Ashtottarashatopanishad 151
Aṣṭottaraśatopaniṣad 151
- Language
- Sanskrit
151.2
tataḥ śrītulasīvaikuṇṭhapuramābhāti paramakalyāṇam anantavibhavam
amitatejorāśyākāram anantabrahmatejorāśisamaṣṭyākāraṃ cidānandamayānekaprākāraviśeṣaiḥ pariveṣṭitam amitabodhānandācaloparisthitaṃ bodhānandataraṅgiṇyāḥ pravāhairatimaṅgalaṃ niratiśayānandairanantavṛndāvanairatiśobhitam akhilapavitrāṇāṃ paramapavitraṃ cidrūpairanantanityamuktairatyabhivyāptam ānandamayānantavimānajālairalaṃkṛtam amitatejorāśyantargatadivyatejorāśiviśeṣam
151.1
2
upāsakastvevamākāraṃ tulasīvaikuṇṭhaṃ praviśya tadantargatadivyavimāno-paristhitāṃ
sarvaparipūrṇasya mahāviṣṇoḥ sarvāṅgeṣu vihāriṇīṃ niratiśayasaundaryalāvaṇyādhidevatāṃ bodhānandamayairanantanityaparijanaiḥ pariṣevitāṃ
śrīsakhīṃ tulasīmevaṃ lakṣmīṃ dhyātvā pradakṣiṇanamaskārān vidhāya
vividhopacārairārādhya stutvā stotraviśeṣaistayā'bhipūjitastatratyaiścābhipūjitastadanujñātaścoparyupari gatvā paramānandataraṅgiṇyāstīre gatvā tatra
parito'vasthitān śuddhabodhānandamayān anantavaikuṇṭhānavalokya niratiśayānandaṃ prāpya tatratyaiścidrūpaiḥ purāṇapuruṣaiścābhipūjitastato gatvāgatvā
brahmavaneṣu divyagandhānandapuṣpavṛṣṭibhiḥ samanviteṣu divyamaṅgalālayeṣu
niratiśayānandāmṛtasāgareṣvamitatejorāśyākāreṣu kallolavanasaṃkuleṣu
tato'nantaśuddhabodhavimānajālasaṅkulānandācalaśreṇiṣūpāsakastata
uparyupari gatvā vimānaparamparāsvanantatejaḥparvatarājiṣvevaṃ krameṇa prāpya
vidyā''nandamayayoḥ sandhiṃ tatrā''nandataraṅgiṇyāḥ pravāheṣu snātvā
bodhānandavanaṃ prāpya śuddhabodhaparamānandākāravanaṃ santatāmṛtapuṣpavṛṣṭibhiḥ
pariveṣṭitaṃ paramānandapravāhairabhivyāptaṃ mūrtimadbhiḥ paramamaṅgalaiḥ paramakautukam aparicchinnānandasāgarākāraṃ krīḍā''nandaparvatairabhiśobhitaṃ
tanmadhye ca śuddhabodhānandavaikuṇṭhaṃ yadeva brahmavidyāpādavaikuṇṭhaṃ sahasrānandaprākāraiḥ samujjvalati| anantānandavimānajālasaṃkulam anantabodhasaudhaviśeṣairabhito'niśaṃ prajvalantaṃ krīḍā'nantamaṇḍapaviśeṣairviśeṣitaṃ
bodhānandamayānantaparamacchatradhvajacāmaravitānatoraṇairalaṃkṛtaṃ paramānandavyūhairnityamuktairabhitastatam anantadivyatejaḥ parvatasamaṣṭyākaram aparicchinnānantaśuddhabodhānandamaṇḍalaṃ vācāmagocarānandabrahmatejorāśimaṇḍalam akhaṇḍatejomaṇḍalaviśeṣaṃ śuddhānandaviśeṣasamaṣṭimaṇḍala-viśeṣam akhaṇḍacidghanānandaviśeṣam
151.2-2
2 3
evaṃvidhaṃ bodhānandavaikuṇṭhamupāsakaḥ praviśya tatratyaiḥ sarvairabhipūjitaḥ
paramānandācaloparyakhaṇḍabodhavimānaṃ prajvalati | tadabhyantare cinmayāsanaṃ
virājate
151.2-3
4
tadupari vibhātyakhaṇḍānandatejomaṇḍalam | tadabhyantarasamāsīnamādinārāyaṇaṃ dhyātvā pradakṣiṇanamaskārān vidhāya vividhopacāraiḥ susampūjya
puṣpāñjaliṃ samarghya stutvā stotraviśeṣaiḥ svarūpeṇāvasthitamupāsakamavalokya tamupāsakamādinārāyaṇaḥ svasiṃhāsane susaṃsthāpya tadvaikuṇṭhavāsibhiḥ sarvaiḥ samanvitaḥ samastamokṣasāmrājyapaṭṭābhiṣekamuddiśya mantrapūtairupāsakamānandakalaśairabhiṣicya divyamaṅgalamahāvādyapuraḥsaraṃ vividhopacārairabhyarcya mūrtimadbhiḥ sarvaiḥ svacihnairalaṅkṛtya pradakṣiṇanamaskārān
