Ashtottarashatopanishad 133
Aṣṭottaraśatopaniṣad 133
- Language
- Sanskrit
133.1
tṛtīyaḥ khaṇḍaḥ
evaṃ tripuṭyāṃ nirastāyāṃ nistaraṅgasamudravannivātasthitadīpavadacalasampūrṇabhāvābhāvavihīnakaivalyajyotirbhavati
133.2
jāgratridāntaḥparijñānena brahmavidbhavati
133.3
suṣuptisamādhyormanolayāviśeṣe'pi mahadastyubhayorbhedastamasi līnatvānmuktihetutvābhāvācca
133.4
samādhau mṛditatamovikārasya tadākārākāritākhaṇḍākāravṛttyātmakasākṣicaitanye prapañcalayaḥ sampadyate prapañcasya manaḥkalpitatvāt
133.5
tato bhedābhāvāt kadācidbahirgate'pi mithyātvabhānāt| sakṛdvibhātasadānandānubhavaikagocaro brahmavittadaiva bhavati
133.6
yasya saṅkalpanāśaḥ syāttasya muktiḥ kare sthitā| tasmādbhāvābhāvau
parityajya paramātmadhyānena mukto bhavati
133.7
punaḥ punaḥ sarvāvasthāsu jñānajñeyau dhyānadhyeyau lakṣyālakṣye dṛśyādṛśye
cohāpohādi parityajya jīvanmukto bhavet| ya evaṃ veda
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (3)
- Maṇḍalabrāhmaṇa of Śuklayajurveda — Sanskrit
- Maṇḍalabrāhmaṇa — Sanskrit
- Maṇḍalopaniṣad — Sanskrit