yat'su̍ || tve'iti̍ | dhe̱nuḥ | su̱'dughā̍ | jā̱ta̱'ve̱da̱ḥ | a̱sṛ̱śro̱tā̍'iva | sa̱manā̍ | sa̱baḥ'dhuk | tvaṃ | nṛ'bhi̍ḥ | da̱kṣi̱ṇā̱vat'bhi̍ḥ | a̱gne̱
su̱'mitrebhi̍ḥ | i̱dhya̱se̱ | de̱va̱yat'bhi̍ḥ || de̱vāḥ | cit | te | a̱mṛtā̍ḥ
jā̱ta̱'ve̱da̱ḥ | ma̱hi̱māna̍ṃ | va̱dhri̱'a̱śva̱ | pra | vo̱ca̱n | yat | sa̱ṃ'pṛccha̍ṃ
mā̱nu̱ṣīḥ | viśa̍ḥ | ā̱ryan | tvaṃ | nṛ'bhi̍ḥ | a̱jaya̍ḥ | tvā'vṛ̱dhebhi̍ḥ
pi̱tā'i̍va | pu̱traṃ | a̱bi̱bhra̱ḥ | u̱pa̱'sthe̍ | tvā̍ | a̱gne̱ | va̱dhri̱'a̱śva̱ḥ
sa̱paryan | ju̱ṣā̱ṇaḥ | a̱sya̱ | sa̱ṃ'idha̍ṃ | yavi̍ṣṭha | u̱ta | pū̱rvīn | aca̱no̱ḥ
bā̱rdha̍taḥ | cit || śaśva̍t | a̱gniḥ | va̱dhri̱'a̱śvasya̍ | śatrū̍n | nṛ'bhi̍ḥ
ji̱gāya̍ | su̱ta̱sauma̍vat'bhiḥ | sama̍naṃ | cit | a̱da̱ha̱ḥ | ci̱tra̱bhā̱no̱iti̍citra'bhāno | arve | bā̱rdhata̍ṃ | a̱bhi̱na̱t | vṛdha̍ḥ | cit | a̱yaṃ
a̱gniḥ | va̱dhri̱'a̱śvasya̍ | vṛ̱tra̱'hā | sa̱na̱kāt | pra'i̍ddhaḥ | nama̍sā
u̱pa̱'vā̱kya̍ḥ | saḥ | na̱ḥ | a̱jā̱mīn | u̱ta | vā̱ | vi'jā̍mīn
a̱bhi | ti̱ṣṭha̱ | śardha̍taḥ | va̱dhri̱'a̱śva̱

415.21

0 || ju̱ṣasva̍ | i̱ḷaḥ
pa̱de | prati̍ | ha̱rya̱ | ghṛ̱tācī̍ | vardha̍n | pṛ̱thi̱vyāḥ | su̱di̱ne'tve̍ | ahnā̍ṃ
ū̱rdhvaḥ | bha̱va̱ | su̱kra̱to̱iti̍su'krato | de̱va̱'ya̱jyā | ā | de̱vānā̍ṃ
a̱gra̱'yāvā̍ | i̱ha | yā̱tu̱ | narāśaṃsa̍: | vi̱śvarū̍pebhiḥ | aśvai̍ḥ
ṛ̱tasya̍ | pa̱thā | nama̍sā | mi̱yedha̍: | de̱vebhya̍ḥ | de̱va'ta̍maḥ | su̱sū̱dat
śaśva̍t'tamaṃ | ī̱ḷate̱ | dū̱tyā̍ya | ha̱vi̱ṣmaṃta̍ḥ | ma̱nu̱ṣyā̍saḥ | a̱gniṃ
vahi̍ṣṭhaiḥ | aśvai̍ḥ | su̱'vṛtā̍ | rathe̍na | ā | de̱vān | va̱kṣi̱ | ni
sa̱d | i̱ha | hotā̍ || vi | pra̱tha̱tā̱ṃ | de̱va'ju̍ṣṭaṃ | ti̱ra̱ścā | dī̱rghaṃ
drā̱ghmā | su̱ra̱bhi | bhū̱tu̱ | a̱sme'iti̍ | ahe̍ḷatā | mana̍sā | de̱va̱ | ba̱rhiḥ
iṃdra̍'jyeṣṭhān | u̱śa̱taḥ | ya̱kṣi̱ | de̱vān || diva̍ḥ | vā̱ | sānu̍ | spṛ̱śata̍ṃ
varī̍yaḥ | pṛ̱thi̱vyā | vā̱ | mā̱trayā̍ | vi | śra̱ya̱dhva̱ṃ | u̱śa̱tīḥ | dvāra̍ḥ
ma̱hi̱nā | ma̱hat'bhi̍ḥ | de̱vaṃ | ratha̍ṃ | ra̱tha̱'yuḥ | dhā̱ra̱ya̱dhva̱ṃ

Linked texts (3)