Pramāṇa · Search · About · API

Samhitapadapatha 476

Saṃhitāpadapāṭha 476

Language
Sanskrit

Contents

476.0

pra | a̱gnaye̍
vāca̍m | īra̱ya̱ | vṛ̱ṣa̱bhāya̍ | kṣitī̱nām | saḥ | na̱ḥ | pṛṣa̍t | ati̍
dviṣa̍ḥ || yaḥ | para̱syāḥ | pa̱rā'va̍taḥ | tiraḥ | dhanva̍ | ati̱'roca̍te

476.0-2

yaḥ | rakṣā̍ṃsi | ni̱'jūrva̍ti | vṛṣā̍ | śu̱kreṇa̍ | śo̱ciṣā̍

476.0-3

yaḥ
a̱sya | pā̱re | raja̍saḥ | śu̱kraḥ | a̱gniḥ | ajā̍yata

476.0-4

45 || pra | nū̱nam
jā̱ta've̍dasam | aśva̍ṃ | hi̱no̱ta̱ | vā̱jina̍m

476.46

a̱sya | pra | jā̱ta've̍dasaḥ | vipra̍'vīrasya | mī̱ḷhuṣa̍ḥ | ma̱hīṃ | i̱ya̱rmi̱ | su̱'stu̱tim || yāḥ
ṛca̍ḥ | jā̱ta've̍dasaḥ | de̱va̱'trā | ha̱vya̱'vāha̍nīḥ | tābhi̍ḥ | na̱ḥ | ya̱jñam
inva̍tu

476.47

ā | a̱yaṃ | gauḥ | pṛśni̍ḥ | akra̍mīt | asa̍dat
mā̱tara̍m | pu̱raḥ | pi̱tara̍m | ca̱ | pra̱'yan | sva̍ḥ| riti̍svaḥ || a̱ṃtariti̍
cara̱ti̱ | ro̱ca̱nā | a̱sya | prā̱ṇāt | a̱pa'a̍natī | vi | a̱khya̱t
ma̱hi̱ṣaḥ | diva̍m | tri̱ṃśat | dhāma̍ | vi | rā̱ja̱ti̱ | vāk | pa̱ta̱ṃgāya̍
dhī̱ya̱te̱ | prati̍ | vasto̍ḥ | aha̍ | dyu'bhi̍ḥ

476.48

ṛ̱taṃ ca̍sa̱tyaṃ cā̱bhī̍ddhāttapa̱sodhya̍jāyata || tato̱rātrya̍jāyatatataḥ samu̱dro a̍rṇa̱vaḥ || samu̱drāda̍rṇa̱vādadhi̍saṃvatsa̱ro a̍jāyata | a̱ho̱rā̱trāṇi̍vi̱dadha̱dviśva̍syamiṣa̱to va̱śī
sūryā̍ca̱ṃdrama̱sau dhā̱tārthathā̍pū̱rvama̍kalpayat || diva̍ṃcapṛthi̱vīṃ cā̱ṃtari̍kṣamatho̱sva̍ḥ

476.49

saṃ'sai̍ | it | yu̱va̱se̱ | vṛṣa̱n | agne̍ | viśvā̍ni | a̱ryaḥ
ā | i̱ḷaḥ | pa̱de | saṃ | i̱dhya̱se̱ | saḥ | na̱ḥ | vasū̍ni | ā
bhara̍ || saṃ | ga̱ccha̱dhva̱m | saṃ | va̱da̱dhva̱m | saṃ | va̱ḥ | manā̍ṃsi | jā̱na̱tā̱m
de̱vāḥ | bhā̱gam | yathā̍ | pūrve̍ | sa̱ṃ'jā̱nā̱nāḥ | upa̍'āsa̍te || sa̱mā̱naḥ
maṃtra̍ḥ | saṃ'i̍tiḥ | sa̱mā̱nī | sa̱mā̱naṃ | mana̍ḥ | sa̱ha | ci̱ttam | e̱ṣā̱m
sa̱mā̱naṃ | maṃtra̍m | a̱bhi | ma̱ṃtraye̱ | va̱ḥ | sa̱mā̱nena̍ | va̱ḥ | ha̱viṣā̍
ju̱ho̱mi̱ || sa̱mā̱nī | va̱ḥ | ā̱'kū̍tiḥ | sa̱mā̱nā | hṛda̍yāni | va̱ḥ
sa̱mā̱naṃ | a̱stu̱ | va̱ḥ | mana̍ḥ | yathā̍ | va̱ḥ | su̱'sa̍ha | asa̍ti

476.49.p1

iti aṣṭamāṣṭake aṣṭamodhyāyaḥ || 8

476.49.p2

ṛgvedasaṃhitāpadapāṭhassamāptaḥ

Linked texts (4)