vidhāya tvaṃ brahmāsi ahaṃ brahmāsmi āvayorantaraṃ na vidyate tvamevāham
ahameva tvam ityabhidhāya ityuktvā ādinārāyaṇastirodadhe tadetyupaniṣat
151.1-2
5
athopāsakastadājñayā nityaṃ garuḍamāruhya vaikuṇṭhavāsibhiḥ sarvaiḥ
pariveṣṭito mahāsudarśanaṃ puraskṛtya viṣvaksenaparipālitaścoparyupari gatvā
brahmānandavibhūtiṃ prāpya sarvatrāvasthitān brahmānandamayān anantavaikuṇṭhānavalokya niratiśayānandasāgaro bhūtvā ātmārāmān ānandavibhūtipuruṣānantānavalokya tān sarvānupacāraiḥ samabhyarcya taiḥ sarvairabhipūjitaścopāsakastata uparyupari gatvā brahmānandavibhūtiṃ prāpya anantadivyatejaḥparvatairalaṃkṛtān paramānandalaharīvanaśobhitān asaṃkhyākān
ānandasamudrān atikramya vividhavicitrānantaparamatattvavibhūtisamaṣṭiviśeṣān paramakautukān brahmānandavibhūtiviśeṣānatikramya upāsakaḥ
paramakautukaṃ prāpa
151.2-4
tataḥ sudarśanavaikuṇṭhapuramābhāti nityamaṅgalam anantavibhavaṃ sahastrānandaprākārapariveṣṭitam ayutakukṣyupalakṣitam anantotkaṭajvaladaramaṇḍalaṃ
niratiśayadivyatejomaṇḍalaṃ vṛndārakaparamānandaṃ śuddhabuddhasvarūpam
anantānandasaudāminīparamavilāsaṃ niratiśayaparamānandapārāvāram
anantairānandapuruṣaiścidrūpairadhiṣṭhitam
151.3
tanmadhye ca sudarśanaṃ mahācakram
151.4
caraṇaṃ pavitraṃ vitataṃ purāṇaṃ yena pūtastarati duṣkṛtāni
tena pavitreṇa śuddhena pūtā atipāpmānamarātiṃ tarema
151.5
lokasya dvāramarcimat pavitraṃ jyotiṣmad bhrājamānaṃ mahasvat
amṛtasya dhārā bahudhā dohamānaṃ caraṇaṃ no loke sudhitāṃ dadhātu
151.6
ayutārajvalantam ayutārasamaṣṭyākāraṃ niratiśayavikramavilāsam
anantadivyāyudhadivyaśaktisamaṣṭirūpaṃ mahāviṣṇoranargalapratāpavigraham
ayutāyutakoṭiyojanaviśālam anantajvālājālairalaṃkṛtaṃ samastadivyamaṅgalanidānam anantadivyatīrthānāṃ nijamandiramevaṃ sudarśanaṃ mahācakraṃ
prajvalati
151.7
tasya nābhimaṇḍalasaṃsthāne upalakṣyate niratiśayānandadivyatejorāśiḥ
tanmadhye ca sahasrāracakraṃ prajvalati | tadakhaṇḍadivyatejomaṇḍalākāraṃ
paramānandasaudāminīnicayojjvalam
151.8
tadabhyantarasaṃsthāne ṣaṭśatāracakraṃ prajvalati | tasyāmitaparamatejaḥparamavihārasaṃsthānaviśeṣaṃ vijñānaghanasvarūpam
151.9
tadantarāle triśatāracakraṃ vibhāti | tacca paramakalyāṇavilāsaviśeṣam
anantacidādityasamaṣṭyākāram
151.10
tadabhyantare śatāracakramābhāti | tacca paramatejomaṇḍalaviśeṣam
151.11
tanmadhye ṣaṣṭyaracakramābhāti | tacca brahmatejaḥparamavilāsaviśeṣam
151.12
tadabhyantarasaṃsthāne ṣaṭkoṇacakraṃ prajvalati | taccāparicchinnānantadivyatejorāśyākāram
151.13
tadabhyantare mahānandapadaṃ vibhāti | tatkarṇikāyāṃ sūryenduvahnimaṇḍalāni
cinmayāni jvalanti | tatropalakṣyate niratiśayadivyatejorāśiḥ
151.14
tadabhyantarasaṃsthāne yugapaduditānantakoṭiraviprakāśaḥ sudarśanapuruṣo
virājate | sudarśanapuruṣo mahāviṣṇureva
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (4)
- Tripādvibhūtimahānārāyaṇopaniṣad — Sanskrit
- Siddhāntasāropaniṣat — Sanskrit
- Vaiṣṇavopaniṣad — Sanskrit
- Aṣṭottaraśatopaniṣadaḥ — Sanskrit