Ashtottarashatopanishad 131
Aṣṭottaraśatopaniṣad 131
- Language
- Sanskrit
131.1
atha ha yājñavalkya ādityamaṇḍalapuruṣaṃ papraccha| bhagavannantarlakṣyādikaṃ bahudhoktam| mayā tanna jātam| tad brūhi mahyam
131.2
tadu hovāca pañcabhūtakāraṇaṃ taḍitkūṭābhaṃ tadvaccatuḥpīṭham| tanmadhye tattvaprakāśo bhavati| so'tigūḍha avyaktaśca
131.3
tajjñānaplavādhirūḍhena jñeyam| tadbāhyābhyantarlakṣyam
131.4
tanmadhye jagallīnam| tannādabindukalātītamakhaṇḍamaṇḍalam
tatsaguṇanirguṇasvarūpam| tadvettā vimuktaḥ
131.5
ādāvagnimaṇḍalam| tadupari sūryamaṇḍalam| tanmadhye sudhācandramaṇḍalam| tanmadhye'khaṇḍabrahmatejomaṇḍalam| tadvidyullekhāvacchuklabhāsvaram| tadeva śāmbhavīlakṣaṇam
131.6
taddarśane tisro dṛṣṭayaḥ amā pratipat pūrṇimā ceti| nimīlitadarśanamamādṛṣṭiḥ| ardhonmīlitaṃ pratipat| sarvonmīlanaṃ pūrṇimā bhavati| tāsu pūrṇimābhyāsaḥ kartavyaḥ
131.7
tallakṣyaṃ nāsāgram| yadā tālumūle gāḍhatamo dṛśyate| tadabhyāsādakhaṇḍamaṇḍalākārajyotirdṛśyate| tadeva saccidānandaṃ brahma bhavati
131.8
evaṃ sahajānande yadā mano līyate tadā śāmbhavī bhavati| tāmeva khecarīmāhuḥ
131.9
tadabhyāsānmanaḥsthairyam| tato buddhisthairyam
131.10
taccihnāni| ādau tārakavad dṛśyate| tato vajradarpaṇam| tata upari pūrṇacandramaṇḍalam| tato navaratnaprabhāmaṇḍalam| tato madhyāhnārkamaṇḍalam| tato vahniśikhāmaṇḍalaṃ kramād dṛśyate
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (1)
- Maṇḍalabrāhmaṇa of Śuklayajurveda — Sanskrit